Te Israel Tobolu Bidi Dabe 6:10 - Godigo dwagi yai po buku

¹⁰ Tama eno dagebolo wali, ‘Ena te God, duga Genuai Bidi da,’ po wai. ‘Dagego te Amor dabego tibo godiba lotu me olamu da,’ po wali. ‘Te bidi dabe augwaligo tǫde dage bidalu, te augwaligo tibo godiba lotu po me wagio,’ po wali. Tiali goli, dagego eno po me odobeo.” Profet bidi me deligo te Genuai Bidigo po wali.

Te Israel Tobolu Bidi Dabe 6:10 Referans Kwoze

Jeremaia 10:2

Agai te tiwai po obao, “Dagego te gasa tǫ pedai kantride bidibo hani dabego kolesaga wali pigimio. Augwaligo te gasagi yai nai te dagalude pedalubo sulama, te augwa wi mu yaibao. Tialima, dage da, wi me elamuo. Menio.

Jeremaia 9:13

Tama Genuai Bidigo te tama po wei ponani, “Te sę page e tiwai dao. Te we bidi augwaligo eno augwaliba mani bomo yai po wali pisąma, tama augwa eno po sela sąwani, tama eno augwaliba ola mani sunumidu te augwali pabeo.

Jeremaia 43:7

tama augwa tigidali te Isipba odasa pali. Te tama tiali kolesagade augwaligo te Genuai Bidigo po sela sąwai. Tialima, augwali pelama, te taun Tapanesba sabolali, te tǫ kantri Isip dao.

Jeremaia 43:4

Augwaligo te tama po olama, te Johanan, me gasa ofisa dabego, me te tigidali we bidigo te Genuai Bidigo po sela sąnama, augwali te Juda tǫde bidibeo. Menio.

Jeremaia 42:21

Megi naga te Genuai Bidi dagego Godigo pusali po tigidali, eno te po dageba mao walio. Tialima, dagego te po wali me pabe dao.

Jeremaia 3:25

“God, Genuai Bidi, da me, dena wąį nǫų dabe dali, dago te nageba dwai sę yai, te da gesi ogwa bidide digi usu nama, megi sogoba usu nagasobao. Dago nago po wali me pisąwai. Tama tiyu, da dwai hale mu selama, te gesabidi tǫba mu mugulaibao,” wai.

Jeremaia 3:13

Israel, nago te tiwai po dolasa hanilama pusao, “Eno te dwai sę yai da,” po wao. “Eno God, nage ena Genuai Bidiba hagoma yali, te ena tigidali genuai ni dologoba pelama, te tibo god dali dwai kolesaga yali. Te eno nago po sela sąwani.” Israel, ena Genuai Bidigo, eno te po nageba mobao,’” wali.

Te Israel Tobolu Bidi Dabe 2:2

Tama tialima, dagego te tǫde bidalubo bidi dabe dali te po dau me waidali weyu, te eno habu selebao. Dagego te augwaligo alta dabe aluama dolao,’ eno te po wai. Tiali goli, dagego te eno dagebolo igio wali te sę munu me elamuo. Menio. Dagego te gasagi yai sę mu yalio!

Hibru 5:9

Te tama tialigo aga te usu mu ilama, tama aga te we bidi ma dobola sabo bidi pedalama, tama agai po wali pabo we bidi tigidali ma siyu, augwali bugagia bidada peyu, bidada pabo bidi dao.

Polgo Po Pas Rom Dabeba Asęani 10:16

Tiali goli, te Juda dabe tigidaligo te wiegi yai gesi po selama wali me pabeo. Te polobadu bidali bidi nogi Aisaia, aga Godigo po pusali profet bidi bidali. Tama te aga dali bidali bagego yali kolesaga te megi bidibo bidi dabego ebo kolesaga tiwai yai dao. Tama tede dwai homu eyu, te Aisaiago te po asęani, “Genuai Bidi, dago te nago po augwalibolo pusali. Tiali goli, augwaligo te po odaliwe ma meniwe, te eno konebeo,” te po asęani.

Sefanaia 3:2

Augwaligo bidi dabego po odisąwai, awe, augwaligo Genuai Bidigo po me odai menio. Tama augwaligo Genuai Bidigo augwali dodolomainu homu ebo hagela yai dao. Tama augwaligo agaba homu dąų olama, tama augwaligo Genuai Bidigo augwali tau somainu me hanalu wai menio.

