Biblia Todo Logo
Bib sou entènèt

- Piblisite -




Jems 2:13 - Godigo dwagi yai po buku

13 Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Gade chapit la Kopi




Jems 2:13
26 Referans Kwoze  

Te gasa bidi dabe augwali dali homu dene eyu augwali olo mu tau sabo we bidi dabe, te augwali homu pemene wiegi yai emainao. Te Godigo augwalibolo me te homu dene eyu olo mu tau sabo kolesaga yaibao.


Tiali goli, dagego te gasa we bidi augwaligo dage dali dwai sę ebo sela sasiąbaso da, teda duga Aya agai me te dagego dwai sę te sela sagobeo,” Jisasgo te po wai.


Te nago olo pania selama, tama te doado bage meni yai bidi dabego augwali tau somainu nageba i wabo nago odisąbaso da, teda nosali me te bidi dabe augwaligo te nago i wabo me odogobeo.


Jisasgo po ma wadolama weyu, te po wali, “Dagego gasa bidi dabe dagalama, augwali dwai bidi dabe da po weyu, posobo po wagimio. Tama tiyu da, Godigo dage dagalama posogobeo. Sęgę yai po dagego dobagio. God agai dagebolo sęgę yai po dobaidali weyu, dagego gasa bidibolo sęgę yai po wagimio. Gasa bidigo dagebolo dwai sę yali te sela sąnama, kegeda paliąo. Tama tiyu da, teda Godigo dagego dwai sę yali kegeda palaibao.


Te bidigo nage wali mu asobaso da, teda nago te nago po dolo wali pelama, tama nago aga tonalubo dao. Te bidi dolasa biliyu, tama te magi naide te magi me deli isiąbaso, nago agade te wiegi yai homu ebo dao.


Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.


Te sogo da, te we bidi dabego te gasa bage wei mu elama, tama wiegi yai kolesaga augwaliba yaibao. Tama augwa dolasa bidiyu, tama haliga nagame elama, tama hodobo bugagia bidaibao.


Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.


Tama Adoni Besekgo te po wali, “Polobadu eno te tuni bage bidi sese sela te gasa bidigo nogo si te 70 bidi te augwali eno te a nogo me, a sągą me togolama, tama augwaligo te nai kakali te eno tebol sai dologode sela tuyu yai. Megi Godigo te tiwai sę naga te enaba wei ponobao,” wali. Tama augwaligo te tuni bidi Adoni Besek te moni hanu Jerusalemba sela pelama, te Jerusalemde bidibadi tama aga isai dao.


Te Israel dabebolo e tama po walao, ‘Ena God Genuai Bidi, ena tigidali sogo bidibo dao, tama mu tama dao, te dwai kolesaga ebo bidi dabe isibaso, eno tede wiegi yai homu pemene egobe dao. Menio. Eno te dwai kolesaga dabeba tudi ola menama bidibo bidi dabeba eno wiegi yai homu pemene ebo dao. Dage Israel dabego odao. Ma begasa asao. Dagego duga ebo dwai kolesagaba tudi ola menama, tama dage enaba ma asiąo. Magi baso dagego isabo sę idu gebawe?’ Nago augwalibolo te po wao,” wali.


Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.


Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.


“Tiali goli, Abrahamgo te po wei ponani, ‘Woo. Eno ogwa, polobadu bidali te kone palao. Nage tǫde bidali sogode naga te dwagi yai nai dabe tigidali siyu, e bidi Lasarus aga te dwai nai dabe naga sali. Tiali goli, megi aga ede bugagia bidibao. Nage tede dene mu siyu bidibao.


Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.


Tialima dagego odiąo. Megi dagego te ama solo me abe solo dagego te kalabus yali, te bage augwali ma tagala palao, te augwali augwa buluba ma pomainao. Magi baso meni. Genuai Bidigo dage dali sębę genuai mu dage dali ebao, tama agai dagebolo dene mawaibao,” wali.


Te bidigo te magi nai doado bage meni yai bidi dabego nai dabe sainogo te augwaliba dwai sę ebaso da, ma te bidigo te mone hauwa elalubo bidiba te wiegi yai homu ilibo nai mobaso da, teda te aga digi te magi nai doado bage meni yai bidi tiwai pedelaibao.


Tiali goli niwai bidi augwaligo te God pagedu asobo te wiegi yai homu kolesaga sabo bidi dabe augwaligo ebo kolesaga e dao: polasa mu, te augwaligo meda isiąwai wiegi yai homu kolesaga wali pabo dao. Tama te kolesaga me, te augwaligo gasa bidi dabe dali wiegi yai kolesaga eyu deli homu elama bidiyu, tama augwali dali homu nagame eyu, tama tiyu augwaligo gasa bidi dabego po wabo odobo dao. Tama augwaligo homu dene eyu, we bidi tau sabo wiegi yai kolesaga ebo dao. Tama tiyu, augwaligo deli homu tiwai naga tigidali we bidi dali ebo dao. Tama augwaligo ugwadu homugo naga augwaligo po wabo menio.


Te Sisera aga sągą kiduba tulaluali, tama pila muani te Jaelgo sągą pąde. Te megi da, aga te tulaluama tama isalio.”


Swiv nou:

Piblisite


Piblisite