Te Israel Tobolu Bidi Dabe 9:9 - Godigo dwagi yai po buku

⁹ Tiali goli, te ni olivgo tama po wali, ‘Te enade elalubo wel te bidi dabego selama, te augwa god dabeba genuai nogi mabo sę ebo me te bidi dabeba te tiwai ebo dao. Magi baso te eno tagalu, tama te dagego king bidi pedalumainu obawe?’ te ni olivgo te po wai.

Te Israel Tobolu Bidi Dabe 9:9 Referans Kwoze

1 Jon 2:20

Dage, te dagebolo te Tedali Bidi Kraisgo te Godigo Mobo Bidi olo mani. Tama tibaso, dage tigidaligo te mu po koneai dao.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Godigo Sęba Tagala Palai Bidigo Po 4:27

Tama te Devitgo polobadu wali po yaligia, augwaligo te sę tamadi yali. Te genuai bidi si, Herot dali, Pontias Pailat dali, e buluba sisinagasali, te gasa bidi hani me, te Israel we bidi me. Augwaligo Jisas dali hwįabo homu yali, te nago dwagi yai tedali sę bidi, te bidi nago polobadu sa muai bidi.

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Godigo Nogi Ugwaba Sabo Tęąbi Po Wabo Buku Dabe 89:20

Eno Devit nigilalio, ena sę bidi da, tama eno aga te dagego king pedalumainu yai dao.

Jopgo Po Asęani Elalubo Buku 2:2

Tama tibaso, Godigo agabolo hanalu wali, “Nage menade bidama, asobawe?” po wali. Te po obaso, Satango te po wali, “Ena te tǫ deli badu naga bidama, asobeo. Ena te tigidali tǫde usu elama, bilama, asobao,” wali.

Jopgo Po Asęani Elalubo Buku 1:7

Tama tibaso, Genuai Bidigo te Satan hanaluyu, te po wali, “Nage menade bidama asaliwe?” wali. Te Satango te po wei ponoyu, te po wali, “Ena te tǫ deli badu naga bidibo menio. Ena te tǫ tigidali bulu badu bilama, tama ena e asobao,” wali.

Pris Sę Ebo Bomai Po 2:1

Tama Godigo Mosesbolo walama, te Israel dabebolo e tiwai po walao po wali, “Te bidi me deligo te Genuai Bidiba te wit ofa yabo homu ebaso da, teda agai te wit wale bo sela sąnama, te aga nai ge naga selama, te wiegi yai plaua mu nigilama, te plaua sela asao. Tama agai te ni oliv wel te plauaba gelama, tama te wiegi yai denami ebo pauda me te plaua ugwadu daiba munama,

Ma Dobola Sali 35:14

Tama augwaligo te lam muabo nai, me te aga nai dabe dali nigao. Tama augwaligo te ula yabo lam dabe me, te wel me nigao.”

Ma Dobola Sali 29:7

Tama wel selama, te pris nigilali bidi dabe sa muabo wel, tama aga tobolude te wel gelama, aga te sęde sa muao.

Ma Dobola Sali 29:2

Tama te witgo plaua hasia polali mu, te sao. Nago te plauade te yis me mugio. Tama te plaua meba selama, te bret nigibadi, tama te plaua meba selama, tama te ni oliv wel dali taluama, te bret nigao. Tama plaua meba selama, tama te bisket meba nigibadi elama, tama augwalide te oliv wel pilao.

Te Israel Tobolu Bidi Dabe 9:8

Te me sogo te ni dabego te ni me deli te augwali tomode te king nigimainu nogo tų yaibao. Tama augwaligo te ni olivbolo po weyu, ‘Nage dago king pedelao,’ wai.

Te Israel Tobolu Bidi Dabe 9:10

Tama te ni dabego te ni kayabolo weyu, te po wali, ‘Dago homugo te nage dago king pedalumainu homu ebao,’ wali.