Te Israel Tobolu Bidi Dabe 8:24 - Godigo dwagi yai po buku

²⁴ Tiali goli, Gideongo po wadolama weyu, te tiwai po wai, “Eno dagebolo te nai me deli po hanalu obao. Dage tigidali deli deligo te dagego hwįyu, te boi bidi dabego olode mubo nai ring te sali enabolo maiąo,” wali. Te Midian dabe augwali te Ismaelgo hani tama tiyu, augwaligo te ring gol te augwa olode munama walai.

Te Israel Tobolu Bidi Dabe 8:24 Referans Kwoze

Tigidali Nai Gagalama Nigali Side 25:13

Tama Ismaelgo wai dabe nogi te gomunai waide gagalama, te ogwa bidi wai dabeba siminigi paibao, Nebaiot te Ismaelgo gomunai ogwa nogi, nosali te Kedar ame nani, Atbel, me Mipsam,

Tigidali Nai Gagalama Nigali Side 37:28

Te Midian bisnis bidi meba teba asobaso, tama augwaligo Josep te tǫ dedagede selama, tama aga te Ismael dabebolo mani. Te Ismael dabe augwaligo Josep te mone ge bidi sese deli, te 20 silva monego abelama, tama augwaligo aga te Isipba selasa pali.

Tigidali Nai Gagalama Nigali Side 37:25

Tama nosali augwali dugulama, tama toma neyu, nai tuali. Te augwali nai tuyu bidalubadi, tama augwaligo te Ismael bidi hani aselabo suali, te gasa nogi me elalubo te Midian bage dao. Augwali te Gileat tedu aselama, tama te Isipba painu soali. Tama augwaligo kamelgo te gasagi yai denami ebo ni kaneme, me te haniani sanda dabe, te sela soali, magi baso meni, augwali te Isipba pelama, tama tede te augwa dobu si ebo bisnis sę yaibao.

Te Israel me Juda Hani Sigo Tuni Bidigo Po Elalubo Buku Deli 20:11

Tialima, Ahapgo te bidi dabeba te po ma wai, “Dage pelama, Benhadatba te tama po wagi pao. Ami bidi mugo, agai te genuai po dagą me pemene ebo te bainat hwą aga bede bulalubo sogo me tegobeo. Menio. Agai te boi bidi dali hasia bolo hwįnama, te aiyaba elalubaso, te nosali naga aga pemene ebo usu dao,” Ahapgo te po ola tolali.

1 Samuel 25:11

Dage menadu asali, te eno konebeo. Tama tiyu, eno te bret me, wę me, te kibu dabe te sipsip nisi togobo sę ebo bidi dabe ela maiabo nai, te dageba selama me magobeo. Mu menio,” wali.

Ma Dobola Sali 32:3

Arongo te po obaso, te we bidi dabe augwa olode walaluali gol dabe pepede pelama, tama sela aselama, agabolo magasai.

Ma Dobola Sali 12:35

Tama Israel hani augwaligo te Isip we bidibolo te gol, me silva, me ugwa dabe, te nai hanalu wai, Mosesgo te po augwalibolo polobadu wai.

Tigidali Nai Gagalama Nigali Side 24:53

Tama tilama, nosali aga te haniani au dobage te silva me gol me, te gasa sawi yai gudubo ugwa me sobadi elama, te Rebekabolo mawai. Agai te haniani gasagi yai sawi yai dila pai nai dabe te Rebeka aga abebolo mobadi, te aga idabolo me mayu yai.

Tigidali Nai Gagalama Nigali Side 24:22

Te kamel dabego wę tula silibo si, tama Abrahamgo sę bidigo agai te ring gol te gasa sawi yai mu selama, tama te Rebekago guniba muanio. Tama agai te golgo nigai nogo mo si te Rebeka nogoba holali.

Tigidali Nai Gagalama Nigali Side 35:4

Tialima, augwaligo te augwa tibo god dabe tigidali te Jekopbolo mawai. Tama te odode walali ring dabe me te augwaligo agabolo mani. Tama Jekopgo te nai dabe tigidali te Sekem pąde te genuai ni page dologode pubulali.

Te Israel Tobolu Bidi Dabe 8:25

Tama augwaligo te tama po wali, “Te usu da, te dago nage mawaibao.” Tama augwaligo te ugwa pedai me deli te tǫba munama, tama tigidali deli deli bidi dabego te augwaligo sali ring te muani ugwa daiba mugi peyu yalio.

Tigidali Nai Gagalama Nigali Side 25:12

Te e da, te Ismaelgo wąį hani dabe e dao. Ismael te Abrahamgo ogwa te Hagargo ame nani. Hagar te Isip we me deli, te aga Sarago olo sę iduai we me deli bidai dao.

Ma Dobola Sali 32:4

Tama agai augwaligo te olode au yali gol dabe selama, tama ulama, tama te ąį tiwai pedelai. Tama agai te tǫde dedage me deli augwaligo te bulmakau noma tiwai nigilama, tama te ąį tiwai pedelai gol teba gelama, tama te bulmakau tiwai pedelai. Tama agai hwą ge selama, te golgo nigai bulmakau noma bugagia dodolai. Tama nosali te we bidi augwaligo te po wai, “Odiąo! Te nai aga da Israel bagego god dao. Agai da Isipde selama, tama da odasa eba asai dao,” wali.

Ma Dobola Sali 32:8

Tama eno po weyu, augwalibolo te wali pao wali tų polo geda munama, tama augwaligo te bulmakau wai te golgo nigilama, tama agabolo lotu po weyu, tama agabolo ofa ilibao. Tama augwaligo te po wai, ‘Odao,’ wali, ‘te aga dago god dao. Agai da Isipde selama, odasa asai dao.’ Te po megi obao.

Esekiel 7:20

Polobadu augwaligo te gol me silvago nigali au dobage elalu, tama augwa te naide gana pai mu bidaluai dao. Tama augwaligo te gol me silva selama, tama te haniani tibo god dabe piksa noma nigali. Te kolesaga eno godolo homu mu meni baso, tama tialima megi da, eno te gol me silva dabe te augwa gedude dwai nai tiwai mu pedalumainu yai dao,” wali.