Te Israel Tobolu Bidi Dabe 6:34 - Godigo dwagi yai po buku

³⁴ Tialima, Genuai Bidigo po wabo Mobo Ogwa Wai te Gideonba dulama, tama Gideongo te nai biugel me deli bu wali, te nai augwaligo te sipsip gąųgo nigai, te Abiesergo hani augwali aga wali asomainu i wali.

Te Israel Tobolu Bidi Dabe 6:34 Referans Kwoze

Tuni Bidi Dabego Po Elalubo Buku Si 24:20

Tama tialima, Godigo Spirit Mobo Bidi bomo elama mu te pris Jehoiadago ogwa Sekaraiaba pedelali. Tama Sekaraia aga te we bidigo suabo pebeli diliba ugwa doligi pali, tama agai augwalibolo e tama po walali, “God Genuai Bidigo te po walio. Dagego agai bomai po polo bogi palio, tama dage bugagia munu me bidigobeo. Magi baso dagego te tobage kolesaga yaliwe? Dagego Godiba tudi ola manio. Tama tibaso, agai me dage polo tudi ola manio,” Sekaraiago te po wali.

Tuni Bidi Dabego Po Elalubo Buku Deli 12:18

Tialima, Godigo Mobo Noma Bidi te Amasaiba pedelali, te augwali me deliba, tama Amasaigo Devitba te tama po wali, “Devit, te Jesigo ogwa, da te nago hani bidabo homu ebao. Te naga Godigo nage tau sobaso, tama nage dali, te nage tau sabo hani dabego dali te sesemane sogo ugwaba ela holama te bugagia bidaibao,” wali. Tialima Devitgo augwali selama, tama augwali te agai ami dabego ofisa dabe pedelai. Te nosali, Amasai te nogi yai 30 bomai ofisa bidi dabe tomode aga te polalubo ofisa bidi pedelai dao.

Te Israel Tobolu Bidi Dabe 3:27

Nosali aga te Israel dabego tǫba pedelama, tama agai Efraimgo bidali bulu duba sabolama, te bu wabo nai biugel bu olama, te Israel bidi i olama, te hwįagasao wai. Tama augwali nosali asobadi aga polasa peyu, tama augwali te bulu duba dabe aiyaba dulali.

Te Israel Tobolu Bidi Dabe 3:10

Tama Genuai Bidigo Mobo Bidi te Otnielba asama, tama aga te Israel dabego tobolu bidi pedelali. Tama Otnielgo te Mesopotemia gavman tuni bidi dali hwįgi pelama, tama Genuai Bidigo aga tau selama, tama agai augwali aiyaba elaluali.

Polgo Po Pas Rom Dabeba Asęani 13:14

Te tobage kolesaga menio. Dagego Genuai Bidi Jisas Krais selama, tama aga te bebo ugwa tiwai elama tama duga homude bea sao. Tama dagego te tigigo ebo dwai kolesaga wali pabo homu me egimio.

Galesia 3:27

Tama dagego duga homu tigidali Kraisba munama tama baptais selama, tama dage aga dali wadolama tama bidibao. Tama bidiyu, bidi aga gudubo ugwa gudubo tiwai eyu, dagego Kraisgo digi homu kolesaga duga homude dąų walao, te dagego te homu kolesaga wali pomainogo tama yao.

Godigo Nogi Ugwaba Sabo Tęąbi Po Wabo Buku Dabe 51:11

Nago ena sela sąyu, tama ena nage digibulu bididalio. Nago ena dali bidibo mobo bidi naga ma sidalio weyu.

1 Samuel 16:14

Te sogo te Genuai Bidigo Mobo Bidigo te Sol tagalu, tama Genuai Bidigo te dwai haubo mobo me deli te Sol agaba tagala palama, tama aga homu kolesaga dolama, tama aga wi dwai ilali.

1 Samuel 11:6

Te Solgo te po odali sogo, te Godigo Mobo te bomo elama, agaba pedalubaso, te aga haliga sębę mu geninanio.

