Jeremaia 11:11 - Godigo dwagi yai po buku

¹¹ Tama tibaso, ena Genuai Bidigo, eno po dolo tama obao, te eno augwali dwagilama mu dolaibao, te sę augwaliba ebo me ela soagobeo. Te augwaligo enaba i weyu, tau somainu yaibao, tiali goli, eno augwaligo i wabo me odogobeo.

Jeremaia 11:11 Referans Kwoze

Esekiel 8:18

Tibaso, eno augwaliba dwai dene umagia mabo sę eyu, te eno haliga sębę yaliba usu naibao. Te eno augwali bugagia bidimainu me sula tagalogobeo. Te eno olo mu tau sabo wiegi yai kolesaga te augwaliba me egobeo. Te eno augwali tau somainu i bomonama obadi goli, tialima eno te augwaligo gedu haluasa po wabo me odogobeo,” te po wai dao.

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

Bugagia Bidibo Kolesagade Po Asęai Buku 1:28

“Te tama tebo sogo te eno dage tau somainu te dagego ena i waibao, tiali goli eno po wei me ponegobeo. Tama dagego ena gegebo sę ebadi, tiali goli te dagego ena me susiąwai.

Sekaraia 7:13

Tama eno augwaligo gedu haluasa po wabo odai menio. Magi baso meni, augwaligo eno po odisąma ebaso.

Maika 3:4

Nosali me sogo si te pedalubo side tama, dage te Genuai Bidiba gela waibao, tiali goli agai te dagego gela wabo me odogobeo. Agai te dagego gedu haluasa po wabo me odisąwaibao, magi baso meni, dagego te dwai kolesaga yalio.

Jeremaia 14:12

“Te augwaligo nai habu selama, enaba gedu haluasa po obadi goli, te tagalao, eno augwaligo i wabo munu me odogobeo. Te augwaligo sia ulama, tigidali dela pabo ofa ebadi goli, te tagalao, te wit ulubo ofa ebo me, eno te we bidi augwaliba wiegi yai pemene me egobeo. Menio. Te eno boi bidi dabe tagala palama, augwali elagasomainu yaibao. Te eno augwali nai menia somainu ilama, te augwali isaibao. Tama genuai gasi augwaliba pedalumainu elama, te augwali isila paibao. Tama tebo kolesagade te eno augwali silimainu yaibao,” wali.

Te Israel me Juda Hani Sigo Tuni Bidigo Po Elalubo Buku Si 22:16

‘Ena God, Genuai Bidi, tama eno te e buku tomode elalubo Bomai Po wali peyu, tama te Bomai Po te kingo nedebadi yaide, tama te eno te Jerusalem taunde bidibo we bidi dabe dali te taun dali dolaibao.

Jeremaia 11:17

Ena Tigidali Bomo Elalubo Genuai Bidi dao, eno te ni bulali, tialima, megi eno te po obao, aga dolomainao. Dage Israel hani dabe me Juda hanigo te god Balba lotu weyu, te wiegi yai denami ebo ofa me ebao. Dagego te dwai kolesagago te ena haliga sębę dwai mu ilibo dao,” wali.

Jeremaia 6:19

“Tǫ, nago me odao. Eno ena te we bidi dabe dolainu ebao, te augwa yali dwai sę wei ponainogo ebao. Magi baso meni, augwaligo eno po sela sąyu, te augwaligo eno bomo yai po wali me pabeo.

Aisaia 24:17

Te tǫde we bidi, dage hobede mu dao. Te dwai sogo me, tǫ dedage me, sųgų sabo wa tamago dage tonalubao, dage tola sainu.

Godigo Nogi Ugwaba Sabo Tęąbi Po Wabo Buku Dabe 18:41

Te augwali bidi me deli tau somainu te i wali, tiali goli dego augwali tau saibawe? Te me deli meni yai. Augwaligo te Godiba i wali, tiali goli agai augwaligo te gela wabo me odobeo.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Amos 5:19

Te si asobo, dage geda mugobeo. E tiwai yaibao. Te bidi me deli te dwai hasa laionde wi pabo tiwai elama, tama aga te laion hasa tagalama, wi pobadi, te gasa moni dwai hasa me nogi bea te aga deliba gesabidi si unulama, tama beago aga gąų kelainogo yali. Tama te bidi te hasa bea wi pelama, tama aga be tomoba wi peyu, sana pabo homu elama, bugagia bidaiba homu yai. Tama toma tumainogo, aga te be dagaba nogo tola sigi pabo tiwai yali, tiali goli, tegoba, te be dagade bidali dwai hasamanigo aga gąų kelai dao, tama te bidi isai dao.

Esekiel 7:5

God Genuai Bidigo te tiwai po wali, “Te gasa tobage dolobo sę mu dageba pedelaibao. Tama te dolobo sęgo te dage tigidali silabo sę pedelaibao.

Jeremaia 36:31

Te eno nagebolo me, te nago wai dabeba me, te nago ofisa dabeba me, te dwai dene mu ilama, te dagego dwai kolesaga yali wei ponaibao. Te eno dwai dene me sęgę mabo sę te Jerusalem me Juda we bidi dabeba yaibao, te eno yaibao po wali gilama te sę yaibao. Eno te bukude asęani po augwaliba mani, tiali goli augwaligo me odobeo,’ te po te king Jehoiakimbolo asęao” Genuai Bidigo Jeremaiabolo wali.

Jeremaia 35:17

Tama tialima, ena Genuai Bidi, ena Tigidali Bomo Elalubo God, ena Israelgo God, eno te po obao. Dage Juda me Israel we bidigo, odao. Polobadu eno po dageba pusali, tiali goli dagego te poba olo me mubeo. Eno dage i wali, tiali goli dagego eno i wali wei me ponobeo. Tama tibaso, eno te dwai dene mabo sę tigidali dageba pedalumainogo ebao, eno te sę yaibao po wai dao,’ te po te Jerusalem bage dali te Juda bagebolo pusigi pao,” Genuai Bidigo Jeremaiabolo wali.

