Te Israel Tobolu Bidi Dabe 8:20 - Godigo dwagi yai po buku

²⁰ Tialima, te Gideongo aga gomunai ogwa, te Jeterbolo, wali, “Ae, te nago augwali si ela muao,” wali. Tiali goli, te ogwa agai te bainat hwą sisąwani, te magi baso ebe, aga te genuai bidi nigisiąbadi, tama tibaso aga wi yali.

Te Israel Tobolu Bidi Dabe 8:20 Referans Kwoze

Godigo Nogi Ugwaba Sabo Tęąbi Po Wabo Buku Dabe 149:9

Tama augwa te hani dabeba te Godigo wali po tiwai gilama te dene mabo sę emainao. Te Godigo we bidi dabego augwa te tiwai elama, te augwa genuai nogi dali bomo dali si saibao. Te Genuai Bidigo nogi ugwaba sao.

1 Samuel 15:33

Tiali goli, Samuelgo te po wai, “Nago bidi hauwa elali, tama megi da, te bidi dabe augwa ida dabego wai meni. Tama tiyu, megi te nago ida me, te ida dabe tiwai gilama pedelaibao,” wali. Tama agai po olama, augwaligo te Agak ela munama, tama aga dwasianu dwasianu te Genuai Bidigo gedude te Gilgal alta pąde te dwasianu tologalio.

Josua 10:24

Augwaligo te augwali te Josua bidiboba odasa aselawai madi, tama agai te Israel dabe tigidali i wali, tama agai te aga dali pali te ami bidi dabego ofisa bidi dabebolo te po wai, “Dage eba aselama, tama dagego sągą te tuni bidi dabego mageba agayao,” wali. Tialima, augwaligo tama tialio.

Te Israel Tobolu Bidi Dabe 8:19

Tama Gideongo te po wali, “Augwali te eno ama dede mu dao. Augwali te eno idago wai dabe mu dao. Te dagalu bidigo nogide mu po tama obao, te dagego augwali me ela mugi menigi sogo da, teda eno dage megi dage me eligi menigi dao.”

Te Israel Tobolu Bidi Dabe 8:21

Tiali goli, Seba de Salmuna sigo te po wai, “Tagalao! Naga digi nago da si ela muao,” wai. “Nage bidi mu da wida, teda nago tama tiao,” wali. Tialima, Gideongo te Seba de Salmuna si ela munama, tama agai te augwali sigo kamel magede au elaluali doado bage dabe sali.