Jeremaia 12:9 - Godigo dwagi yai po buku

⁹ Eno we bidi augwali te ba me deli tiwai gilama, te ba kemodage dabego te ba bagua sagaselama, te aga dolobo sę yalio. Te uni hasa dabe me i olama, te augwali me aselama, te ba tuagasomainao,” wali.

Jeremaia 12:9 Referans Kwoze

Aisaia 56:9

Te Israel polalubo bidi dabego te we bidi dabe bugagia me tonalusiąbaso, te Genuai Bidigo te po wai, “Asiąo, dage boi bidi dabe. Dage te uni hasa dabe te bulu du buside bidalubo asiąo,” wai. “Dage aselama, te Israel polalubo bidi dabe dolagasao. Te polalubo bidi dabego te tǫ kantri dwai sęgo elalagasainu ebo po te we bidi dabeba wabo sę elalubao. Tiali goli, augwa sę bugagia me ebeo. Menio. Augwali te gedu widai bage tiwai te taun tauade te boi bidi asobo tonalubo tiwai bidali. Tama augwali te pedauwali pania sai yowi tiwai te nai wi sabo bidi asobode gągą wabo usu isąwai bidali. Te augwa tobolude dwasianu kolesaga me elalubeo.

Jeremaia 7:33

Te tigi hauwa tǫde olo munalua pobadi, te ba sibigo me hasa sibi aselama, mi tuagasaibao. Tama te ba dabe me hasa dabe aselama tubadi, te sela sąyabo bidi meni yaibao.

Te Israel me Juda Hani Sigo Tuni Bidigo Po Elalubo Buku Si 24:2

Tama tibaso, Genuai Bidi Godigo te Babilon hani bidi me siyu, me te Siria hani bidi dabe me siyu, tama me te Moap hani bidi dabe me siyu, tama me te Amon hani bidi dabe me siyu elama, tama te king Jehoiakim dali boi hwįnama, tama te Juda hanigo bulu Jerusalem taun dolomainu Genuai Bidigo tagala palali. Genuai Bidigo agai tama tiali sę te agai te profet bagebolo pusa mani poba usu nigi pai, te profet bidi dabe te aga sę ebo bidi dabe da.

Kraisgo Geme Dualali Sę Pedelabo Po Jonbolo Ola Mani 17:16

Tama te nogo si gąų nago suali, te dali te dwai hudigi ebo hasa dali augwaligo te penani we dali boi bidi yaibao. Te penani we augwaligo aga mu dolama, tama agai ugwa dabe me tigidali doado bage dolaibao. Tama augwaligo agai tigi mi tuyu, tama aga tigi tigidali siago domainogo ulaibao.

Jeremaia 15:3

Ena Genuai Bidigo, te eno nai me si me sigo te we bidi dabe mu silimainogo tagala palaibao. Augwali te boi bidi dabego ela mumainogo sa muaibao. Te eno yowi dabego augwali tigi mi pepedela tumainogo sa mueibao. Me te ba dabe, me uni hasa dabego te tigi mi mu tulama, silimainu sa mueibao wai dao.

Jeremaia 2:15

Te boi bidi dabego te laiongo bomonama i wabo tiwai yai dao. Augwaligo agai taun siago deyu dolama, tede bidi me bidibeo. Te agai tǫ augwaligo te olo tǫ pesage bulu tiwai pedelai.

Jeremaia 34:20

Te augwali eno te boi bidi dabego nogoba munama, te boi bidi dabego augwali ela mueibao, tama te ba dabe me hasa dabego te augwaligo tigi tuagasaibao.

Te We Bidi Dabego Jerusalem Hagede Gela Wali 1:17

Saiongo bidi mebago aga tau somainu homu eyu, aga nogo balalubao, tiali goli, te bidi aselama, aga dali hobede eyu, tau siyu me yagasobeo. Genuai Bidigo boi bidi dabe tigidali bulu badu i olama, tama te Israel hani dali hwįagasali. Tama te boi bidi dabego te Jerusalem te dwai damua pai pesage tiwai mu tonobo ąǫ yali.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Aisaia 2:12

Genuai Bidi Tigidali Bomo Elalubo Bidigo bodolu elalubo, te augwa nogi ugwa sabo bidi dabe aiyaba elaluabo sogo. Tama te sogo agai te bidi dabego genuai nai dabe me augwaligo godolo elama, gawebo nai dabe dolaibao.

Esekiel 34:5

Te sipsip dabe augwali tonalubo bidi meniama, augwali augwa digi subigila bilibo tiwai ebo dao. Tama te bulu hasa dabego augwali elama tubo dao.