Te Israel Tobolu Bidi Dabe 9:15 - Godigo dwagi yai po buku

¹⁵ Tiali goli, te sesane elalubo dwasianu nigo te po wai, ‘Te dagego homugo godolo mu eyu, te ena dagego king pedalumainu te homu ebaso da, teda dage aselama, tama te eno nologo dologoba aselama, toma tuagasao. Te meni yani da, teda te dwasianu sesane elalubo nide te sia pedelama, tama te Lebanonde elalubo te wiegi yai ni wuli dabe te siago daibao,’ te sesene elalubo dwasianu nigo te po wali.” Jotamgo te po wali.

Te Israel Tobolu Bidi Dabe 9:15 Referans Kwoze

Aisaia 30:2

Augwaligo eno homu kolesaga hanalusiąma, tama augwaligo Isip tuni bidi dali po wali pali dao. Te Isip dabe dolaluama, augwali tau selama, tama augwali me dolidali weyu.

Hosea 14:7

Te augwali ena dali ma bidagasobaso, te eno augwali tonaluaibao. Tama augwa gide te nai umabo hauwa walama, elalueibao. Te augwa wai hauwa ame naibao, te gide wiegi yai ni wain augwa nai wai ge hauwa walobo tiwai yaibao. Tama augwa te genuai nogi elalu, te Lebanonde polalubo wain tiwai gilama elalueibao.

Aisaia 2:13

Te agai te Lebanon bulude elalubo dwagi yai bobobage ni bǫ dolaibao. Me, te Basande bomai ni dabe me.

Te Israel Tobolu Bidi Dabe 9:20

Tiali goli, te sę dwai wida, teda sia te Abimelekde pedalumainu elama, tama te Sekemde me te Betmilo te bulu side bidibo bidi dabe te siago domainu yaibao. Tama tialima, te sia Sekemde me Betmilo bulu side pedalu, tama te siago Abimelek daibao,” Jotamgo te po wai.

Daniel 4:12

Te nigo te wiegi yai yabe elalu, tama te nai hauwa walali, tama te tigidali bidigo, me hasa sibigo te tuabo usu elaluai. Te bulu uni hasa sibi dabe aselama, te ni dologoba toma tuagasu yagasai, tama te ba dabego aga nologode be nigali, tama te tobage tigidali nai sibigo te aga du tuagasalio.

Esekiel 19:14

Isi te ni pedelama, te ni nologo tigidali dobadi, te ni wai du dabe me dalio. Tama te bomai nologo me elalusiąwai, te kingo tolasa bilibo dono tiwai pedelabo ni nologo tiwai me pedalubeo. E po da, te homu dene ebo balia po da. Te balia po augwaligo hauwa sogo odu geaibao,” wali.

Aisaia 37:24

Nago po te naga ami tobolu bidi ofisabolo mayu, te augwaligo nago nogi ugwanu mu sali, tama te enaba posobo po wali. Te eno augwaligo pedauwalide te tiwai po odali, nage Senakerip, nage te naga karisde dolugulama, te nage ugwanu mu igulama, te Lebanon genuai bulu du dabeba te nago tobolu usu nama, nage te Lebanon genuai busi tomoba mu pali, te bidi me pisąbo buluba pali, tama nago te bobage bobage ni sida dabe, me te wiegi wiegi yai ni pain dabe togwali.

Godigo Nogi Ugwaba Sabo Tęąbi Po Wabo Buku Dabe 104:16

Tulubage tuluyu, Lebanon tede elalubo sida ni dabe augwaligo ąį genuai sabo dao. Te ni sida Genuai Bidigo ni mu dao, polobadu aga bulai.

Te Israel me Juda Hani Sigo Tuni Bidigo Po Elalubo Buku Si 14:9

Tialima, te king Jehoas te po wei ponoyu, Amasiabolo e tama po page po digi po begelama pusali, “Te Lebanon bulude, te sesane yai nosaigo te po ola tolali, te moni ni me delibolo, te ni nogi bǫ, tama agabolo e tama po wali, ‘Eno homugo nago te wegi te eno ogwa me magameo, ma aga si selama, tama bidimaio,’ wali. Tiali goli, nosai te bulu uni hasa me deli te pedai badu biliyu, tama te nosai te uni hasago agayali, tama te nosai agalama dolali.”

Israel Hanigo Namba 21:28

Polobadu te Sihongo ami bidi dabego te hanu taga pelama, tama hanu Arba bomo elama hwįgi pai, te bulu Moapba. Te kala isi dabo tiwai yali. Tama te ami bidi dabego hanu dolama, tama tobolu bidi dabe mu silali, te Arnon wę sesegede te bulu dude bidali bidi dabe.

Matyu 13:32

Te nai mastet wai ge da, te kemeni ge tiwai sabi si dwasianunu mu dao. Tiali goli nosali te nai ge genuai hola silama, agai te gide holali haniani nai tigidali te aiyaba elalubo dao. Te ni tiwai holama, tama te ni nologoba te ba dabe duayagasobo dao,” wali.

Esekiel 31:3

Te Asiria dabede homu kone palao. Augwali te kantri Lebanonde elalubo te bobobage ni bǫ o sida tiwai bomonama mu dolaluai dao. Te nigo te wiegi yai bobobage nologo dabe elaluyu, me agai dologode wiegi yai kedau elaluyu yai dao. Te ni bǫ te bobobage mu elama, tama meba ni dabe aiyaba elaluai elaluali.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Te Israel Tobolu Bidi Dabe 9:49

Tama tibaso, tigidali bidigo te ni nologo meba togali. Tama augwali te Abimelek pabo wali pelama, tama te sia sela pelama, te be sesegeba sisinigi pai. Tama augwaligo te sia nogonama, tama te siago te be tomode bidali bidi tigidali delama isali. Te pąde te Sekem bomai bobobage bede bidali we bidi dabe umabo 1,000 we bidi te augwali isai dao.

Te Israel Tobolu Bidi Dabe 9:14

Tialima, te ni dabego te sesane elalubo dwasianu nibolo weyu, te tama po wali, ‘Dago homugo te nage dago king pedalumai homu ebao,’ wali.

Te Israel Tobolu Bidi Dabe 9:16

Tama tialima, Jotamgo te po wai, “Te dagego Abimelek te duga king bidi nigilama bidibo sogo, te dagego wiegi yai te doloba pai kolesaga ebo homu egowe, ma menigowe? Jerubal dali, te aga hani sibi dali, augwaligo te wiegi yai kolesaga elama, dage tau sabo sę yai. Tiali goli, te dagego aga homu te wiegi yai bugagia ilali, ma meniwe? Te menio.

Godigo Nogi Ugwaba Sabo Tęąbi Po Wabo Buku Dabe 29:5

Te Genuai Bidigo i wabogo te genuai ni sida dabe pedaibao, tama agai te Lebanon bulu du dabede ni sida dabe me peda sabo dao.

Te Israel Tobolu Bidi Dabe 9:44

Abimelek dali, aga hani bidi dali, augwali udada pelama, tama te hanuba pabo sunumi pąba doligi pali. Tama te gasa hani si augwaligo te gide bidaluali bidi tigidali dali hwįnama, tama te tigidali ela muai.

Te We Bidi Dabego Jerusalem Hagede Gela Wali 4:20

Tama augwaligo da bugagia bidimainu tonaluyu, da tau sali bidi me augwaligo tola salio. Te da te Genuai Bidigo sa muani te king dao. Dago homugo da te king dologode bidiyu, tama da bugagia bidiyu yaiba homu yali, te meba gasa kantri dabe ebo gilama bidigowe homu yalio.