Te Israel Tobolu Bidi Dabe 7:8 - Godigo dwagi yai po buku

⁸ Tialima, Gideongo te tigidali Israel bidi te augwa buluba ma geasa pomainu tagala palu, tiali goli hasia agai te augwaligo te tǫgo nigali sospen sene me te augwaligo bu wabo nai biugel te tigidali sali. Tama tialima, te 300 bidi naga bidaluali. Tama te Midian dabe bidali pesage tǫ te tǫ malu aiyadu odogode elaluai.

Te Israel Tobolu Bidi Dabe 7:8 Referans Kwoze

1 Korin 15:52

polo mu, bidigo gedu gagamu ebo tiwai, te tǫde dagalu si silibo sogo te bu wabo nai biugel po wabo sogo tiaibao. Awe, te bu wabo nai biugel po waibao, tama te Godigo po wali pali isali we bidi augwali gų pagede hodaluaibao, tama augwali munu me dologobeo, te augwali gamonaibao. Tama da me bidibo bage, dago tigi hasegelama, gasagi yai mu pedalaibao.

Aisaia 27:13

Tama te sogo te bu wabo nai biugel bu genuaimu waibao. Teda te Israel dabe i weyu, te boi bidi dabegoaugwali te bulu Asiriaba sela sąyu, me te bulu Isipba selasąyu yali bage dabe. Tama augwali Jerusalem buluba maaselama, tama augwaligo Godiba ma lotu po waibao, teaga tedali gasagi yai bulu dude.

Te Israel Tobolu Bidi Dabe 6:33

Megi da, te Midian dabe me, te Amalek dabe me, tama te olo kemi tǫ bulude bidibo bidi dabe me, augwali sisinai elaluali. Augwaligo te wę Jordan nogelama, tama te Jesril tǫ malu odogo bulude te osogo bidibo pesage nigilama bidai.

Te Israel Tobolu Bidi Dabe 3:27

Nosali aga te Israel dabego tǫba pedelama, tama agai Efraimgo bidali bulu duba sabolama, te bu wabo nai biugel bu olama, te Israel bidi i olama, te hwįagasao wai. Tama augwali nosali asobadi aga polasa peyu, tama augwali te bulu duba dabe aiyaba dulali.

Josua 6:20

Tialima, te pris dabego te bu wabo nai biugel bu wai. Tama te we bidi augwaligo odobo sogo, deli sogo mu tigidaligo te genuai i wabo sogode tama te hanu bagulali obo dabe te gisigasa dulali. Tama tiai digi, nosali te we bidi tigidali te tomoba pelama, tama augwaligo te hanu sai dao.

Josua 6:4

Te nogo a naga me si wabo sogo te pris bidi te dąų wali po muani halobage tolali bage polasa pabo badu te augwali poligi pelama, tama augwaligo te bu wabo nai biugel tolomainu yao, augwaligo te omai kibu sipsip gąų pedelaligo nigai. Tama te nogo a naga me badu si wabo side, nage dali te ami bidi dabe badi tama te hanu bagula nogo a naga olama, me badu si te tama sogo biliyu yao,” wai. “Tama dage te hanu obo sesege badu bagula bilibo sogo, te pris dabego te bu wabo nai biugel te bu ola biliduao.

Israel Hanigo Namba 10:9

Te boi bidi dabego dagego tǫba dage dali hwįainu asobaso da, teda dagego te biugel elama, bidi dabe hodolama, hwįgi pomainao, te boi bidi dabe dali. Dagego te tama tiyu da, teda ena God, dagego Genuai Bidi, eno dage homu koneama, tama te boi bidi dabe dolaibao, te augwaligo dage aiyaba elalugobeo.

Pris Sę Ebo Bomai Po 25:9

Te kibu be 49 wabo side, te 7 polua dei 10 wabo sogo, dagego bidi meba tagala palama, te duga tǫ kantri pedaiba te bu wabo nai biugel bu wagi pomainao. Te side te God eno genuai side, eno te We Bidi Augwaligo Sęgę Sela Sąyabo Side mu dao.

Pris Sę Ebo Bomai Po 23:24

“Te Israel we bidibolo te tiwai po walao. Te 7 polua dei 1, dage toma nao. Te duga genuai side me deli dao, te dagego bu wabo nai biugel bu olama, te dage sisinagaselama, lotu wao.

Te Israel Tobolu Bidi Dabe 7:7

Tama Genuai Bidigo Gideonbolo te po wali, “Te hamenago ąį tuali te 300 bidi dabego nogode te nage eno tau selama, tama dagego te Midian dabe aiyaba elaluaibao. Tama te gasa bidi dabe tigidali te augwa buluba ma geasa pao po wao.” Genuai Bidigo te po wai.

Te Israel Tobolu Bidi Dabe 7:9

Te sogo hulide Genuai Bidigo Gideonbolo te po wali, “Dage hogodama, tama te augwali bidibo pesageba dulama hwįgulao,” po wai. “Te eno dage tau selama, te Midian bidi hani dabe aiyaba elalumainu yaibao.