Te Israel Tobolu Bidi Dabe 6:21 - Godigo dwagi yai po buku

²¹ Tialima, te Genuai Bidigo Mobo Bidi enselgo te dono me deli agai nogogo tolasama, tama agai te dono habu te kibu miba dali te bretba me ugwadu muani. Tama polo te masigide sia bogoli pedelama, tama te kibu mi dali te bret me siago dali. Tama te Mobo Bidi ensel polo palio.

Te Israel Tobolu Bidi Dabe 6:21 Referans Kwoze

Pris Sę Ebo Bomai Po 9:24

Te polo tama mu Genuai Bidigo isi te altaba tagala palama, tama isigo te siago tigidali mu dela silibo ofa dali te kibu ili tigidali me polo dela silai. Te we bidi dabego te sę ebo sulama, te augwa bomonama i weyu, te augwa gesabidi tǫba pǫgulama, te Genuai Bidiba lotu po wai dao.

Tuni Bidi Dabego Po Elalubo Buku Si 7:1

Te Solomongo gedu haluasa po ola silibo si da, teda Godigo dagaludu isi tagala palama, tama te isigo mu dela silibo ofa sese tama dela siliyu, me te gasa meba ofa yali dabe sese tama dela silali. Tama Genuai Bidigo ula genuai mu elama, tama aga te be ulago pągąna sali.

Te Israel me Juda Hani Sigo Tuni Bidigo Po Elalubo Buku Deli 18:38

Tialima, Genuai Bidigo isi aiyaba tagala palai. Tama isigo te ofa me, te isi me, te alta nigali masigi dabe me, te alta sesede elaluali tǫ me isigo dela silali. Tama te ąį gamiade elaluali ąį me tigidali sula selama, wa pai dao.

Tuni Bidi Dabego Po Elalubo Buku Deli 21:26

Tama Devitgo te pesagede Genuai Bidigo alta me deli nigalio, tama agai te isiba tigidali ulama dabo ofa dabe ebadi, te God dali deli haliga pedalubo ofa me yalio. Tama Devitgo Genuai Bidiba gedu haluasa po obaso, tama Genuai Bidigo agai gedu haluasa po odama, tama te dagaludu isi tagala palama, tama te altade munaluali ofa yali nai dabe isigo dela silalio.

Te Israel Tobolu Bidi Dabe 13:20

Te altade nogani sia te genuai deyu, tama te sia bogoli ugwaba holali, tialima te Manoa we de bidi sigo suali, te Genuai Bidigo Ensel Bidi te sia dabo wali te dagaluba holalio. Tama te we de bidi si te tǫba degasa dulama, te gesabidi tǫba pǫgulali.

Te Israel Tobolu Bidi Dabe 6:20

Tama ensel agabolo te po wali, “Te kibu mi dali te bret me te masigi daiba manao,” wali. “Tama te naiba ugwadu te sup gelao.” Tama Gideongo tama tiwai yali.

Te Israel Tobolu Bidi Dabe 13:19

Tama tilama, Manoago te gesi ogwa bidi meme dali, te wit me selama, tama te Genuai Bidiba ofa ilali. Agai te alta masigi daide te ofa yali.

Aisaia 38:7

Tama ena Genuai Bidi eno nageba te dąį ilibo sę me deli menama, te nageba eno te yaibao po dąų wali sę te nageba ola mawaibao.