Jeremaia 11:20 - Godigo dwagi yai po buku

²⁰ tiali goli, nage Tigidali Bomo Elalubo Genuai Bidi dao, nago te we bidi dabego haliga me homu kolesaga dagalobo dao, te nago po tų dolo mu ebo dao. Eno te sęgę nago nogoba mubao, te eno homugo nago te bidi dabeba dwai sę ebo dene mabo sueibao,” te po wali.

Jeremaia 11:20 Referans Kwoze

Jeremaia 20:12

Te Tigidali Bomo Elalubo Genuai Bidi, nago te doloba pai we bidi bidi dabe osola subo dao, tama nago te dago homu dali homu kolesaga dagalobo dao, te nago po tų dolasa ebo elalubao. Tialima, eno te sęgę nago nogoba mubao, tama nago te we bidi dabeba dwai dene mayu dolobo sę eno sueibao homu ebo dao.

Jeremaia 17:10

Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.

Godigo Nogi Ugwaba Sabo Tęąbi Po Wabo Buku Dabe 7:9

God, nage te doloba pai mu da. Nago te tigidali bidigo haliga me homu te dagalubo dao. Tialima, nago te dwai sę ebo bidi dabego dwai kolesaga ebo te tigidali silao. Tama nago te wiegi yai bidi dabego ebo dwagi yai kolesaga wei ponao.

1 Samuel 16:7

Tiali goli, Genuai Bidigo agabolo te po wai, “Nago homugo aga te dili bobage bidi, ma aga te sawia pai suyu, tama eno aga nigilabo homu me egobeo. Menio, eno homugo te bidi king pedalumainu homu ebo hagela homu ebao. Magi baso meni, eno bidi dagalubo sę ebo te e tǫde bidigo bidi dagalubo tiwai gilama me tegobeo. Menio. Te bidi dabego te bidi tigiba tonono ebao. Tiali goli, eno te homu kolesaga me te bidigo kolesagade si sulama, tama eno augwali dagalaibao,” wali.

Kraisgo Geme Dualali Sę Pedelabo Po Jonbolo Ola Mani 2:23

Tama agai wai dabe me, te eno augwali mu ela silaibao. Tama tiyu, te Godigo po odobo we bidi tigidali augwaligo koneaibao, te ena da, te tigidali bidigo homu kolesaga osola subo bidi dao. Tama dage deli delibolo eno dagego yali kolesaga dolo si wei ponaibao.”

Jeremaia 17:18

Tama megi eno homugo nago te enaba dwai posobo po sę ebo bidi dabeba hale ilama, te augwa homu dolomainao. Tialima, nago ena homu dolobo sę me isąyu, te ena hale me iligio. Eno homugo nago te dwai sę ebo sogo augwaliba pedalumainogo ilao, te nago augwali dwagila augwali mu doloyu da yao, ena Jeremaiago te po wai.

Jeremaia 15:15

Te ena Jeremaia, eno te tiwai po obao, “Genuai Bidi, nago eno sęgę koneanio. Te nago enade homu kone palama, te nago ena tau sao. Tama nago ena te dolobo bidi dabeba dwai dene sabo wei ponao. Tiyu, nago te boi bidi dabede dua nagame yai sę ebaso, te augwaligo ena ela muidalio. Nago koneani, eno nago sę ebaso, te augwaligo enaba dwai po wabo dao.

Tuni Bidi Dabego Po Elalubo Buku Deli 29:17

“Eno God, nago tigidali bidigo haliga usu sabo da, tama nago te bugai haliga te doloba pai kolesaga ebo bidigo ebo sueibao. Eno te homu kone palama, tama me eno nago genuai nogiba homu kone elama, tama eno haliga hogodalu, eno te nai dabe nagebolo mawai. Te tobage deli kolesagade naga, nago te we bidi dabego te augwa nai dabe manio. Te eno augwaligo tama tebo sę ebo sulama, eno wiegi yai homu pemene umagi mu ebao.

Tigidali Nai Gagalama Nigali Side 18:25

Nago te wiegi yai bidi dabe augwali te dwai bidi dabe augwali dali elainu ebo. Te wiegi yai egobeo. Nago tama tiwai me elamuo. Tiyu, te wiegi yai bidi dabe te dwai bidi dabe augwali dali dolabuo. Te dwai mu dao. Nage da, te tigidali tǫ pedaide po tų odobo bidi dao. Nago te doloba pai kolesaga wali pomainogo egobewe?” Abrahamgo te po hanalu wali.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Polgo Si Wali Pas Timotiba Asęani - 2TI 4:14

Te bidi nogi Aleksander, agai mone ge sabo sę da te haniani nai te aga kapago nigibo bidi, te bidi agai enabolo dwai sę mu ilali. Nosali te Genuai Bidigo agabolo te dwai dene wei ponoyu, te aga yali dwai kolesaga usu nama te dene mawaibao.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

Godigo Sęba Tagala Palai Bidigo Po 17:31

Tama agai deli sogo me bodolu mawai. Nosali te sogo agai tigidali tǫde bidibo we bidi po tų ela mawaibao. Augwali po tų yabo bidi Godigo sa muai dao, te bidi agai dwagi yai doloba pai po tų mu yaibao. Tama Godigo te sa muai bidi agai dabolo hania ola mani. Mena sę elama, da tigidaligo sualiwe? Agai te bidi isąma, gų pagede ma hodaluama, ma gesi bida bida paibao,” Pol agai te po wai.

