Biblia Todo Logo
Bib sou entènèt

- Piblisite -




Te Israel Tobolu Bidi Dabe 6:40 - Godigo dwagi yai po buku

40 Tialima, te sogo hulide Godigo te tama tiwai naga ilali. Te sipsip niside te ąį segeni elalubeo, tiali goli te tǫde da, te ąį segeni elaluali.

Gade chapit la Kopi




Te Israel Tobolu Bidi Dabe 6:40
3 Referans Kwoze  

Nosali Gideongo Godibolo te po ma wai, “Genuai Bidi, nago ena dali wado po wabo homu me elamuo, eno deli sogo digi ma po miabo homu ebao. Eno homugo nago enabolo te sipsip nisi deli sogo ma usu somainu yabo po eno nage dali omainu yao. Eno homugo te sipsip niside ąį segeni ebo te niside elalugobeo, tama te tǫde naga te ąį segeni elalumainu homu yai.” Te po wai.


Tialima Jerubal, te tiwai te Gideon nogi, te aga bidi dabe dali tigidali augwali te kigamu digi mu hodaluama, tama augwaligo augwa osogo bidabo pesage te wę ulu Harot sesegede nigai. Tama te Midian dabego osogo bidibo pesage te Morego bulu du aiyadu pąde elaluali. Te Jerubalgo bidibo pesage pąde elaluai, tama aga hani meba te not badu bidai.


Agai Aisaiabolo te Ahasbolo te po wao po wali, “God naga Genuai Bidibolo hanalu wao, te nagebolo bidigo gedugo susiąwai bomai sę me ola momainu. Nago agabolo mena tama bomai sę, me nago suabo homu ebo sę me, nago agabolo hanalu wao. Ma, nago te bomo yai sę te bidi gų pagede suabo homu ebaso me, o ma nago dagalude bomai sę pedalobo suabo homu ebaso, o ma menade me naga homugo godolo me ebo digi te tobage sę suabo homu ebaso da, nago Godibolo hanalu wao, tama Godigo nage ola mawaibao,” wali.


Swiv nou:

Piblisite


Piblisite