Jeremaia 14:22 - Godigo dwagi yai po buku

²² Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Jeremaia 14:22 Referans Kwoze

Joel 2:23

“Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Jeremaia 5:24

Dagego ena Genuai Bidi duga God dologoba me pisąma tebao. Dagego te homu isąbao, ena digi eno te tulubage te dagego nai wai bulubo sogo tagala paliyu, te nai inabo sogo tagala palu ebao. Te ena digi eno te nai aga inayabo sogode inamainu eyu, te tigidali kibu bede dagego sela tumainu tebo dao.

Godigo Nogi Ugwaba Sabo Tęąbi Po Wabo Buku Dabe 135:7

Agai te tulubage tulubo pǫ te tigidali tǫ badu pedalumainu elama, tama be sele te tulubage dali pedalumainu ebo dao, tama te wali hodolama, te tedela palobo dao.

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Bomai Po 32:21

Augwaligo tibo god dabe wali pabo, teda augwali olo nai mu dao. Tama augwaligo te dwai kolesagago ena sębę elama, augwaliba wado homu emainu yali dao. Tama tialima, eno te bidi hani me deli, augwali nogi meni yai hani, te olo nai tiwai o augwali polobo bidi dabe tiwai, tama augwali eno tagala palama, tama te Israel dabe haliga tigi dolomainu elama, wado emainu tagala palaibao.

Jeremaia 51:16

Agai po obaso, te dagalu pǫ dabego te be kulu bomonama obao, te pǫ hauwa umabo hogodobao, te gasa badu gasa badu asama, deliba sisinagasobao. Agai te be sele ula ilibaso, te tulubage aiyaba tulubao. Agai te wali hodolobaso, te wali aga bidali badu tagalama, asobo dao.

Jeremaia 16:19

Genuai Bidi, nago ena dąų walama, ena obogo bagualubao, te nago ena te sęgę ebo sogo tau sobao. Te tigidali digibulu tǫ habu we bidi hani te nageba asama, augwa te tiwai po waibao, “Te dago wąį nǫų dabego tibo god, augwali te mu god menio. Augwali te olo bage tiwai elalu, te da tau sabo usu me ebe dao.

Jeremaia 10:15

Augwali te olo nai mu tiwai elalubao, te bidi dabego posobo po augwaliba waibao. Te god dabe da dolama, te mu sia saibao.

Aisaia 41:29

Suao. Augwaligo te mena sę me deli ebaso usugobeo, magi baso meni, augwa digi te olo nai naga dao. Te tibo god dabe te olo piksa dabe naga elalubao. Augwaligo te magi sę me deli yabo bomo me elalubeo,” te po wai dao.

Godigo Nogi Ugwaba Sabo Tęąbi Po Wabo Buku Dabe 130:5

Eno homugo te Genuai Bidigo ena tau somainu homu elama, tama eno aga tonalubao. Tama eno konealubo homu agai poba dąų mu wabo dao.

Godigo Nogi Ugwaba Sabo Tęąbi Po Wabo Buku Dabe 25:21

Eno konealubo homu nageba elalubao, tama tiyu, nago eno te tigidali wiegi yai doloba pai kolesaga emainu eyu, tego te sesemane sogo ena tonalumainu ilao.

Te Israel me Juda Hani Sigo Tuni Bidigo Po Elalubo Buku Deli 17:14

“Magi baso meni, God, Israel hanigo Genuai Bidi, agai e tama po wai, ‘Naga te mouwa dage genagi munalubo plaua munu me sia sogobeo, tama me te nago te wel me, te nago mouwa dage genagi sospende munalubo wel me munu me sia sogobeo,’ po wali, ‘tama munalua pobadi, te Genuai Bidigo te kulubage e tǫba tulubo bodoluba usu nigi paibao,’ po wali,” Elaijago te po te webolo wai.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Bomai Po 28:12

God aga digi tulubage tonalubo dao, tama agai tulubage bugagia tagala palaibao, te tulubage side naga. Tama agai dagego tigidali sę dabe wiegi yai mu pedalomainogo yaibao. Tama tiyu, dagego gasa we bidi hanigo dageba negeli emainogo yaibao. Tiali goli, dagego doado bage usu genuai baso da, dagego augwaliba negeli emainogo me egobeo.

Maika 7:7

Tialima, ena da, ena digi dwagi yai homu eyu, eno konealubo homu Genuai Bidiba dąų walio. Te Godigo eno gedu haluasa po wabo odama, tama eno te eno God agai ena tau sagasobo tonalubo dao.

