Te Israel Tobolu Bidi Dabe 6:17 - Godigo dwagi yai po buku

¹⁷ Tialima, Gideongo te tiwai po wei ponai, “Te ena nago gedude dwagi yai bidi da omainogo da, nago enabolo te eno koneabo dąį me deli ilibaso, teda eno koneama, te nage Genuai Bidigo digi te ena dali po miani, te eno koneaibao.

Te Israel Tobolu Bidi Dabe 6:17 Referans Kwoze

Aisaia 7:11

Agai Aisaiabolo te Ahasbolo te po wao po wali, “God naga Genuai Bidibolo hanalu wao, te nagebolo bidigo gedugo susiąwai bomai sę me ola momainu. Nago agabolo mena tama bomai sę, me nago suabo homu ebo sę me, nago agabolo hanalu wao. Ma, nago te bomo yai sę te bidi gų pagede suabo homu ebaso me, o ma nago dagalude bomai sę pedalobo suabo homu ebaso, o ma menade me naga homugo godolo me ebo digi te tobage sę suabo homu ebaso da, nago Godibolo hanalu wao, tama Godigo nage ola mawaibao,” wali.

Godigo Nogi Ugwaba Sabo Tęąbi Po Wabo Buku Dabe 86:17

Genuai Bidi, eno homugo te nago ena wei ebo da homu ebo te nago enabolo ola mao. Tama te boi bidi dabego suyu, te nago ena tau siyu, te dąų walobo te augwa konemainu yao. Tama augwa ebo kolesagade te augwa hale mu somainu yao.

Ma Dobola Sali 33:13

Tama nago ena godolo eba wida, teda eno homugo nago enabolo te nago homu kolesaga ola menama, tama eno nage bugagia konemainu, tama sesemane sogo eno te nago godolo yabo kolesaga naga yaibao. Tama eno homugo me te naga digi sa muani we bidi te nago homugo ma konemainogo, te homu eno ebo dao.”

Ma Dobola Sali 33:16

Ma, nage da dali pisąwani da, te gasa bidi hani augwaligo mena tama te nago ena me, te naga we bidi dabe dali, godolo ebo te koneaibawe? Tiali goli, nage da dali pobaso da, teda te gasa bidi hani augwaligo koneama, te da we bidi te gasa we bidi hani tigidali tiwai meni, da te gasagi yai bage mu da waibao,” wali.

Te Israel Tobolu Bidi Dabe 6:18

Tama nage me pigio. Te nai meba eno nagebolo te wiegi yai homu ilama ofa mawaibao,” wali. Tama Mobo Bidi enselgo te po wali, “Te ena nage asobo tonalu bidaibao.”

Te Israel me Juda Hani Sigo Tuni Bidigo Po Elalubo Buku Deli 13:3

Tama te profet bidigo te po wai, te agai po ma wadolama weyu, te tama po wali, “Megi tama, eno nagebolo wabo pode, te Genuai Bidigo te sę me deli yabo po pusali. Te Genuai Bidigo wali po te dolo mu wayabo homu emainu, te koneama dagalamainu te ola mabo sę gedugo sumainu yabo po wali. Tama te ofa nai ula mabo alta sai auluama, tama te aga pagede munalubo sisi dabe gelaibao,” te po wai.