Te Israel Tobolu Bidi Dabe 8:32 - Godigo dwagi yai po buku

³² Tama Gideon te monu dabe mu pedelama, tama isali. Tama augwaligo aga te aga aya Joasgo gų pagede pubulali, te bulu Ofrade, te Abiesergo hani dabego hanude dao.

Te Israel Tobolu Bidi Dabe 8:32 Referans Kwoze

Tigidali Nai Gagalama Nigali Side 25:8

Aga te monu dabe mu elama isibaso, tama augwaligo aga pubulali. Tama aga te aga polobadu isali wąį dabe augwali dali ma sisinanio, tama wabo.

Jopgo Po Asęani Elalubo Buku 5:26

Tama tibo si, nage monu dabe mu elama, tama nage isaibao. Nage te gide wit nai inabo tiwai elama, tama te bidi dabego sabo sogo saibao.

Te Israel Tobolu Bidi Dabe 6:24

Tama tibaso, Gideongo Genuai Bidigo alta me deli te bulude nigilama, tama agai te alta nogi weyu, “Te Genuai Bidi aga te homu nagame dua ebo bidi da,” wali. Te nigali alta te Abiesergo hani bagego tǫ pedai badu e po asębo sogode me elalubao, augwaligo te bulu nogi Ofra wai dao.

Tigidali Nai Gagalama Nigali Side 15:15

Tiali goli, te sę esiąbadi, te nage digi te nage homu nagame bugagia elama, bidiyu elama, te nage monu dabe mu elama, te nage isibaso, tama augwaligo nage pubulaibao.

Jopgo Po Asęani Elalubo Buku 42:17

Tama Jop bugagia bidama, tama aga monu dabe mu elama, tama aga isali.

Te Israel Tobolu Bidi Dabe 8:27

Tialima, Gideongo te tibo god me deli te golgo nigilama, tama agai te aga hanu Ofra teba muani. Tama tigidali Israel dabego te God tagalama, tama augwali te hanu Ofraba pelama, te nigali tibo godiba lotu wagi pali. Te tibo god te Gideongo nigali, te naigo te Gideon dali, te aga hani sibi we wai dabe dali, te mu kone tua pali.

Te Israel Tobolu Bidi Dabe 8:31

Gideongo we me deli te bulu Sekemde bidali. Tama te wego te ogwa me deli ame nani, tama Gideongo te ogwa nogi Abimelek poali.

Te Israel Tobolu Bidi Dabe 8:33

Gideon isai madigi tama te Israel dabego Godiba lotu munu ma wabeo. Augwaligo te tibo god Balba naga lotu wali. Tama augwaligo te Balberit te augwa god elaluali.

2 Samuel 2:32

Tialima, Joap te aga bidi dabe dali augwa te Asahel tigi sela pelama, te Betlehemba pubaligi pali, te aga ayago gų pageba. Augwaligo aga pubulama da, teda augwali hulide pelama, tama augwali te Hebronba be posobadi sabolalio.