Jeremaia 1:1 - Godigo dwagi yai po buku

¹ Te e da Jeremaiago po, te Hilkiago ogwa dao. Hilkia te pris hani dabe me deli te Anatot taunde te Benjamin hanigo tǫde bidai.

Jeremaia 1:1 Referans Kwoze

Esekiel 1:3

Ena Esekiel, ena te pris Busigo ogwa da, ena te tǫ kantri Babilonde bidali, te ąį Kebar pąde da, tama enaba te Godigo po wabo eno odama, te Godigo bomo enaba asida walio.

Jeremaia 11:21

Te Anatot bidi dabego ena ela muaiba olama, enaba te tiwai po wali, “Nago te Genuai Bidigo nogide te profet po wagio,” wali. “Nago te tobage po obaso da, te dago nage ela mueibao,” wali. Tialima, Genuai Bidigo eno gedu haluasa po wali odama, agai enabolo te tiwai po wali,

Tuni Bidi Dabego Po Elalubo Buku Si 36:21

Te Israel dabe augwali augwa tǫde bidibo sogo, augwaligo augwa tǫ tigidali namba 7 wabo kibu bede augwaligo olo me tagalai menio. Tama tialima, augwali te Babilonde kalabuside bidibadi augwaligo tǫ olo bugagia toma tuyu, kibu be 70 olo toma tuali, te Genuai Bidigo te profet Jeremaiago pedauwalidu pusali po usu nigi pali.

Tuni Bidi Dabego Po Elalubo Buku Deli 6:60

Tama te Israel dabego te Benjamin hanigo tǫde elaluali taun meba mawai. Te taun dabego nogi e tama da, Geba, me Alemet, me Anatot. Tama augwaligo te wiegi yai nosai elalubo tǫ dali mawai. Augwaligo te 13 te tama taun tigidali te Arongo hani dabeba mawai dao.

Amos 7:10

Te Amasia, aga te Betel taun pesagede lotu wabo pris bidi dabego tobolu bidi, agai te Israel king bidi Jeroboamba po ola tolali. Agai te tiwai po wali, “Te nago tonalubo tǫ tomode digi te Amosgo te Israel we bidi augwali haliga hodoliyu, dianobo sę eyu, nageba augwaligo boi bidi homu emainogo ebao. Te nago aga sula tagaludubaso da, teda agai pogo te tǫ kantri dolaibao.

Amos 1:1

E po da, te bidi Amosgo pusali po dao. Amos aga te Tekoa taun bidi da, tama aga te sipsip kibu hauwa page bidi me deli bidai dao. Godigo agabolo te Israel hanide e po mani sogo, aga te nade subo nai tiwai gilama yali. Te sogo Usia te Juda tǫ kantri king bidibo sogo, me te Jeroboam, te Joasgo ogwa, te Israel tǫ kantri king bidali. Te sogo Amosgo te nade subo nai tiwai sulama da, teda nosali badu te kibu be si bidama da, te genuai tǫ mali yai.

Aisaia 1:1

E bukude te profet Aisaiago po elalubo, aga te Emosgo ogwa dao. Te nade ebo tiwai Genuai Bidi God agai po te Aisaiabolo mani, te Aisaiago te Juda we bidibolo, me Jerusalem we bidibolo pusa momainu. Aisaiago te po te tuni bidi king Usia, me Jotam, me Ahas, me Hesekia, tama bage deli deli te Juda dabe tuni bidi bididubadi pusai dao.

Aisaia 2:1

Te Aisaiago nade ebadi tiwai, Genuai Bidigo agai po Aisaiabolo mani, te Emosgo ogwabolo, te agai te Juda de Jerusalem we bidi dabebolo pusa momainu. Te po e tama dao.

Matyu 2:17

Tama te sę ebogo te Godigo po polobadu pusali profet bidi Jeremaiago wali po me deli usu nanio. Agai te po wai,

Matyu 16:14

Tama augwaligo te po wai, “Mebago te po wabo dao, te nage te baptais mani bidi Jon da po wabo dao. Tama mebago nage ma te polobadu bidali profet bidi Elaija da wabo dao. Tama mebago te po weyu, nage te Jeremaia da po weyu, ma gasa te Godigo po polobadu pusali profet bidi da te po wabo dao.”

