Te Israel Tobolu Bidi Dabe 5:4 - Godigo dwagi yai po buku

⁴ “Genuai Bidi, nago te Seir bulu du dabe taga solama, te Idomgo bulu taga soyu, tama aiyaba dulai, tialima te tǫ mali eyu, tama te tulubage tulali. Mu tama tiali, te wę dagaludu dulalio.

Te Israel Tobolu Bidi Dabe 5:4 Referans Kwoze

Bomai Po 33:2

Agai te po wali, “Genuai Bidi Sainai bulu dude bidama asali. Aga te Idom bulu ugwadu te giliga tiwai asali, tama agai ula te Paran bulu dude elaluali, tama te ula aga we bidiba ula yali. Te ensel sibi tausen hauwa aga dali bidali, tama agai dolo nogo badu isi bogoli genuai mu iduali.

2 Samuel 22:8

“Tialima, Genuai Bidigo te eno boi bidi dabeba wado yali. Tama tiyu, agai te tǫ mali dwai mu ilibaso, tama te bulu du dabe me dagalu te aiyǫge page mu yalio.

Godigo Nogi Ugwaba Sabo Tęąbi Po Wabo Buku Dabe 77:17

Genuai tulubage mu tuluyu, tama pǫ bomonama kulukulu weyu, tama te pǫgo be sele ula edaba asiyu, uba peyu yai.

Jopgo Po Asęani Elalubo Buku 9:6

Agai te tǫ dąų walalubo nai mumunu baso, tama te tǫ mali genina mu emainu ebo dao.

Hibru 12:26

Tama polobadu Godigo pedauwalide tǫ mali ilai. Tiali goli megi agai dabolo e dąų wali po walio, “Te eno tǫ deli sogo ma mali ilaibao. Tama tǫ naga me tegobeo. Te eno tǫ de dagalu dali si mali ilaibao.”

Godigo Nogi Ugwaba Sabo Tęąbi Po Wabo Buku Dabe 68:9

God, nago te moni tulubage te naga tǫba tulumainu elama, tama nago te e tǫ dwali te wiegi yai ma pedalumainu ilai dao.

Godigo Nogi Ugwaba Sabo Tęąbi Po Wabo Buku Dabe 77:18

Nago te pǫ te popoge ebo wali tomode kulukulu omainu ilali. Te pǫgo be sele eyu, ula ebo te tigidali tǫ pedaiba ula yali, tama tǫ aga digi te mumunu mumunu yai.

Tigidali Nai Gagalama Nigali Side 32:4

Tama agai augwalibolo te po sela pomainu ola mani, “Ena Jekop dao, ena te nago sę bidi dao. Eno ama Iso, nage da eno genuai bidi dao, te ena Laban dali osogo bidigi pai goli, tama ena bobage sogo tede bidama, tama megi ena ma asainogo ebao.

Aisaia 63:19

Tama megi da, da we bidi hobedagia mu bidibo tiwai ebao, polobadu nago tonalu, tolalusąwai tiwai bidibao. Tama da hani dabe te nago nogi augwalide musiąwai bage tiwai bidibao.

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.