Te Israel Tobolu Bidi Dabe 9:54 - Godigo dwagi yai po buku

⁵⁴ Tama polo agai te aga hwįbo nai sabilibo gesi bidi i wali. Tialima, agai te po agabolo wali, “Te nago bainat hwą selama, ena elao,” wali. “Te bidi dabego te po weyu, te wego ena ela muani po wabo te eno homugo usugobeo,” wali. Tama tibaso, te gesi bidigo te hwą bainatgo aga enama, tama aga isali.

Te Israel Tobolu Bidi Dabe 9:54 Referans Kwoze

Te Israel Tobolu Bidi Dabe 9:55

Te Israel dabe augwaligo te Abimelek isibo sulama, tama tigidali te augwa buluba ma pelawali.

1 Samuel 14:7

Tama aga hwįbo nai tolasa bilibo bidigo te po wai, “Te usu dao. Nago mena sę yainogo ebaso da, teda eno deli haliga nage dali yaibao,” wai.

1 Samuel 14:12

Tama te Filistia ami bidi dabego te Jonatan dali aga hwįbo nai tolasa bilibo bidi dali augwali siba te tiwai i wali, “Ae! Dage si edaba holao,” wali. “Dago magi nai me deli dage siba ola mawaibao,” wali. Jonatango te po odama, tama agai te aga hwįbo nai tolasa bilibo bidibolo wali, “Nage ena wali asu, tama da pinao. Megi dago koneani, te Genuai Bidigo da Israel dabego augwali aiyaba elalumainu yaibao,” wali.

1 Samuel 14:13

Tialima, Jonatan te bulu pado dwai madi nogo de sągą sigo gigi holali, tama aga tau sabo bidi me te aga wali holali. Tama augwali si te Filistia dabe bidibo madi sabolali. Tama Jonatango augwali elama, tama augwali te tǫba tulalubadi, tama aga tau sabo bidigo augwali te bainat hwągo ela muyu yai dao.

1 Samuel 14:14

Jonatan te aga tau sabo bidi dali sigo te wąbi te Filistia dabe dali hwįnama, tama augwali sigo te bidi sese deli bidi ela muai. Te wąbi hwįani te dwasianu tǫ dage pedaide hwįai dao.

1 Samuel 14:17

Tialima, augwali pelama, Solba wagi pali, tama Solgo homugo te agai ami bidi meba pelama, te Filistia dabe dali hwįgi pali da homu yai. Tama tiyu, Solgo aga ami bidi dabeba te tama po wali, “Te ami dabe nedama, tama niwai bidi dabe te bidisiąbaso da, te dago koneaibao,” wali. Tialima, augwa te tiwai elama, tama Jonatan dali te aga hwįbo sesemone sabilibo bidi dali, te augwali si bidisiąwai.

1 Samuel 16:21

Tama Devit te Sol pageba sabolama, tama aga sę bidi pedelali. Tama Solgo te Devit godolo mu yali. Tama tiyu, agai Devitbolo te aga hwįbo sesemone sabilibo sę mawai dao.

1 Samuel 31:6

Tama tialima, te sogo naga te Sol dali, te aga ogwa sela badi, tama te gesi ogwa bidi me, tama te Sol tonaluali ami bidi dabe me, te tigidali isalio.

2 Samuel 1:10

Eno agai po odobo si da, teda ena aga pąba pelama, tama aga ela muanio, magi baso meni, eno koneani, te aga nogogo tolaluali te sesemone ene tagalu da, te aga tǫba degasa dulubaso da, teda aga mu isaibao wai. Aga isibo si da, teda eno aga tobolude muani te kingo madi me sobadi, te nogode muani nogo mǫ me siyu elama, tama eno sesalio. Genuai bidi, te e doado bage eno nageba mawainu ebao,” te gesi bidigo te po wai.

2 Samuel 23:37

Selek te Amon bulu tǫ pedai bidi, Naharai te Berot hanu bidi, aga te Joapgo hwįbo sesemone ene dabe tolasa bilali bidi dao,

Tuni Bidi Dabego Po Elalubo Buku Deli 10:4

Tama tialima, agai te hwįbo nai tolasa bilibo gesi bidi i olama, te agaba te tiwai po walio, “Te nago bainat hwą selama, ena ela muao. Tiyu, te bulu badu haiden bidi te Filistia dabe asu, te enaba hagoma eyu, te ena ela muidalio,” wali. Tiali goli te gesi bidi wi mu ebaso, tama agai bainat hwągo aga elebeo. Tama tibaso, Sol aga bainat hwą aga digi tolalu badi tama te bainat hwą poaiba ugwadu degasa dulama, te hwą poaigo enama isalio.

Tuni Bidi Dabego Po Elalubo Buku Deli 10:5

Te gesi ogwa bidigo suali, te Sol isaibaso, teda aga me aga digi aga bainat hwą poaiba degasa dulama isai dao.

Tuni Bidi Dabego Po Elalubo Buku Deli 11:39

tama Selek te tǫ kantri Amon bidi, te Naharai te taun Berot bidi da, aga te Joapgo boi hwįbo nai te ene dabe sabilibo bidi,

Te Israel Tobolu Bidi Dabe 4:9

Tama Deborago po wei ponoyu, te tiwai po wali, “Tialima, te ena nage dali pelama, tama nago te wąbi hwįbo bomogo te aiyaba elaluaibao. Tiali goli, te nago naga genuai nogi ugwaba me sogobeo, magi baso meni, Genuai Bidigo te hwįbo tobolu bidi Sisera te we me deligo nogoba mawaibao,” wali. Tialima, Debora hogodama, tama Barak dali te bulu Kedesba pali.

2 Samuel 1:7

Tama Sol begelama, tama ena sulama, te ena i wali. Tama eno te po wali, ‘Awe, genuai bidio,’ wali.

2 Samuel 1:9

Tialima, agai te tiwai po enabolo wai, ‘Te boi bidi dabego ena doliyu, dwai mu elama, tama pąde ena isainu ebao. Nage polo asu, tama ena silagasao,’ walio.