Jeremaia 14:20 - Godigo dwagi yai po buku

²⁰ Genuai Bidio, mu tamao, dago dali, te dena wąį nǫų dabego me, te nago gedude dwai sę hauwa yali dao.

Jeremaia 14:20 Referans Kwoze

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Godigo Nogi Ugwaba Sabo Tęąbi Po Wabo Buku Dabe 32:5

Nosali eno sęgę te eno nageba pusali. Eno ena yali dwai kolesaga geme me dualubeo. Eno te homu yali, eno te bomai po bolali kolesagade sali sęgę tigidali eno te Genuai Bidiba pusabo homu yali. Eno hania pusula silibaso, tama nago eno yali dwai sę me, eno sęgę me, sela sąwai dao. Tama tiyu, nago ena tede nosali elegobeo wali.

Jeremaia 3:13

Israel, nago te tiwai po dolasa hanilama pusao, “Eno te dwai sę yai da,” po wao. “Eno God, nage ena Genuai Bidiba hagoma yali, te ena tigidali genuai ni dologoba pelama, te tibo god dali dwai kolesaga yali. Te eno nago po sela sąwani.” Israel, ena Genuai Bidigo, eno te po nageba mobao,’” wali.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.

Nehemia 9:2

Te we bidi augwaligo te Israel hani isąwai hani bidi dali kisasa bilali kolesaga te tagalali. Tama augwali dolalu, te augwa sęgę me, te augwa wąį nǫų dabego sęgę me pusali.

2 Samuel 24:10

Nosali Devit aga te yali sęde homu sęgę ebaso, tama aga Genuai Bidiba gedu haluasa po weyu, te tama po wai, “Ena te homu mu puna peyu, tama eno te bidi dabe nedalio. Tama eno te tiali kolesagade te eno dwai sę mu yali. Tiali goli, Genuai Bidi, eno nageba hanalu obao, eno te yali sęgę te nago sela sąyao,” wali.

2 Samuel 12:13

Devitgo te po odama, tama aga te po wai, “Eno te Genuai Bidi gedude agade dwai sę yalio.” Tama Natango te tama po agabolo wei ponani, “Genuai Bidigo nago te dwai sę yali sela sąnama, tama nage me isigobeo.

Jeremaia 8:14

Te Juda dabego te tama po waibao, “Magi baso da olo dugulalubawe? Da sisinama, te bomai obo elalubo taun dabeba geme duala sigi pelainao, tama da te taun dabede isigi pinao. Dago te Genuai Bidi, dena Godiba dago dwai sę yali, tama agai te po weyu, da isimainao wali. Te agai dabolo te bidi dolabo marasin mabo tiwai menama, te dago tumainu yali.

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Te We Bidi Dabego Jerusalem Hagede Gela Wali 1:20

“Genuai Bidi, ena suao. Ena genuai sęgę mu selama, tama ena dolama mu bidibao. Tama eno homu dwai mu elalubao. Magi baso meni, eno hagoma genuai mu elama, tama nago po sese tama sela sąwai dao. Te boi bidi dabe augwaligo eno we bidi dabe eno sunumi dabede ela wiala silalio. Tama me te bede bidaluali we bidi augwali nasi eyu, gasi me eyu, isai dao.

Te We Bidi Dabego Jerusalem Hagede Gela Wali 3:42

“Dago nage dali hagoma elama, tama dago sęgę sai dao. Tama nago dago sęgę sela sąsiąyu, tama da te nago gedude dwagi yai ma pedalubeo.

Te We Bidi Dabego Jerusalem Hagede Gela Wali 5:7

Dago wąį dabe augwaligo polobadu te dwai sę yai digi, augwali polo isila palio. Tama megi da, da augwaligo dagede da sęgę tolobao.

Amos 7:2

Te nade eno suali, te kuli mano dabego te tǫde nosai dabe me ni yabe tigidali silai yalio. Tibaso, tede noma siyu, eno te tama po i wali, “God, Genuai Bidio, nago naga we bidi dabe augwaligo dwai sęgę sela sąyao, te Israel dabe dao. Augwali dwasianu hani naga dao, te augwali bomo meni yai. Te nago te kuli mano dabe tagala palama, te Israel dabego dwai kolesaga te tiwai wei ponogi sogo da, tede augwali magi ilama bugagia bidaibawe?” wali.

Daniel 9:15

“God, te dago Genuai Bidi, te nago bomo te dabolo ola mayu, te da te bulu Isip kantride kalabus sę yali sogo, te nago da sela asali. Tama megi me, te gasa bulu tǫ kantri we bidi dabego nago te yali bomai sęde homu kone palama, tama augwaligo nageba genuai nogi mawai. Mu tama, dago dwai sę elama, tama dago dwai kolesaga hauwa yai dao.