Jeremaia 1:18 - Godigo dwagi yai po buku

¹⁸ Jeremaia, odao. Megi da, eno nage te bomai obo elalubo taun tiwai bomonama dolalumainu yaibao, te ain pos tiwai, me te brasgo nigali obo tiwai elalueibao. Te Juda king dabego, me te kingo ofisa dabego, me te pris dabego me, te tigidali we bidigo te nage aiyaba me elalugobeo.

Jeremaia 1:18 Referans Kwoze

Aisaia 50:7

Te augwaligo dwai po wabogo ena aiyaba me elalugobeo, magi baso meni, God Genuai Bidigo ena tau sabo dao. Te ena digi ena dąų walama, te ena sę yali. Eno te tiwai koneani, eno ebo sęde te ena hale me sogobe homu ebao.

Jeremaia 15:20

Te eno nage te bomai obo brasgo nigai dolalubo tiwai eyu, te we bidi dabego gedude tama tiaibao. Te augwaligo nage dali boi bidi yaibao, tiali goli te augwaligo nage aiyaba me elalugobeo. Magi baso meni, ena digi ena nage dali bidaibao. Te eno nage tau selama, eno nage ma saibao. Te ena Genuai Bidi, eno po dao.

Jeremaia 6:27

Genuai Bidigo te tama po enabolo wali, “Jeremaia, eno nage te wiegi yai kapa silva dagalabo bidi tiwai nigilai dao. Tama eno we bidi da, te silva tiwai dao. Te eno nagebolo sę mani, te eno we bidi usu selama, te augwa kolesaga dagalomainogo yali, te bidigo silva te siaba ulubo tiwai elama, te usu selama koneainu yai, te silva mu yaliwe koneainu tebo dao,” wali.

Jeremaia 37:7

“Ena Genuai Bidi, ena dage Israelgo God, eno te po obao, te Juda kingo dage si enaba tagala palama, te eno dage tau sogowe, ma meniwe, koneainogo yai. Tialima, nago kingba te tiwai po walao. Te Isip kingo dage tau sainogo te Isip ami dabe asali. Tiali goli, augwali dageba me pedalugobeo. Menio. Augwali te sunumide begelama, augwa page buluba ma paibao.

Jeremaia 42:22

Tialima, dagego e tiwai tama dolo koneao, dage te bidigi painogo ebo badu, te boi bidi dabego dage ela mueibao, te dage nai sǫą pelama, nasigo isaibao, te dwai gasi dageba pedelama, te dage isaibao,” Jeremaiago te po wai dao.

Jeremaia 34:3

Sedekaia, te nage agade wi me pogobeo. Menio. Te augwaligo nage pageabi elama, te nage agaba sela pelama, te duga si dolalu, po miaibao. Tama augwaligo nage te Babilonba odasa paibao.

Jeremaia 21:4

“Genuai Bidi, dena Israel hanigo God, agai te tiwai po wali po wao, ‘Megi da, te Babilon kingo aga ami dabe dali te Jerusalem bagulubo sę ebao. Tama dage Israel ami dabe te obo buluba dinama, te augwaliba hwįbao. Tialima, eno te Babilon dabe, te Kaldia dabego, te dage Israel aiyaba elalumainogo elama, te eno dagegoami bidi dabe te hwįbo nai dabe tolama, te taun tomobasomainogo yaibao.

Dwagi Yai Gesi Po Jongo Asęani 1:42

Tama Andru agai aga ama Saimon odasa, Jisas bidibo madigi pai. Jisas agai Saimon sulama, te po wai, “Nage Saimon, Jongo ogwa dao. Nosali nago nogi Sifas waibao,” Jisasgo te po wai. (Dago te nogi Sifas begelama, tama wai, Pita wali nogi, te nogi page masigi dao.)

Jeremaia 38:18

Tialima, te Babilon dabego nage somainogo isąbaso da, teda Genuai Bidigo augwaligo te taun somainogo ilama, te augwaligo isigo ulaibao. Tama nage digi te augwalide wi pabo usu egobeo,” wali.

Kraisgo Geme Dualali Sę Pedelabo Po Jonbolo Ola Mani 3:12

Niwai bidigo te dwai kolesaga ebo aiyaba elalubo bidi, te bidi aga eno te Godigo Moni Lotu Be tempel te be pos ni bulali dąų olalubo tiwai eyu, tama aga te dwagi yai be tagalama buluba munu me ma soagobeo. Tama te bidi agade eno Godigo nogi asęyu, tama eno Godigo genuai hanu nogi me asęaibao. Te gesi hanu te Jerusalem dao. Te hanu eno Godigo nogogo asiyu, te dagalu tagalama e tǫba dulaibao. Tama eno gesi nogide digi, te me eno agade asęaibao.”

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

Jeremaia 1:19

Te bidi dabego nageba boi bidi ebadi, tiali goli, te augwaligo nage aiyaba me elalugobeo. Magi baso meni, ena digi ena nage dali bidiyu, te eno nage tau siyu, ma dobola saibao. Ena Genuai Bidi, eno te po wai dao,” wali.

Jeremaia 15:10

Ena Jeremaia, eno te po wai, hobede mu da, magi baso idago ena ame nenama, te eno wado ebo sę, me po konila te tǫ kantri tigidali bidi odubawe? Eno gasa bidide negeli me elalusiąyu, tama te bidi dabego me enaba negeli mawai me elalubeo. Tialima, tigidaligo te po weyu, te Genuai Bidigo ena dolomainao wabo dao.

Jeremaia 26:24

Tialima, te we bidi augwaligo te Jeremaia ela muainogo yali sogo, Ahikam, te Sefango ogwago, te Jeremaia tau selama, te augwaligo agade dwai sę me ebeo.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.