Amos 4:7

Genuai Bidigo te po wali, “Ena digi eno te tulubage paliali, te tulubage tulubo sogo te nai wiegi yai pedalumainu ilibo tulubage te eno paliali. Eno te tulubage te taun mebaba tagala palali, te gasaba me tebeo. Menio. Te gi mebago tulubage sali. Tialima, te gasa gi dabego me sabeo, menio, tama tigidali te sasia palio.

Jeremaia 10:13

Agai po obaso, te dagalu pǫ dabego te be kulu bomonama obao, te pǫ hauwa umabo hogodama, te gasa gasa badu asu, te deliba sisinibao. Agai te dagalude be sele emainu elama, te tulubage tulubao. Agai te wali hodolama, te aga bidibo pesage tagalama, asobo dao.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Godigo Nogi Ugwaba Sabo Tęąbi Po Wabo Buku Dabe 147:8

Agai te dagalude pǫ pedalumainu elama, tama te tulubage tagala palama, tama te bulu du dabede te nosa pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 27:14

Te nago konealubo homu dąų olama, tama te Genuai Bidigo nage tau sagasobo tonaluao. Bomo elama dolaluao, nago haliga sęgę me igio. Awe, nago konealubo homu dąų olama, tama te Genuai Bidigo nage tau sabo tonaluao.

Godigo Nogi Ugwaba Sabo Tęąbi Po Wabo Buku Dabe 25:3

Awe, nageba te konealubo homu ąų wabo bidi dabe, te augwaligo konealubo odolali dąų omainu elama, tama me tagaliyu me egobeo. Menio. Te nageba hagoma polo ebo bidi dabe, augwali naga te dwai dene somainu elama, tama augwa yali kolesagade hale yaibao.

Jopgo Po Asęani Elalubo Buku 5:10

Agai te tulubage e tǫba mayu, te dago giba me tulubage mabo dao.

Te Israel me Juda Hani Sigo Tuni Bidigo Po Elalubo Buku Deli 18:1

Te sogo te genuai poi pibo giliga nanobo sesabi elama bidali sogo, te sela wabo kibu bede Genuai Bidigo Elaijabolo te tiwai po wai dao, “Nage pelama, te king Ahap sugi pao, te eno tulubage ma tagala palaibao,” wali.

Te Israel me Juda Hani Sigo Tuni Bidigo Po Elalubo Buku Deli 8:36

teda Genuai Bidi, nage te dagalude bidiyu, te gedu haluasa po odoyu, tama nago te da Israel naga sę ebo we bidi dabego sęgę sela sąyu yao. Nago dabolo te doloba pai kolesaga wali pomainu ola mao. Tama te dago tǫ da olama bidimainu nago te polobadu naga we bidi dabolo mani tǫba te tulubage ma mayu tagala palao,” te po wai.

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Jeremaia 5:12

Te Israel dabego Genuai Bidi tibo wali peyu, augwa te tama po wali, “Genuai Bidigo magi sę me egobeo. Agai te dwai nai daba me tagala palomainu me iligobeo. Te boi bidi dabego me hwįagasisąyu, te genuai nasi me pedalugobe dao,” te po wai.

Jeremaia 10:3

Suao. Te hani dabego mu kolesaga me ebeo. Augwaligo ebo kolesagago augwali tau sabo usu egobeo. Augwa te ni me deli buside gelama, tama te ni piksa dulubo konebo bidi dabego te ni selama, tama tego tibo god dulama, nigali.

Hosea 2:7

Te agai godolo homu ebo bidi dabeba painogo pali goli, tiali goli aga te augwaliba me pedalugobeo. Te agai augwali gegegi paibao, tiali goli, agai augwali me sugobeo. Tama tibaso, agai te po waibao, ‘Polobadu ena eno bidi dali bugagia bidalio, tiali goli, megi menio. Tama tibaso, te ena bidi muba dolo ma paibao,’ te po waibao.”

Jopgo Po Asęani Elalubo Buku 28:26

Tama God agai te tulubage me te sisi pǫ elaluyu wali bilabo po dąų walai dao.

Jeremaia 10:12

Te God da, aga bomogo digi te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Maika 5:6

Te augwaligo Asiria dabe dali hwįbo bomo mu elama, te moni bobobage bainat hwągo te augwali aiyaba elaluama, te augwa bulu tǫ kantri nogi Nimrot te saibao. Tama tebogo te Betlehemde pedelali genuai tuni bidigo da te Asiria bagego nogode ma dobola saibao. Te Asiria bage dago tǫ dąį bolama, hwįagasobo sogo, agai tama tiaibao.