Te Israel Tobolu Bidi Dabe 8:11 - Godigo dwagi yai po buku

¹¹ Tama Gideon te masigi kemi tǫ wa pai bulu sesege badu sunumi wali pali. Te sunumi te giliga pedalubo badu te Noba me Jokbeha te tǫ pedai si badu elaluali. Tama polo tama mu Gideon teba sabolama, te wąbi hwįbo hodolali, tama te Midian dabego ami bidi dabe te dwai noma mu selama, midigi sai.

Te Israel Tobolu Bidi Dabe 8:11 Referans Kwoze

Israel Hanigo Namba 32:42

Tama bidi me nogi Noba, aga hani kegasa pelama, tama te hanu Kenat me te Kenat sesegede elalubo buluba hwįgi pelama, te bulu sali. Tama te bulu nogi te hanu Noba polali, te aga nogi tiwai polali.

Israel Hanigo Namba 32:35

me Atrot Sofan, me Jaser, me Jokbeha,

Te Israel Tobolu Bidi Dabe 18:27

Te Dan dabego te Maikago nigali nai me, te agai pris bidi me selama, tama augwali te hanu Laisba palio. Tama te Lais hanude bidali we bidi, te augwa bugagia bididu, tama hwįabo homu me isiąma bidali. Tama te Dan dabego te augwali tigidali ela munama, tama augwa hanu me te siago ulali.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

1 Samuel 30:16

Tama te Isip bidigo Devit te Amalek dabeba sela pali. Te Amalek dabe te tǫ pedai badu digi bidalu, tama augwa te genuai nai daa tubo sę eyu bidali, magi baso meni, augwaligo te Filistia dabede me te Juda dabego tǫde me, te doado bage hauwa umabo mu sali.

1 Samuel 15:32

Nosali Samuelgo augwaliba te po wali, “Te Agak odasa asao, te Amalek dabe augwa king bidi.” Agak te bugai haliga elasa asu, tama tiwai homu yali, ‘Te ena isigobe da,’ homu yai.

Te Israel Tobolu Bidi Dabe 8:10

Tama te Seba me, Salmuna me, te augwali sigo ami bidi dabe dali, augwali te bulu Karkorde bidaluali. Te bidi sese hauwa me badu te pąde 15,000 ami bidi dabe naga bidali, magi baso meni, te Israel dabe augwaligo te bidi sese hauwa umabo te 120,000 ami bidi dabe te elali.

Te Israel Tobolu Bidi Dabe 8:12

Tama te Midian king bidi si, Seba me Salmuna, augwali si wi pai. Tiali goli, Gideongo augwali si pobeasa pelama, tama augwali si pageabi elama, nogo tuai. Agai te augwali sigo ami bidi tigidali dwai noma selibaso, tama augwali wi mu pai.