Te Israel Tobolu Bidi Dabe 8:30 - Godigo dwagi yai po buku

³⁰ Agai ogwa dabe te bidi sese sela olama, te gasa nogo si te 70 tama elaluali, magi baso meni, te agai we hauwa elaluai.

Te Israel Tobolu Bidi Dabe 8:30 Referans Kwoze

Te Israel Tobolu Bidi Dabe 9:5

Tama aga te aga ayago be elalubo bulu te Ofra teba ma geasa pai. Tama agai te aga ama dabe te bidi sese sela olama, nogo si bidi dabe te masigi me deli ugwadu daide augwali ela muai. Te bidi dabe te augwali Jerubalgo ogwa dabe naga tama elali. Tama Jotam te Jerubalgo sabi ogwa dao. Aga wi pelama, geme duala sigi pali, tama tiyu te Abimelekgo aga me ela mubeo.

Te Israel Tobolu Bidi Dabe 9:2

te tiwai po te Sekem we bidibolo hanalu omainu wali, “Dagego homude te mena nai usu yaiba homu ebo dawe? Dagego homugo te Jerubalgo ogwa dabe te 70 bidi tigidali te dagego tobolu bidi bidimainu homu ebo dawe, ma dagego homugo te bidi deli naga te tobolu bidi bidimainao homu ebawe? Tama ena me homu kone palao, ena te dage dali deli kanemego nigai mu dao.” Abimelekgo te po wai.

Te Israel me Juda Hani Sigo Tuni Bidigo Po Elalubo Buku Deli 11:3

Solomongo we 700 elaluali, te augwali te gasa tǫ pedai kantri polalubo bidi dabego wegi da, tama agai te gasa si wali we hani me te 300 elaluai. Tama te we dabego agai homu bega selama, tama agai te Genuai Bidi tudiba muani.

Bomai Po 17:17

Te tuni bidi kingo we hauwa selamo dao. Magi baso meni, augwaligo agai Genuai Bidiba tudi ola momainogo yaibao. Tama me ma, agai gol me silva hauwa sabo sę elamuo wao.

Malakai 2:15

Godigo te dage bidi me we deliba selama bidimainu eyu, te homu kolesaga tigi deli mu pedalumainu ilali. Godigo te sę yali kolesaga page magi baso yaliwe? E tiwai yai. Te dago wai ame nenama, tama augwa te Godigo hani mu pedalumainu yalio. Tialima te dage bugagia dua dao, te dage we de bidi si deliba daganani sogo te dąų walali po te dagego me bolamu dao, wai.

Te Israel me Juda Hani Sigo Tuni Bidigo Po Elalubo Buku Si 10:1

Te wai dabe te ogomani naga ebadi elama, te king Ahapgo wąį nǫų ogomani Samaria taunde bidali. Te bidi dabe augwaligo namba te bidi sese sela selama, te ugwadu nogo si bidi selama, 70 bidi bidai. Tama te Jehugo te pas asęnama, tama te Jesril hanu tobolu bidibolo me, te genuai bidi dabe te taun tonalubo bidibolo me, tama me te Ahapgo wąį nǫų ogwa dabe tonalubo genuai bidi dabebolo me, te Jehugo pas asęnama, augwalibolo tolali. Agai te po e tama po asęani,

Te Israel Tobolu Bidi Dabe 12:14

Agai ogwa dabe te bidi sese si te 40 elaluali, tama te ogwago wai dabe te 30 elaluai. Tama augwali te donki dabe te 70 donkide dualasa bilali. Apdon te Israel dabego tobolu bidi bidibadi, te kibu be 8 bidai dao.

Te Israel Tobolu Bidi Dabe 12:9

Agai ogwa dabe te 30 elaluali, te agai wegi dabe te me te 30 elaluali. Tama agai te wegi dabe gasa hani bidigo somainu mani. Tama agai te gasa hani bagego wegi te 30 wegi dabe selama, tama augwali te agai ogwa dabego sali. Ipsan te Israel dabego tobolu bidi bidali te kibu be a naga olama, me badu si bidai.

Te Israel Tobolu Bidi Dabe 10:4

Te agai ogwa dabe te 30 ogwa dabe elaluali, tama augwali te kibu donki te 30 donkide dualama bilali. Te augwaligo hanu 30 te Gileat tǫde elaluali. Tama te hanu dabe augwaligo nogi eyu, te Jairgo Ugwa Be Hanu da wali, te nogi elalua asali te megi e sogoba usu nagasali elalubao.

Ma Dobola Sali 1:5

Tama agai ogwa me te Josep polasa pelama, Isip buluba polobadu bidigi pai dao. Te sogo te Israel hani, te Jekop aga hani mu, augwali te bidi sese sela olama, nogo si we bidi 70 augwali Isip buluba bidigi pai.

Tigidali Nai Gagalama Nigali Side 46:26

Te Jekopgo ogwa dabe me wąį hani dabe dolo te Isipba pali, te 66 hani augwali Kenandu pali. Te nedali te Jekopgo ogwa dabego we dabe te augwali nedebe.

Tigidali Nai Gagalama Nigali Side 7:7

Tama Noa we de bidi si dali, te aga ogwa dabe me, augwa we dabe dali, te geba sip tomoba bula sali, te wę asiyu, te augwali me dologobeo.

Tigidali Nai Gagalama Nigali Side 2:24

Tama tialima, te kolesaga pedelali, te bidigo aya ida tagalama, tama aga we dali kęą pali, tama augwa si deli mu pedelali, te kolesaga da tomode megi te elalua pobao.

Te Israel Tobolu Bidi Dabe 8:31

Gideongo we me deli te bulu Sekemde bidali. Tama te wego te ogwa me deli ame nani, tama Gideongo te ogwa nogi Abimelek poali.

Te Israel Tobolu Bidi Dabe 9:18

Tiali goli, megi da, dagego dwai kolesaga aga dali elama, tama dagego agai hani sibi ogwa dabe dolali. Dagego agai ogwa dabe te 70 bage augwali te masigi me deli daide elali. Te Jerubalgo sę ebo wego te Abimelek ame nai. Te aga deli naga tama ame nani. Tiali goli, megi da, dagego aga te Sekem bulu king bidi nigilali. Dagego homugo te aga duga deli kanemego ame nani da homu elama, dagego tama tialio.

Te Israel Tobolu Bidi Dabe 9:1

Te Abimelek, te Jerubalgo ogwa, te Sekem hanuba pali, te bulude te aga idago deli kanemede ame nani abe dede te bulude bidali. Tama Abimelekgo te aga deli kanemego nigali bagebolo olama,