Jeremaia 14:18 - Godigo dwagi yai po buku

¹⁸ Te ena hanu bulu badu bilibadi, eno te hwįnama elali bidi tigi dabe suali. Tama ena te hanu sunumi dabedu pobadi, eno te nai mu meni yai we bidi te augwa tigi dolali elalubo suali. Te pris me profet dabe olo bilibao, te augwa mena sę ebowe, te augwa me konesiąwai dao,’ nago te po pusao,” wali.

Jeremaia 14:18 Referans Kwoze

Esekiel 7:15

Genuai Bidigo po ma weyu, te tiwai wali, “Boi bidi dabego te Jerusalem bagua salio. Te taun bulu badu bidali we bidi dabe augwali te boi bidi dabego bobobage hwągo ela mueibao. Te taun moni obo tomode bidali we bidi augwali da, te augwali nai menia selama, te haniani gasi selama, te augwali isaibao.

Te We Bidi Dabego Jerusalem Hagede Gela Wali 1:20

“Genuai Bidi, ena suao. Ena genuai sęgę mu selama, tama ena dolama mu bidibao. Tama eno homu dwai mu elalubao. Magi baso meni, eno hagoma genuai mu elama, tama nago po sese tama sela sąwai dao. Te boi bidi dabe augwaligo eno we bidi dabe eno sunumi dabede ela wiala silalio. Tama me te bede bidaluali we bidi augwali nasi eyu, gasi me eyu, isai dao.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Bomai Po 28:36

“Tama Genuai Bidigo dagego tuni bidi king me, dage me, duga wąį dabe augwali polobadu me pisąma yai kantriba odasa paibao. Tama dage te bulude bidiyu, tama augwaligo tibo godiba dagego lotu waibao, te augwaligo nigo me masigigo nigai godiba lotu po waibao.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Te We Bidi Dabego Jerusalem Hagede Gela Wali 4:9

Te boi hwįbode isali bidi dabe augwali godolagi mu elama, te nai habuge yai bidi dabe aiyaba elalualio. Magi baso meni, augwali polo isalio. Tiali goli, gasa bidi hani augwali nasi mu elama, tama sęgę bobobage sogo tolama, tama augwali dili pulu hą elama, tama augwali isalio.

Jeremaia 23:21

Genuai Bidigo te po wali, “Eno te profet dabe me tagala palobeo, tiali goli, augwaligo po asesa pusugi pobao. Eno po augwaliba me mabeo, tiali goli, augwaligo te profet po pusubo dao.

Jeremaia 2:8

“Te pris dabego me enaba homu kone me palobeo. Te eno bomai po page koneai bidi dabe, augwaligo ena me konebeo. Te bulu tǫ kantri tonalubo polalubo bidi dabego enaba hagoma ebao. Te profet dabego te tibo god Bal nogide profetgo wabo po tiwai weyu yali. Augwaligo te augwa tau sisąbo naiba lotu wai dao,” wali.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Bomai Po 28:64

“Te Genuai Bidigo dage subigila teba teba dobola palaibao, te tigidali e tǫba tedela palaibao. Tama te bulude dabe dage augwaligo masigigo me nigo nigai tibo god dabeba lotu po waibao. Polobadu dage me duga wąį dagego te tibo godiba lotu po me wai menio.

Jeremaia 6:25

Te boi bidi te dwai bidi dabe mu, tama augwali te tigidali habu usu nama bidiyu, te da dali hwįainu sisi elalu, te da wi ilibao. Tialima, da te gi dabeba munu me pisąma, te sunumi dabeba me biligi pigio,” wali.

Amos 4:6

Genuai Bidigo te tama po wali, “Awe, dagego tama tebo dao. Tama tibaso, eno tama, eno te genuai nasi te dagego taun tigidaliba pedalumainu ilama, te tigidali bulude dage nai meni yai. Tiali goli, te dage enaba ma geasa asobeo. Mu menio.”

Te We Bidi Dabego Jerusalem Hagede Gela Wali 2:19

Hulide nage hauwa sogo mu hodalu, tama Genuai Bidiba gela hwą wao. Nago agabolo gedu haluasa po bomonama weyu, te nago sęgę agabolo pusuyu, me nago homu sęgę po agabolo pusao. Magi baso menio, naga wai bǫų dabe augwali nasi elama, tama augwali bomo kimi isibaso, augwali te naga sunumi dabe sesegede te dedege pabo dao. Tialima, nago nogo ugwaba selama, tama Genuai Bidibolo augwali hobede emainu hanalu wao.