Te Israel Tobolu Bidi Dabe 7:17 - Godigo dwagi yai po buku

¹⁷ Tama agai augwalibolo tama po wali, “Dagego tonalu, tama enaba sulama tonao. Te ena te boi bidi dabe bidalubo pesageba sabalubo sogo, te eno mena sę me ebo si da, teda dagego me te sę yao.

Te Israel Tobolu Bidi Dabe 7:17 Referans Kwoze

1 Korin 11:1

Te we bidi tigidali agai augwali tau somainogo eyu Krais agai aga digi aiyaba muyu bidali. Tama ena me eno agai te yali kolesaga wali pabo dao. Tama dage me dagego ena wali asiyu, tama te tiwai kolesaga naga yao.

1 Pita 5:3

Tama kolesaga hagoma elama, tama dwai homu eyu te Godigo dagego nogoba muani we bidi tama tonalugio. Woo, te dage te dwagi yai sę ebo tųdu polasa pao, te augwali dage wali asomainu, te kibu sipsip augwali te augwali tonalubo bidi wali pomainogo aga polasa pabo tiwai gilama yao.

Hibru 13:7

Dagego duga tobolu bidi dabego yali kolesaga homugo bugagia koneao, polobadu augwaligo Godigo po dagebolo pusai. Dagego augwali bilali kolesaga dali, augwali isali kolesaga dali si homugo koneama, tama augwaligo konealubo po dąų weyu Godiba tią pali kolesaga te wali pao.

Matyu 16:24

Tama te sogo Jisas aga wali pabo bidi dabe augwalibolo te po wai, “Te ena wali niwai bidi me deli asainu da, aga tobade aga digi aga homu aiyaba elaluama, tama agaba asobo niwai sęgę bugagia tolalu ena wali asao.

Te Israel Tobolu Bidi Dabe 9:48

Tama tibaso, aga dali, aga ami bidi dabe dali, te bulu du Salmon holali. Tama agai te sigi hwą me deli selama, tama agai te ni nologo meba togolama, tama aga magede tolasa pali. Tama agai aga ami bidi dabebolo te tiwai po wali, “Dagego eno e ebo sę suiąo. Tialima, dagego me polo asesa tama tiwai sę iyąo,” wali.

Te Israel Tobolu Bidi Dabe 7:16

Tama Gideongo te 300 bidi dabe te hani sela nigilama wasilali. Tama agai te biugel me, te genagi dagede te ula ilibo ni kaneme elalubo te sospen sene tomode elalubo te selama, tama augwali deli delibolo te nai dabe mena mena pali.

Te Israel Tobolu Bidi Dabe 7:18

Tama eno te ena hani dali te biugel bu wabo si da, dagego me te boi bidi dabe bidalubo pesage tigidali badu bobegela selama, te biugel bu ola pelayu, tama te tiwai i waiąo, ‘Da te Genuai Bidigo hani dao! Da te Gideongo hani bidi dao,’ te po waiąo,” te po wali.