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Godigo Nogi Ugwaba Sabo Tęąbi Po Wabo Buku Dabe 98:9

Magi baso meni, aga te tigidali bulu tǫ tonaluainu asobao. Tama aga te king bidu, tama tigidali we bidi te doloba pai kolesagade tonaluyu, te po tų ebo dolo naga yaibao.

Godigo Nogi Ugwaba Sabo Tęąbi Po Wabo Buku Dabe 57:1

God, nago te homu dene eyu, tau sabo kolesaga enaba yao. Magi baso meni, nago ena tonalumainu eyu, ena nageba asobao. Ena nage dali bidibaso, te ena bugagia bidibao, te ba kakaruk wai dabe te aga idago bogo dologode bugagia geme dualalubo tiwai gilama ebao. Ena te tiwai tama bididu, te ena dolainu yali nai tigidali silibo sogoba usu nigi paibao.

Godigo Nogi Ugwaba Sabo Tęąbi Po Wabo Buku Dabe 43:1

God, te bidi dabego nage tudiba muyu, te augwaligo ena aiyaba elaluainu homu ebao. Nago ena tau selama, tama augwaligo te dwai po wabo togolama, tama augwaliba eno ebo wiegi yai kolesaga naga ola mao. Augwali te tibo po wabo bidi dabe da, tama augwaligo kolesaga te dolo me isąwai. Nago ena tau selama, tama augwali nogode ena ma dobola sali.

Godigo Nogi Ugwaba Sabo Tęąbi Po Wabo Buku Dabe 35:2

Nago te hwįbo doado bage, me te sabele dali selama, tama nago ena tau sagasao.

Jopgo Po Asęani Elalubo Buku 5:8

Elifas agai po genina ma weyu, e tama wali, “Tiali goli, ena tama nago tigide sęgę yali tiwai igi sogo da, teda ena Godibolo gedu haluasa po wagi da, agai eno te sęgę silimainu.

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

1 Samuel 24:15

Tama tibaso, te da si tomode te dego dwai sę yali te Genuai Bidigo digi dagalumainu yaibao. Agai ena tau siyu, te po dodoliyu, te nago ena me dologobeo. Tama eyu, agai da sibolo ola mawaibao, eno nagede dwai sę me deli me ebeo,” wali.

Godigo Nogi Ugwaba Sabo Tęąbi Po Wabo Buku Dabe 7:8

Genuai Bidi, nago te tigidali we bidigo kolesaga dagalubo da. Tama tiyu, nago ena te po tųde tau sao. Magi baso meni, nago koneani, eno dwai sę me ebeo, eno te wiegi yai doloba pai kolesaga naga yai.

Godigo Nogi Ugwaba Sabo Tęąbi Po Wabo Buku Dabe 58:10

Te doloba pai bidi dabego te Godigo te dwai sę ebo bidi dabebolo te dwai dene mabo subo si, te augwali wiegi yai pemene yaibao. Te doloba pai bidi dabego sągą te dwai bidi dabego kanemego sągą wę telaibao.

Godigo Nogi Ugwaba Sabo Tęąbi Po Wabo Buku Dabe 139:23

God, eno homugo nago ena bugagia dagala sulama, tama nago te enade elalubo homu kolesaga tigidali koneao. Ena usu siyu, tama nago te eno homu kolesaga tigidali bugagia koneao.

Jeremaia 12:3

Tialima, Genuai Bidi, nago ena koneama, te eno tigidali kolesaga me konebao. Te nago eno homu kolesaga dagalubao, eno nageba haliga mu mubo, te nago konebo dao. Te eno homugo eno boi bidi dabe nago sela sąyao homu ebao, te bidi dabego sipsip elainogo sela pabo tiwai ebao. Te nago bodolu muani sogo, nago augwali ela muao.

Esekiel 11:5

Genuai Bidigo Mobo Noma Bidi enaba bomonama pedelali, tama Genuai Bidigo enabolo te po manio, “Dage Israel we bidi dabe, eno te dagego mobo mabo po wabo odali. Me eno dagego te elalubo homude te dagego yabo sę tigidali koneai dao.

Te Israel me Juda Hani Sigo Tuni Bidigo Po Elalubo Buku Si 19:14

Te king Hesekiago agai te king Senakeripgo tolali pas agai te bidi dabego nogode agai sali. Agai te pas asęani po neda silama, tama agai te Genuai Bidigo tempel be tomoba selasa pali. Tama agai te pas te Genuai Bidi bidibo pesage pąde muani, tama agai pisaganama, tama bugagia dodolama, muani.

Godigo Nogi Ugwaba Sabo Tęąbi Po Wabo Buku Dabe 7:10

God aga da, te ena tonalubo bidi da. Agai te aga po wali pabo bidi dabe tau sabo dao.

Te We Bidi Dabego Jerusalem Hagede Gela Wali 3:58

Genuai Bidi, nago ena tau selama, tama nago te eno boi bidi dabe aiyaba elaluai dao. Nago ena augwaligo nogode ma oda selama, tama ena bugagia bidibao.

Te We Bidi Dabego Jerusalem Hagede Gela Wali 3:59

Genuai Bidi, nago te bidi dabego ena dolobo sę ebo nago suai dao. Tama tibaso, nago augwaliba po tų elama, nago ena tau selama, te bage augwali aiyaba elalubo sę yao.

Te We Bidi Dabego Jerusalem Hagede Gela Wali 3:64

Genuai Bidi, nago augwaligo te dwai kolesaga koneama, tama augwa te dwai kolesaga dolo ma wei ponao.