Te Israel Tobolu Bidi Dabe 8:4 - Godigo dwagi yai po buku

⁴ Gideon dali, te aga ami 300 bidi dabe dali, aga te Jordan pabo ąįba sabolama, tama augwali te ąį ugaba nogali. Augwali bomonama bilali, tigi bomo kimi isiyu, tama nasi yali, tiali goli augwaligo te boi bidi dabe pobeasa bilidubadi gebo sę yalio.

Te Israel Tobolu Bidi Dabe 8:4 Referans Kwoze

Galesia 6:9

Tama tibaso, dago te dwagi yai kolesaga edubadi, te tigi dene eyu da, teda dago te dwagi yai kolesaga ebo sę hagela ilamuo. Magi baso meni. Dago te sę ebo tagalosiąbaso da, teda nosali te nai inabo side Godigo dabolo te wiegi yai kolesaga ebo sęgo nai wai du mawaibao.

2 Korin 4:16

Dago te homugo konebaso, tama da Godigo sęde bomo kimi munu me isibo menio. Te mu tama, dago tigi dolainogo ebo dao. Tiali goli magigo meni, dago homu dali noma dali si te tigidali deli deli sogo gesi ma pedaliyu ebo dao.

Te Israel Tobolu Bidi Dabe 7:25

Tama augwaligo te Midian dabego tobolu bidi si pageabi elama tuali, te bidi si nogi Orep me Sep. Tama augwaligo te Orep ela muani, te Orep aga nogi elalubo moni masigide elali, tama Sep augwaligo te wain haluama agabo madi te pesagede elama, te nogi augwaligo nogi eyu, te Sepgo wain elalubo pesage dao po wali. Tama augwaligo te Midian dabe pobeasa pabo sę idubadi geanio. Gideon te Jordan pabo pedai badu bidali, tama augwaligo te tobolu bidi si te Orep me Sep, te augwali sigo tobolu selama, tama te Gideon aga bidibo madi sela asai.

Te Israel Tobolu Bidi Dabe 8:3

Godigo dagebolo te Midian dabego tobolu bidi si mani, te Orep me Sep. Te eno yabo usu isąbo sę te dagego yali.” Gideongo te po obaso, tama te Efraim hani dabego te wado po ma wabeo.

1 Samuel 30:8

Tama Devitgo Genuai Bidiba hanalu wali, “Te bidi dabe augwali te eno pobeasa pabo usu yaibawe? Tama ena pobaso da, teda eno augwali suabo usu yaibawe?” Tama Genuai Bidigo agabolo te po wali, “Nago augwali pobeasa pao. Te nage augwali paboba sabolama, tama augwali elama, tama te dagego we me wai dabe augwali ma dobola saibao,” te po wali.