Te Israel Tobolu Bidi Dabe 6:39 - Godigo dwagi yai po buku

³⁹ Nosali Gideongo Godibolo te po ma wai, “Genuai Bidi, nago ena dali wado po wabo homu me elamuo, eno deli sogo digi ma po miabo homu ebao. Eno homugo nago enabolo te sipsip nisi deli sogo ma usu somainu yabo po eno nage dali omainu yao. Eno homugo te sipsip niside ąį segeni ebo te niside elalugobeo, tama te tǫde naga te ąį segeni elalumainu homu yai.” Te po wai.

Te Israel Tobolu Bidi Dabe 6:39 Referans Kwoze

Tigidali Nai Gagalama Nigali Side 18:32

Tama Abrahamgo te po wali, “Genuai Bidio, nago wado po olamuo. Eno po me deli ma simaniyu obao. Te nogo si doloba pai bidi naga bidibaso da, magi yaibawe?” Tama Yawego te po wai, “Te doloba pai nogo si bidi bidibaso da, teda augwali tobade eno te hanu me dologobeo.”

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Matyu 21:43

Tama tibaso eno e po dagebolo obao, te Godigo we bidi tonalubo sę dagede elaluali dagalama, tama te Godigo we bidi tonalubo sęde doloba pai kolesaga ebo we bidi augwaliba eno te nai mawaibao.

Godigo Sęba Tagala Palai Bidigo Po 13:46

Tiali goli, Pol dali Barnabas sigo bomo selama, wi isąma, te po wai, “Dago koneai, Godigo po hasia bolo dage Juda haniba mawainu yai. Tiali goli, dagego agai po sela sąbaso da, teda dago dage Juda hani taga paibao. Duga homugo tama te da, dagego bugagia bida bida pabo kolesaga sogobeo homu ebaso da, teda da te Juda hani isąwai we bidi haniba tau sigi paibao. Godigo dabolo te bomo yai po wai dao,

Matyu 8:12

Tiali goli, Godigo hasia bolo te dwai tigi dene sabo buluba muabo sa muani we bidi augwali da, te augwaligo te bulu badu te be hulia sai dwai madigi sela sąwaibao. Tede augwali dwai gela weyu, tama augwa kele ma halua tueibao.”

Godigo Sęba Tagala Palai Bidigo Po 28:28

“Tama te po dage dolo mu te waliao. Tiali, dagego koneao. Tama Godigo da we bidi sela pabo tų po tama te Israel hani isąwai we bidibolo tolai yali. Tama te po augwaligo mu odaibao,” Pol agai te po wai.

Godigo Sęba Tagala Palai Bidigo Po 22:21

Tama te Genuai Bidi agai enabolo te po wai, ‘Nage megi pao. Eno nage te Israel hani isąwai we bidi pageba tagala palabo dao, digibulu,’ te wali,” Pol agai te po wali.

Te Israel Tobolu Bidi Dabe 6:38

Tama te naide te tiwai sę pedelali. Tama Gideon te kigamu digi mu hodaluama, tama agai te sipsip niside elaluali ąį segeni sela sąwani. Tama te węgo te dwasianu pou me deli pągąwai.

Te Israel Tobolu Bidi Dabe 6:40

Tialima, te sogo hulide Godigo te tama tiwai naga ilali. Te sipsip niside te ąį segeni elalubeo, tiali goli te tǫde da, te ąį segeni elaluali.

Tigidali Nai Gagalama Nigali Side 18:30

Tama Abrahamgo te po wali, “Genuai Bidio, nago wado po olamuo. Eno po ma wainogo ebao. Te tobage bidi te bidi sese deli olama, nogo si naga elalubaso da, magi yaibawe?” Tama Yawego te po wali, “Te eno wiegi yai bidi te bidi deli olama, nogo si bidibo subaso da, teda eno te hanu me dologobeo.”