Jeremaia 23:12

Tama tibaso, te eno augwaligo sunumi te mu kikila palama, te hulia sabogo augwali mesegalueibao. Te eno augwali bomonama pogwa palama, te augwali tula mueibao. Ena Genuai Bidi, eno te augwali dolabo sogo bodolu muai elalubao, tama te sogo eno dwai dene augwaliba mawaibao,” wali.

Jeremaia 19:15

“Da Israelgo God, aga te Tigidali Bomo Elalubo Genuai Bidi, agai te tama po walio, ‘Bugagia odiąo. Dage Jerusalem we bidi, me te Jerusalem pąde bidibo we bidi, dage tigidaligo te hagoma eyu, te dagego eno po odobo hagela homu yali. Tama tialima, eno te dwai sę tigidali dageba pedalumainogo yaibao, eno te tiwai sę yaibao,’ po wai dao,” eno te po wali.

Jeremaia 19:3

‘Dage te Juda king dabe, me dage Jerusalem we bidi dabe, dagego eno po odiąo. Ena dage Israelgo God dao, ena te Tigidali Bomo Elalubo Genuai Bidi, eno po dolo tama obao, te eno dwai nai mu te pesagede pedalumainogo yaibao. Tama tigidali bidigo te sę pedelali po odolama, augwa te dwai noma mu saibao,’ wali.

Jeremaia 15:2

Te augwaligo nageba e tiwai hanalu, ‘Da mena pagawe?’ obaso da, teda nago te tiwai po augwaliba wei ponao, ‘Ena Genuai Bidi, eno te tiwai po obao. Eno te bidi meba dwai gasi selama, isimainu dąį ilali. Te augwa dwai gasi sigi pomainogo yaibao. Te bidi meba te boi hwįgi pelama, isimainogo dąį ilali. Tama augwa te hwįgi pelama, isimainao. Te eno bidi meba nai sǫą pelama, isimainu muani. Te augwa nai sǫą pai pomainu yaibao. Te eno bidi meba sa muyu, te gasa tǫ kantriba kalabus igi paibao wali. Tialima, augwali te kalabus igi pomainogo yaibao.’ Te po wei ponao.

Jeremaia 11:14

Jeremaia, te we bidi dabe te dwai sęgo gegebaso, te augwaligo enaba i weyu, te eno augwali tau sao po waibao. Tialima, te eno augwaligo i wabo me odogobeo. Tama te augwali tau somainu te nago gedu haluasa po enabolo me olamuo. Te nago gela me weyu, te enaba bomonama i weyu, te eno augwaligo sęgę silao po me olamu dao,” te po wai.

Bugagia Bidibo Kolesagade Po Asęai Buku 29:1

Te bidi me deli augwaligo hauwa sogo dodolali, tiali goli te aga hagoma ebo sę te umabo pedaludubaso da, teda polo tama mu te aga dolama, tama augwaligo aga tau sabo sunumi menia saibao.

Godigo Nogi Ugwaba Sabo Tęąbi Po Wabo Buku Dabe 66:18

Tiali goli, eno homugo te eno dwai sę ebo kolesaga te olo nai tiwai da wagi sogo da, teda Genuai Bidigo te eno gedu haluasa po wabo te me odogi menigi dao.

Tuni Bidi Dabego Po Elalubo Buku Si 34:24

“Ena God ena Genuai Bidi, eno te augwaligo te kingbolo neda mani te bukude bomai po wali paibao, tama eno te Jerusalem me te taunde we bidi dabeba dene mawaibao.

Jopgo Po Asęani Elalubo Buku 35:13

Augwaligo doloba pai kolesaga meni. Tama tibaso, God Tigidali Bomo Elalubo Bidigo augwaligo i wabo odogobeo.

Jeremaia 14:2

“Juda kantri tǫde te genuai sęgę elalu gela udali. Te aga hanu dabe dwai mu elalubao. Te aga we bidi dabe tǫ bulu pila munana peyu, te dwai gela mu udubao. Tama te Jerusalem dabe umagia gela u waibao.

Jeremaia 18:11

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Jeremaia 25:35

Tama dage tonalubo bidi dabe, te dage wi pelama, geme dula sigi pabo pesage meni yaibao, te dolobo sę dageba ela somainogo te tama tebo usu me egobe dao.

Te We Bidi Dabego Jerusalem Hagede Gela Wali 2:22

Nage sębę mu elama, tama nago te boi bidi dabe tigidali badu i olama, tama augwali aselama, ena dali dwai sę yali dao. Tama boi bidi dabe hauwa mu asai dao, te we bidi dabe te lotu wabo genuai sogo asobo tiwai yalio. Tialima, boi bidi dabego eno we bidi sese ela silali, tama eno we bidi me deli wi sana peyu, te augwaliba pedelali sę po pusabo bidi mu menio. Eno ena we bidi godolo mu yai dao, tama eno augwali bugagia mu tonaluai dao. Tiali goli, megi da, te boi bidi dabego augwali megi mu silalio.” Te Jerusalem hanugo te gedu haluasa po wali.

Esekiel 14:3

“Tǫde bidio, te bidi dabe augwaligo te tibo god dabeba sesemane homu kone elama, te augwaligo sęgę genuai pedelali. Tialima, augwaligo te tibo god dabe homu godola pelama, te augwali tagalabo homu me ebeo. Tialima, augwali odolali naga asali. Eno augwaligo hanalubo po wei me ponogobeo,” te po wali.