Te Israel Tobolu Bidi Dabe 6:24 - Godigo dwagi yai po buku

²⁴ Tama tibaso, Gideongo Genuai Bidigo alta me deli te bulude nigilama, tama agai te alta nogi weyu, “Te Genuai Bidi aga te homu nagame dua ebo bidi da,” wali. Te nigali alta te Abiesergo hani bagego tǫ pedai badu e po asębo sogode me elalubao, augwaligo te bulu nogi Ofra wai dao.

Te Israel Tobolu Bidi Dabe 6:24 Referans Kwoze

Ma Dobola Sali 17:15

Genuai Bidigo po wai digi, tama Mosesgo te Genuai Bidibolo nai ula maiabo alta sai me deli nigilama, tama te alta sai yali nogi e tiwai wai, “Genuai Bidi aga eno te nide walama, ugwaba sabo plak ugwa tiwai dao.”

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Te Israel Tobolu Bidi Dabe 8:32

Tama Gideon te monu dabe mu pedelama, tama isali. Tama augwaligo aga te aga aya Joasgo gų pagede pubulali, te bulu Ofrade, te Abiesergo hani dabego hanude dao.

Esekiel 48:35

Tialima, te taun sese bagua sali obo te bobobage dąį te 9,000 mita usu nama dao. Tigidali sogo augwaligo te taun nogi e tama nogi eyu yaibao, ‘Genuai Bidi ede bidibao,’ te nogi waibao,” Genuai Bidigo te po wai.

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Jeremaia 33:16

Tama te sogo Juda dabe me Jerusalemde me sęgęmeni yaibao. Te augwali bugagia dugulalueibao. Tamaaugwa Jerusalem nogi te tiwai waibao, ‘Genuai Bidi agate dago doloba pai kolesaga page bidi dao.’

Te Israel Tobolu Bidi Dabe 21:4

Tama do te kigamu mu te we bidi hogodama, tama te pesagede te alta me deli nigai. Tama augwa te tigidali ulama siago domainu ebo ofa me te homu deliba mubo ofa yali.

Josua 22:10

Augwali Gelilotba sabolali, te Kenan dabego tǫ te Jordan wę sesegede, tama augwaligo te genuai alta me deli te bulu te wę pąde dodolali.

Tigidali Nai Gagalama Nigali Side 33:20

Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.

Te Israel Tobolu Bidi Dabe 6:23

Tiali goli, Genuai Bidigo agabolo te po wai, “Te usu da, nage wi me igio. Te nage me isibeo,” wali.

Tigidali Nai Gagalama Nigali Side 12:7

Te Yawe Abram bidiboba pedelama, tama tobo po wai, “Te e genuai tǫ da, te eno nago wąį hani wai dabebolo mawaibao,” te po wali. Tama tibaso, Abramgo te Yawe agaba pedelali madi te pesagede te Yawebolo lotu po weyu, ofa nai mayu yabo alta sai nigai.

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Te Israel Tobolu Bidi Dabe 8:27

Tialima, Gideongo te tibo god me deli te golgo nigilama, tama agai te aga hanu Ofra teba muani. Tama tigidali Israel dabego te God tagalama, tama augwali te hanu Ofraba pelama, te nigali tibo godiba lotu wagi pali. Te tibo god te Gideongo nigali, te naigo te Gideon dali, te aga hani sibi we wai dabe dali, te mu kone tua pali.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

1 Samuel 14:35

Tama Solgo te masigi te Genuai Bidigo alta tiwai ilama dąį ilali, te hasia sogo naga agai te alta nigibo sę yai.

2 Samuel 24:25

Tama Devitgo te Genuai Bidigo alta me deli te pesagede nigilama, tama te siago tigidali dabo ofa me, te God dali deli homu pedalubo ofa me, yalio. Tama nosali, Genuai Bidigo te bidi dabego augwa bulu tǫ pedai te bugagia wiegi yai emainu, te gedu haluasa po wabo odali. Tama agai te Israelde elaluali te gasi silalio.

Te Israel me Juda Hani Sigo Tuni Bidigo Po Elalubo Buku Deli 18:32

Tialima, Elaijago te masigi dabe selama, te Genuai Bidiba ofa yabo alta nigali. Agai te alta nigila silibo si da, teda agai te alta bagulubo ąį gamia nigali. Te ąį gamiade ąį pągąwani usu te nogo si olama, sągągo me si me si, te 14 lita usu nama dao.

Esra 3:2

Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.