Bugagia Bidibo Kolesagade Po Asęai Buku 5:13

Eno te ena tisa dabego po wali me pabeo. Te mobo mani bagego po te eno odobeo.

Te Israel me Juda Hani Sigo Tuni Bidigo Po Elalubo Buku Si 17:33

Tama me te augwaligo Genuai Bidi dolo lotu po mu wabo kolesaga me, tama me te augwa page bulude polobadu bidiyu yali kolesagadu wali peyu, tama augwaligo te augwa tibo god dolo lotu po weyu yali, te tedali kolesaga si talua si yali.

Josua 24:15

Tiali goli, dagego te Genuai Bidiba lotu wabo hagela homu ebaso da, teda dagego bugagia homu kone palao. Te dagego lotu po debolo waibawe? Te duga wąįgo te Mesopotemiade te tibo godiba lotu wali te Godiba lotu po waibawe? Ma, te Amor dabego tibo god, te megi te dage te bidibo tǫde te Godiba lotu waibawe? Tiali goli, ena, te ena we wai sibi dali, te dago da te Genuai Bidiba naga lotu po waibao,” Josuago te po wai.

Te Israel Tobolu Bidi Dabe 6:9

Eno dage te Isip dabego nogode ma dobola selama tialigo tama e tǫde te bidi dabego dage dali te boi hwįani. Te dage asali sogo, te eno augwali ela gudulai. Tama augwaligo tǫ te eno dagebolo mawai dao.

Te Israel me Juda Hani Sigo Tuni Bidigo Po Elalubo Buku Si 17:7

Te tama sęgę te Israel hani augwali tigide pedalali, magi baso meni, augwaligo te Godigo gedude augwaligo sęgę sabo dwai kolesaga yali, augwa Genuai Bidi. Augwaligo te homu ebe, augwa wąį nǫų dabe te augwali te Isip king bidi nogode ma sali augwaligo te konebe. Meni. Israel hani augwaligo te tibo god dolo lotu po wabo sę yali,

Ma Dobola Sali 34:12

Tama dua bugagia, te dagego megi painogo ebo te bulu tǫde bidibo bidi dabe dali te abagi nami bidabo bomai po munu me dąų wagimio. Tiyu, augwaligo ebo kolesagaba dage kekelama, tama dage tulaluama, tama dage tigidali dolabuo.

Ma Dobola Sali 34:14

“Ena Genuai Bidi, tama dagego ena deliba naga lotu po wao. Dagego te tibo godiba lotu po me wagimio. Magi baso meni, te tibo god me deligo ena bidibo hasegelainogo ebaso, te eno aga me gogologobeo. Tede ena sębę mu yaibao.

Te Israel me Juda Hani Sigo Tuni Bidigo Po Elalubo Buku Si 17:13

Tama te Genuai Bidigo te profet bidi dabe me te nosali pedalubo sę koneai bidi dabe me augwali te Israel haniba me, me te Juda haniba me tagala palali, tama augwalibolo bomai po e tama wali, “Dagego kolesaga begelama, tama dagego te dwai kolesaga ebo sę tagalama, tama dagego te tigidali bomai po te eno po odama wali pao,” wali. “Te bomai po dabe me te eno te dagego wąį nǫųbolo mawai po dao, tama te po dabe te eno sę ebo bidi dabego eno ola mobaso, augwaligo pedauwalidu pusai dao, te bage te profet bidi dabe dao,” te po wali.

Nehemia 9:29

“Nago po bomo elama augwaliba weyu, te nago bomai po wali pomainu yali. Tiali goli, augwaligo hagoma eyu, tama augwaligo nago bomo yai poba tudi ola mawai. Augwaligo koneani, augwaligo te bomo yai po wali pobaso da, te augwali bugagia bidimainu yai. Tiali goli, augwaligo tobolu te dila pelama, tama augwaligo tabi haliga te dagana sali, tama tiyu te augwaligo nago po wali me pisąwai dao.

Jeremaia 17:23

Tialima, duga wąį nǫų dabego eno po me odama, wali me pabeo. Menio. Augwa hagoma naga eyu, tama augwa te eno wiegi yai kolesaga ola mabo hagela homu yai dao.