Te Israel Tobolu Bidi Dabe 6:12 - Godigo dwagi yai po buku

¹² Tama Genuai Bidigo Mobo Bidi ensel agaba pedelama, tama te po wai, “Nage te boi hwįabo bomai bidi dao, te Genuai Bidi nage dali bidibao!” Te po wai.

Te Israel Tobolu Bidi Dabe 6:12 Referans Kwoze

Dwagi Yai Gesi Po Lukgo Asęani 1:28

Te bidi Josep te Devitgo hani bidi dao. Tama te ensel bidi Gebriel te Maria pageba pelama, “Giligade dao,” te po wali. “Genuai Bidigo nage megi hobede yalio, nage bugai homu yabo sę yalio. Aga nage dali bidibao,” wali.

Josua 1:5

Te bidi me deligo te dage aiyaba elalumainu elama, te nage isimainu ebo, te usu me egobeo. Te ena nage dali bidiyu, te ena Moses dali bidali tiwai gilama yaibao. Eno homugo nage me gegeda palogobeo, eno nage munu me taga pogobeo.

Te Israel Tobolu Bidi Dabe 2:18

Tigidali sogo Genuai Bidigo te Israel dabego tobolu bidi me deli sa muani, te agai tonalua pidubadi, te aga isiboba usu niyu yali. Tama te tobolu bidi dabego te Israel dabe tau siyu, te boi bidi dabe aiyaba elaluali. Genuai Bidigo te augwali homu dene eyu, tau sali, magi baso meni, augwali te augwa yali sęde dene me sęgę te boi bidigo nogode siyu, gela weyu yali.

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Dwagi Yai Gesi Po Lukgo Asęani 1:11

Tebadi yaide, Godigo ensel bidi me deli dulama, te denami yai hano holobo pesage doloba polo badu dolalubo suali.

Te Israel Tobolu Bidi Dabe 13:3

Me sogode te Genuai Bidigo Ensel Bidi te weba asama, tama agabolo te tiwai po wali, “Polobadu nago wai me ame nesiąwai, tiali goli nage haliga elama, tama nago ogwa ame naibao,” wali.

Ma Dobola Sali 3:12

Tama Godigo te po wali, “Ena nage dali bidibao. Tama megi eno magi nai me deli nagebolo waselama ola mayu, tama nago kuna koneagameo, te ena digi eno nage te Israel we bidi augwalibolo tagala palobao. Te ola mabo sę e tama dao: te nago te we bidi Isip tǫ tagalama, odasa aselama, tama dagego enabolo e bulu dude digi lotu po waibao,” wali.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Rutgo Po Elalubo Buku 2:4

Tama nosali gana, Boas agaduba digi aga te Betlehem hanude bidali tagalama, aga sę ebo bidi dabe augwali pageba sabolama, tama siade da weyu, te po wai, “Eno homugo te Genuai Bidi dage dali bidimainao,” wali. Tama augwaligo po wei ponoyu, te po wai, “Genuai Bidigo wiegi yai sę nagebolo ilimainao.”

Te Israel Tobolu Bidi Dabe 6:11

Nosali Genuai Bidigo Mobo Bidi ensel asama, tama te moni ni te Ofra bulu pąde te ni dologode bidagasali, te Abiesergo hani bidi Joasgo bulude. Te aga ogwa Gideon, aga te Midian dabede wi ebaso, tama aga te wit agabo masigi me deli te tǫ dedage tiwai elalubo madi tede te geme duala sigi pelama bididuali. Tama agai te wit bo wali sela sąbo sę iduai.

Te Israel Tobolu Bidi Dabe 6:13

Tama Gideongo agabolo te po wali, “Genuai bidi, eno te po me deli nagebolo hanalu obao. Te Genuai Bidi da dali bidibao wida, magi baso te dwai sę dabolo pedelama elalubawe? Tama agai polobadu dago hani tau sali wiegi yai kolesaga, te tobage kolesaga agai te megi ma ebo menio. Magi basowe? Agai te dago wąį dabe te Isipdu sela soali, tama dago aya dedego dabolo te tiwai po pusai. Tiali goli, megi da, Genuai Bidigo da tagalama, tama da te Midian dabego nogode bidibao.” Gideongo te po wali.

1 Samuel 10:7

Te sę dabe nageba pedalubo sogo da, teda nago koneaibao, te God nage dali bidu, te Godigo nageba mani sę ebo te nage tau saibao. Tama nosali, nago homugo te mena sę te we bidi tau sabo wiegi yai sę da homu ebaso da, teda nago te sę yagameo.

Bomai Po 20:1

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao.

Te Israel Tobolu Bidi Dabe 11:1

Jepta te Gileat bidi, aga te hwįbo bomai bidi me deli dao. Aga te penani we me deligo ogwa, tama Gileat te aga aya dao.