Te Israel Tobolu Bidi Dabe 8:12 - Godigo dwagi yai po buku

¹² Tama te Midian king bidi si, Seba me Salmuna, augwali si wi pai. Tiali goli, Gideongo augwali si pobeasa pelama, tama augwali si pageabi elama, nogo tuai. Agai te augwali sigo ami bidi tigidali dwai noma selibaso, tama augwali wi mu pai.

Te Israel Tobolu Bidi Dabe 8:12 Referans Kwoze

Godigo Nogi Ugwaba Sabo Tęąbi Po Wabo Buku Dabe 83:11

Nago te augwa ami dabego kepten bidi dabebolo te dwai dene mao, te polobadu nago te Orep de Sep side yali tiwai gilama yalio. Nago te augwaligo tobolu bidi dabe aiyaba elaluao, te nago te Seba de Salmuna side yali tiwai gilama yalio.

Amos 2:14

Te sogo te bomonama udabo bidi dabe, te augwali wi painu ebo usu me egobeo. Te bomai bidi dabego bomo mu meni yaibao. Te ami bidi dabe augwa digi bugagia bidainu tau sabo me usu egobeo.

Jopgo Po Asęani Elalubo Buku 34:19

God deligo naga agai te tama po wabo usu yaibao, magi baso meni, agai te tigidali we bidi nigai dao, tama agai gedude tigidali deli tigi poąį naga bidibao, te augwali doado bage hauwa elalubo bidi dabe me, te doado bage hauwa elalusiąbo bidi dabe me, tede moni homu me elalubeo, te tagalao. Te tigidali bidi Godigo gedude deli tigi tiwai naga bidibo dao.

Te Israel Tobolu Bidi Dabe 8:11

Tama Gideon te masigi kemi tǫ wa pai bulu sesege badu sunumi wali pali. Te sunumi te giliga pedalubo badu te Noba me Jokbeha te tǫ pedai si badu elaluali. Tama polo tama mu Gideon teba sabolama, te wąbi hwįbo hodolali, tama te Midian dabego ami bidi dabe te dwai noma mu selama, midigi sai.

Te Israel Tobolu Bidi Dabe 8:13

Tialima, Gideon aga te hwįani pesage tagalama, tama te sunumidu wali peyu, te Heres buluba ugwa holali.

Habakuk 3:7

Te tǫ kantri Kusan name ugwa be dabe eno suali, te mu dolai elaluali. Te Midian dabego ugwa be dabe te degasa pai elalua palio.

Aisaia 9:3

Genuai Bidi, nago naga we bidi genuai hani pedalomainu yalio. Tama nago augwali wiegi yai homu emainu geninanio. Augwali naga gedude wiegi yai homu yalio. Te augwaligo augwa gi nai hasia inawai siyu ebo homu tiwai yalio. Tama me, te ami bidi dabego wąbi hwįnama, gasa bidi dabe aiyaba elaluama, te augwaligo sali nai dabe dobayu ebo homu tiwai yalio.