Te Israel Tobolu Bidi Dabe 9:19 - Godigo dwagi yai po buku

¹⁹ Dagego te sę te Jerubal me aga hani sibi ogwa dabe dali yali, te wiegi yai doloba pai kolesaga yali homu eba wida, teda dagego te Abimelek dali te wiegi yai homu pemene iyąo. Tama agai me te dage dali wiegi yai homu pemene emainao.

Te Israel Tobolu Bidi Dabe 9:19 Referans Kwoze

Aisaia 8:6

“Ena Genuai Bidi, ena te wę Jerusalemde gebo dabo tiwai dao. Aga tigidali sogo dua soabo dao. Tiali goli, te Juda we bidi dabego homugo eno bomo meni da homu ebo. Tama augwaligo homugo te Aram tuni bidi Resin dali, te Israel dabego tuni bidi Peka, augwali sigo bomo te genuai mu dao homu ebo.

Jems 4:16

Tiali goli dagego te tiwai ebo meni. Dagego genuai po dagą olo dali ola biliyu, tama dagego nosali yabo sęde duga digi nogi ugwaba sabo po wabo dao. Te tobage nogi ugwaba sabo po wabo te dwalio.

Filipai 3:3

Magi baso meni. Augwali meni, te dago naga te Godigo sa mubo dąį mu sai dao. Augwaligo homu te augwa tigiwali togobaso augwali Godigo gedude doloba pai bidi dao, tede geda muyu augwaligo te homu ebo dao. Tiali goli dago te doloba pai bidi nogi sabo tų koneai. Magi baso meni. Godigo Mobo Bidigo da tau siyu, tama dago Godibolo lotu po wabo dao. Da Krais Jisas dali wadolama bidiyu, tama tede da dwagi yai homu mu pemene ebo dao. Tama bidiyu, dago Godigo sa mubo dąį elalubao. Dago te dena tigiwali togobo sęde te da tau sabo kolesaga dao, te homu mu ebo menio.

Te Israel Tobolu Bidi Dabe 6:32

Te sogo gagalasa, megi e sogo usu nagasu, te Gideongo gesi nogi elaluali Jerubal, magi baso meni, Joasgo tama po wali, “Te Bal aga digi aga tau somainu yao,” wali, “te magi baso wabe, augwaligo te togolama te dolali alta te Bal aga digi nogi elalubo alta dao,” po weyu, agai te tiwai po wai dao.

Te Israel Tobolu Bidi Dabe 9:18

Tiali goli, megi da, dagego dwai kolesaga aga dali elama, tama dagego agai hani sibi ogwa dabe dolali. Dagego agai ogwa dabe te 70 bage augwali te masigi me deli daide elali. Te Jerubalgo sę ebo wego te Abimelek ame nai. Te aga deli naga tama ame nani. Tiali goli, megi da, dagego aga te Sekem bulu king bidi nigilali. Dagego homugo te aga duga deli kanemego ame nani da homu elama, dagego tama tialio.

Te Israel Tobolu Bidi Dabe 9:20

Tiali goli, te sę dwai wida, teda sia te Abimelekde pedalumainu elama, tama te Sekemde me te Betmilo te bulu side bidibo bidi dabe te siago domainu yaibao. Tama tialima, te sia Sekemde me Betmilo bulu side pedalu, tama te siago Abimelek daibao,” Jotamgo te po wai.