Te Israel Tobolu Bidi Dabe 9:49 - Godigo dwagi yai po buku

⁴⁹ Tama tibaso, tigidali bidigo te ni nologo meba togali. Tama augwali te Abimelek pabo wali pelama, tama te sia sela pelama, te be sesegeba sisinigi pai. Tama augwaligo te sia nogonama, tama te siago te be tomode bidali bidi tigidali delama isali. Te pąde te Sekem bomai bobobage bede bidali we bidi dabe umabo 1,000 we bidi te augwali isai dao.

Te Israel Tobolu Bidi Dabe 9:49 Referans Kwoze

Jems 3:16

Tama tiyu, bidi meba augwaligo gasa bidi dabe dali dwai homu eyu da, tama augwaligo te haniani kolesaga ebode te augwa digi augwa nogi ugwaba siyu da, te tiwai bidi dabe augwaligo konila po subigila wabo bidi dao, te haniani dwai sę ebo page bidi dao.

Galesia 5:15

Tiali goli, dagego wado wado po weyu, tama gasa bidi aiyaba elaluyu, tama duga hasi tomode hwįbo po weyu da, teda dage dua dao. Tiyu dage tigidali hodobo hagabo dao, tama deli hani bidibo kolesaga dolaibao.

Te Israel Tobolu Bidi Dabe 9:20

Tiali goli, te sę dwai wida, teda sia te Abimelekde pedalumainu elama, tama te Sekemde me te Betmilo te bulu side bidibo bidi dabe te siago domainu yaibao. Tama tialima, te sia Sekemde me Betmilo bulu side pedalu, tama te siago Abimelek daibao,” Jotamgo te po wai.

Te Israel Tobolu Bidi Dabe 9:15

Tiali goli, te sesane elalubo dwasianu nigo te po wai, ‘Te dagego homugo godolo mu eyu, te ena dagego king pedalumainu te homu ebaso da, teda dage aselama, tama te eno nologo dologoba aselama, toma tuagasao. Te meni yani da, teda te dwasianu sesane elalubo nide te sia pedelama, tama te Lebanonde elalubo te wiegi yai ni wuli dabe te siago daibao,’ te sesene elalubo dwasianu nigo te po wali.” Jotamgo te po wali.

Te Israel Tobolu Bidi Dabe 9:48

Tama tibaso, aga dali, aga ami bidi dabe dali, te bulu du Salmon holali. Tama agai te sigi hwą me deli selama, tama agai te ni nologo meba togolama, tama aga magede tolasa pali. Tama agai aga ami bidi dabebolo te tiwai po wali, “Dagego eno e ebo sę suiąo. Tialima, dagego me polo asesa tama tiwai sę iyąo,” wali.

Te Israel Tobolu Bidi Dabe 9:50

Nosali Abimelek pelama, te Tebes hanu tǫ bagua sigi pelama, tama te bidi dabe dali hwįnama, tama te hanu aga sali.