Te Israel Tobolu Bidi Dabe 7:25 - Godigo dwagi yai po buku25 Tama augwaligo te Midian dabego tobolu bidi si pageabi elama tuali, te bidi si nogi Orep me Sep. Tama augwaligo te Orep ela muani, te Orep aga nogi elalubo moni masigide elali, tama Sep augwaligo te wain haluama agabo madi te pesagede elama, te nogi augwaligo nogi eyu, te Sepgo wain elalubo pesage dao po wali. Tama augwaligo te Midian dabe pobeasa pabo sę idubadi geanio. Gideon te Jordan pabo pedai badu bidali, tama augwaligo te tobolu bidi si te Orep me Sep, te augwali sigo tobolu selama, tama te Gideon aga bidibo madi sela asai. Gade chapit la |
Tama augwaligo te masigi dabe hauwa te Akan aga we wai puluba dali augwali tigiba te masigi pesage holai. Tama te masigi pesage holali te e po asębo sogo me elalubao. Tama augwaligo te bulu nogi Akor poali, te sęgę pedelai bulu odogo dao. Augwaligo tama tialigo, tama Genuai Bidigo homu kedau ilai dao.
Te we bidi dabe wiegi yai homu yali. Magi baso meni. Nago augwaligo boi bidi dabego bomo polo toga sąyai da weyu, te polobadu nago Midian hanigo bomo toga sąyani yali gilama. Te boi bidi dabego naga we bidi tonaluama, tama augwali genuai sęgę tolalumainu yai dao, te bidigo sęga pai ni name kau kibu dogoniba munama, tama te kau kibugo sę emainu wąbi dagego elama, tonalubo tiwai yai dao. Tiali goli, nago te ni name dabe, me te wąbi dage dabe, nago polo toga sąyai dao. Te boi bidi dabego nai tama, te boi bidi dabego nago we bidi dabe dali dwai sę megi me egobeo. Te boi bidi dabego gudama, hwįgi pabo nai dabe sese isigo dela silaibao. Te augwaligo moni su dabe, me hwįyu gudubo ugwa te bidi kaneme dagana sali, te isigo delama, silaibao. Te tigidali sęgę dabe sese silaibao. Tama wiegi yai sogo ma asaibao.