Te Israel Tobolu Bidi Dabe 7:15 - Godigo dwagi yai po buku

¹⁵ Tama Gideongo te na yali po page pusubo odali sogo, aga te kidu sugunama, tama Godiba lotu wali. Tama aga te Israel dabe bidalubo pesageba ma sabolama, tama i wali, “Hodaluao! Da pinao! Megi da, te Genuai Bidigo da tau selama, tama dago te Midian ami bidi dabe aiyaba elaluabo te usu yaibao.” Te po wai.

Te Israel Tobolu Bidi Dabe 7:15 Referans Kwoze

Te Israel Tobolu Bidi Dabe 4:14

Tama Deborago te Barakbolo te tiwai po wali, “Tegobao! Da pinao. Genuai Bidi te nage pabo badu te polasa pobao. Tama tibaso, te sogo Genuai Bidigo te nage tau selama, tama nago te Sisera aiyaba elalueibao,” te po wai. Tama po obaso, Barakgo te 10,000 bidi hauwa selama, tama augwaligo te Tabor bulu du tagalama, aiyaba dulali.

Tigidali Nai Gagalama Nigali Side 41:11

Tama me sogo hulide te da si piai digi te na yai. Tama da sigo na deli deli yali te aga page tedali elaluali.

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.

Tigidali Nai Gagalama Nigali Side 24:48

Tama eno kidu sugunama, te eno Yawebolo lotu po wali. Tama eno Yawe nogi ugwaba sali, te eno genuai bidi Abrahamgo God. Agai te ena genuai bidi aga amago hanigo beba dolo ena odasa asai. Tama eno te wegi ogwa we gegali, te eno genuai bidigo ogwago sabo we sualio, te eno genuai bidi aga amago ogwago wegi dao.

Te Israel Tobolu Bidi Dabe 7:11

“Te nago augwaligo mibo po odama, tama nago augwali dali boi hwįabo bomo te sogode saibao.” Genuai Bidigo te po wai. Tialima, Gideon dali te aga sę ebo bidi Pura te augwali si te boi bidi dabe bidalubo pesage sesege badu pali.

Te Israel Tobolu Bidi Dabe 7:14

Tialima, aga abagigo po wei ponoyu, te tiwai po wali, “Te gasa sę me ebeo. Menio! Te Gideongo bainat me deli dao! Te tama dao! Godigo te Gideon tau selama, tama agai da Midian dabe me, te dago ami bidi dabe dali, te tigidali aiyaba elaluaibao,” wali.

Te Israel Tobolu Bidi Dabe 7:16

Tama Gideongo te 300 bidi dabe te hani sela nigilama wasilali. Tama agai te biugel me, te genagi dagede te ula ilibo ni kaneme elalubo te sospen sene tomode elalubo te selama, tama augwali deli delibolo te nai dabe mena mena pali.

Te Israel Tobolu Bidi Dabe 8:7

Tama tibaso, Gideongo te po weyu, “Wiegi yai da!” wali. “Te Genuai Bidigo te Salmuna me Seba te ena nogoba mabo si da, te eno dagego tigi walide te masigi kemi tǫ wa pai bulude te sesani yai elalubo bonogo te dage tigi tologa pomainu elaibao,” wai.

Te Israel Tobolu Bidi Dabe 3:28

Ehutgo te Israel dabebolo wali, “Dage ena wali asiąo! Genuai Bidigo duga boi bidi, te Moap dabe, te dagego nogoba manio. Te dagego augwali aiyaba elaluaibao,” wali. Tialima, augwaligo te Ehut wali palima, tama augwaligo te Moap dabe soabo sunumi geą sigi pali, te Moap dabe augwali te wę Jordan nogeidali weyu tama tiali. Tama me deli te wę nogelama te me soabeo. Mu menio.

1 Samuel 1:28

Tama tibaso, megi eno aga te Genuai Bidiba mawainu ebao. Tama agai te Genuai Bidigo sę sesemane sogo yaibao.” Idago te po ola silibo si, teda Samuelgo gesabidi Genuai Bidiba basi gulama, agabolo lotu po wali.

1 Samuel 14:12

Tama te Filistia ami bidi dabego te Jonatan dali aga hwįbo nai tolasa bilibo bidi dali augwali siba te tiwai i wali, “Ae! Dage si edaba holao,” wali. “Dago magi nai me deli dage siba ola mawaibao,” wali. Jonatango te po odama, tama agai te aga hwįbo nai tolasa bilibo bidibolo wali, “Nage ena wali asu, tama da pinao. Megi dago koneani, te Genuai Bidigo da Israel dabego augwali aiyaba elalumainu yaibao,” wali.