Jeremaia 1:2 - Godigo dwagi yai po buku

² Te Josaiago kibu be nogo si, sągągo sela, 13 kibu be wabode, te Emongo ogwa, te Juda king bidali sogo, Genuai Bidigo po Jeremaiabolo mabo gagalai dao.

Jeremaia 1:2 Referans Kwoze

Maika 1:1

Te Jotan, Ahas, me Hesekia, te bidi deli deli te Judade king bida bida piduali sogo, Genuai Bidigo te po Maikabolo mawai, te taun Moreset bidi me deli dao. Genuai Bidigo Maikabolo te Samaria me Jerusalemde nosali pedelabo sę dabe po wai dao.

Jona 1:1

Te Genuai Bidigo po Jonabolo mani, te Amitaigo wai dao.

Hosea 1:1

Te Usia, me Jotam, me Ahas, me Hesekia, te bage deli deli augwali te Juda dabego king dabe bida bida pali sogo, God Genuai Bidigo agai po Hoseabolo mawai. Hosea da te Berigo ogwa dao. Tama Jeroboam, te Jehoasgo ogwa, te Israel king bidai dao. Te bidi dabe king pedelama bididubadi, tama Genuai Bidigo Hoseabolo te po maduai.

Jeremaia 1:11

Genuai Bidigo enaba te tama po hanalu wali, “Jeremaia, nago magi nai subawe?” Eno agabolo te tiwai po wali, “Eno te ni amon nologo subao.”

Jeremaia 1:4

Genuai Bidigo ena, Jeremaiabolo te po mabo gagalali sogo, agai te tiwai po wali,

Te Israel me Juda Hani Sigo Tuni Bidigo Po Elalubo Buku Deli 13:20

Augwali si te tebol saide tugulaluali, tialima te monu dabe profet bidibolo te Genuai Bidigo po me deli ola mani.

Jeremaia 36:2

“Te buku me deli selama, te eno nagebolo mabo po tigidali asęao, te sę dabe te Israel, me Juda, me gasa bulu tǫ kantri dabeba pedelaibao. Nago te po tigidali asęao, te hasia sogode mu gagalama, te eno nagebolo mawai, te king Josaiade gagalasa, te megi e sogoba usu nagasobao.

Jeremaia 25:3

“Josaiago kibu be nogo si olama, sągągo selade gagalama, te Emongo ogwa, te Juda king bidali, tama megi e sogoba usu nagasu, te kibu be bidi sese deli olama, sela elalubao. Tama te kibu be dabede ena Jeremaia, eno te Genuai Bidigo enabolo mani po pusudu geali. Tialima, dagego odobo hagela yai dao.

Te Israel me Juda Hani Sigo Tuni Bidigo Po Elalubo Buku Si 21:24

Tama nosali te Juda hani we bidi dabego te king Emon elali ofisa bidi dabe me te augwali me ela muanio. Tama augwaligo te bidi te Josaia sali, te king Emongo ogwa da, tama augwaligo te bidi dąį ilama, tama te bidi aga te Juda hani augwaligo king bidi nigilalio.

Te Israel me Juda Hani Sigo Tuni Bidigo Po Elalubo Buku Deli 13:2

Tama te Genuai Bidigo homugo te alta po elalubaso, tama te profet bidibolo te e tama po pusa mao po agabolo ola mani, “Alta sai, ena Genuai Bidi God da, eno nage dali po elalubao. Ogwa me deli, agai nogi e dao, Josaia, te ogwa aga te Devitgo hanidu pedelaibao,” wali. “Tama aga king bidi nigilama, bidibo sogo da, tama agai naga ugwadu te ofa nai ulubo pris bidi dabe selama, tama agai augwaligo augwa tigi te nage baude ugwadu daiba munama, tama augwali elama, isilaibao. Tama agai te isali bidi dabe dili selama, tama te ugwadu nage baude uluyu, tama nage tigidali meda mu ilaibao,” te po wali.

Te Israel me Juda Hani Sigo Tuni Bidigo Po Elalubo Buku Si 21:18

Tama te king Manase isali, tama augwaligo te aga te kingo be sesegede te obo tomode te tǫ me deli elalubo madigi te king Manase pubulali. Te tǫ te augwaligo e tama nogi wabo, te tǫ te Usago tǫ da. Te aga ogwa, agai nogi te e dao, Emon, tama te bidi agai te bidigo sę yali silide te aga king sę yali.

Te Israel me Juda Hani Sigo Tuni Bidigo Po Elalubo Buku Si 22:3

Tama te king Josaia aga te king bidi sę edubadi yaide, te kibu be te 18 wabo kibu be tomode, tama agai te aga kuskus bidi tagala palali, te bidi nogi Safan, agai te po Genuai Bidigo tempel beba selasa pali. Te bidi Safan, te aga aya Asaliago ogwa da, tama te aga wąį nǫų ogwa te Mesulam. Te king Josaiago te kuskus bidi Safanbolo e tama po ola mani,

Jeremaia 3:6

Te Josaia king bidali side, Genuai Bidigo enabolo te tiwai po wali, “Nago te enaba homu kęą pabo kolesaga tagalali we Israelgo ebo dwai kolesaga suyu digi eba, agawe? Aga te tigidali bulu duba holama, me te tigidali genuai ni dologoba pelama, te dwai penani kolesaga ebo dao.

Jeremaia 28:12

Te profet Hananiago te ni nami pedai te profet Jeremaiago magede domoaluali te alua sąwani te sogo me badu bidama gana nosali, Genuai Bidigo Jeremaiabolo te tiwai po mawai,

Joel 1:1

Te e po da, Genuai Bidigo Joelbolo mawai, te Petuelgo ogwa dao.

Sefanaia 1:1

Te Josaia, te Emongo ogwa, aga te Juda hani we bidigo king bidali sogo, te sogo Genuai Bidi Godigo e po Sefanaiabolo pusa mawai dao. Sefanaia aga te king Hesekia hani kanemede pedelai bidi dao. Kusi te Sefanaiago aya dao, tama Gedalia te Kusigo aya dao, tama Amaria te Gedaliago aya dao, tama Hesekia te Amariago aya dao.