1 Samuel 10:6

Tialima, te Genuai Bidigo Mobo te bomo elama, nageba pedalu, tama nage te profet dabe dali deliba muna selama, tama nago augwaligo te ebo kolesaga tobage tiwai yaibao. Tama nage gasagi yai bidi mu pedelaibao.

Te Israel Tobolu Bidi Dabe 15:14

Augwali te Lehi hanuba sabalubo sogo, te Filistia dabego i weyu, udada asu, tama augwali tiąba asali. Tama Godigo Mobogo te Samsonba genuai bomo menama, tama te gesi baklaingo aga nogo duani, Samsongo te baklain te ugwa hobolobo hobi togobo tiwai te olo nai gagawai togali.

Te Israel Tobolu Bidi Dabe 14:19

Tialima, te Genuai Bidigo Mobogo te Samsonba bomo mobaso, tama aga te Askelonba dulali. Agai te hanude bidali bidi te 30 bidi elibadi, tama augwaligo doado bage dabe dali sali. Tama agai te 30 ugwa te agai begelali po page pusali bidi dabe mani. Tama te sę pedelalide te aga haliga sębę mu elama, tama aga buluba ma begasa pai.

Te Israel Tobolu Bidi Dabe 13:25

Tama aga te Dango pesagede bididuali, te Sora me Estaol bulu si tomode bidai, tama Genuai Bidigo Mobogo aga sunumi ola mabo sę gagalali.

Te Israel Tobolu Bidi Dabe 8:2

Tiali goli, Gideongo te po augwalibolo wai, “Te dagego yali sę te genuai sę mu yalio. Te eno yali sę te olo sę tama yali. Te dwasianu sę dage Efraim dabego yali sęgo te dago yali sę tigidali te aiyaba elalualio.

Te Israel Tobolu Bidi Dabe 6:11

Nosali Genuai Bidigo Mobo Bidi ensel asama, tama te moni ni te Ofra bulu pąde te ni dologode bidagasali, te Abiesergo hani bidi Joasgo bulude. Te aga ogwa Gideon, aga te Midian dabede wi ebaso, tama aga te wit agabo masigi me deli te tǫ dedage tiwai elalubo madi tede te geme duala sigi pelama bididuali. Tama agai te wit bo wali sela sąbo sę iduai.

Josua 17:2

Tama augwaligo te Manasego gasa hani dabe mebago tǫ dąį ilama, mani, Abieser, me Helek, me Asriel, me Sekem, me Hefer, me Semida, te tama bage tǫ dąį ilali. Te bidi dabe augwali te Manasego wai dabe, tama augwali te augwa hani dabe tomode te augwali tobolu bidi bidali da.

Israel Hanigo Namba 10:3

Dagego te biugel si bobobage sogo elebo sogo da, teda te we bidi eno ugwa be sunumiba sisinagasomainao.

1 Samuel 13:3

Tialima, Jonatan aga ami bidi dabe dali augwaligo te Filistia ami bidi dabe dali te Geba bulude hwįnama, tama augwali aiyaba elaluali. Tama te gasa Filistia dabego te tiali po odama, tama augwaligo te Israel dabe dali wado po wali. Tama tialima, Solgo te bidi meba te Israel tǫ pedai tigidaliba tagala palama, tama augwaligo te biugelgo te Sol tau sagasu hwįabo bidi dabe i ola bilali.

Tuni Bidi Dabego Po Elalubo Buku Deli 12:19

Devit te Filistia dabe dali pelama, te Sol dali boi hwįgi painu yali sogo, te Manase hanigo ami bidi mebago te Sol tagalama, te Devit dali bidigi pali. Tialima, Devitgo te Filistia dabe tau sabeo, magi baso meni, te Filistia kingo te Devit aga hani dabe dali sela sąwani. Augwaligo aga sela sąwani, magi baso meni, augwaligo koneani, polobadu Devit te Solgo sę bidi bidai, te augwa wi elama te homu yali, tiyu te hwįbo sogo Devitgo te Solgo hani tau selama, te Filistia dabe ela muidali da homu yali. Tibaso, te king dabe augwa po mia selama, te Devit aga tagala palai dao.