Matyu 27:9

Tama augwaligo te tǫ tama abeleyu, tama po me deli polobadu Godigo aga po pusali bidi profet Jeremaiago pedauwalide wali po te megi mu usu nanio. Agai te po polobadu wai, “Te Israel dabe meba augwaligo te bidi me deli abelabo mone ge noma dodolama tama te silva mone ge bidi sese olama nogo si te tama po dąų wali.

Te Israel me Juda Hani Sigo Tuni Bidigo Po Elalubo Buku Deli 2:26

Solomongo te pris Abiatarbolo te tiwai po wali, “Nage te hanu Anatotba ma pelama, tama naga tǫba bidigi pao,” wali. “Nago te dwai sę yai elalubaso, tama nage isimainu yaibao, tiali goli te eno nage me eligobeo. Magi baso meni, polobadu nage te eno aya Devit dali bidai, tama nago te dena Genuai Bidigo te Dąų Wali Bomai Po Muani Halobage tolasa bilali. Tama Devitgo te sęgę me dwai sę hauwa tolali sogo da, teda nage aga dali bidiyu, tama nago me te sęgę dabe toliyu yai dao.” Solomongo te po wai.

Tuni Bidi Dabego Po Elalubo Buku Si 35:25

Tama profet Jeremaiago Josaiade hobede tęąbi po me deli asęani. Tialima megi me te tęąbi po wabo we bidigo te hobede tęąbi po me wabo dao, te king Josaia kone paliyu yabo. Tama te hobede ebo sogo tigidali sogo te Israel dabe augwaligo te hobedai tęąbi po wabo dao. Te hobedai tęąbi po te hobedai tęąbi dabe elalubo bukude te elalubao.

Tuni Bidi Dabego Po Elalubo Buku Si 36:12

Sedekaiago te Genuai Bidi aga Godigo gedude dwai kolesaga yali. Tama te profet Jeremaiago te Genuai Bidigo po agabolo pusa mabo sogo, agai aga digi aiyaba elaluama tama agai po odobeo. Menio.

Esra 1:1

Te hasia kibu be tede te bidi Sairus te Persia kantri tǫ pedaide king bidali sogo, God Genuai Bidigo aga homu hodolama, tama agai po me deli walio. Agai te po asęnama, tama agai te tonalubo tǫ pedai tigidaliba tolali. Tama te po sela pabo bidi dabe augwaligo te we bidi dabeba nedemainu yalio. Te sę pedelali, te Genuai Bidigo te polobadu bidali profet bidi Jeremaiabolo po menama, tama Jeremaiago te Israel dabeba pusali po me deli te poba usu nanio.

Aisaia 10:30

Te hanu Galim we bidi dagego i bomonama wao. Olo saganama, odao, te Laisa be nani we bidi, dagego odao. Hobede mu dao, dage te hanu Anatot we bidi.

Jeremaia 29:27

Tama tialima, magi baso nago Jeremaia te Anatot bulu bidi hage yai meniwe? Te bidi agai dage tomode te po me pusubo dao.

Daniel 9:2

Te hasia kibu bede aga te king bidali, ena Daniel, eno te Godigo buku dabe nededuali. Tama eno te Genuai Bidigo te profet Jeremaiaba mani pode homu kone palali. Agai te po weyu, te Jerusalem dolama elalubadi, te kibu be bidi sese sela olama, te nogo si, te 70 yiaba usu naibao walio.

Esra 2:23

tama te taun Anatot te 128 dao,

Jeremaia 30:1

Genuai Bidigo Jeremaiabolo po mayu, te tama po wali,

Jeremaia 37:12

Tama te sogo Jeremaiago te Jerusalem tagalainu yali, te Benjamingo hanigo tǫba pelama, te aga deli hani dabede tǫ me deli sigi pabo homu yali.