Te Israel Tobolu Bidi Dabe 5:11 - Godigo dwagi yai po buku

¹¹ Odiąo! Te wę uluba sisinama, te po hauwa miani we bidi hani augwaligo te Genuai Bidigo nogi ugwanu sali po pusao, augwaligo te Israel bidi dabego ugaba ela holali po pusao wali! Tama te Genuai Bidigo we bidi augwaligo te hanu tagalama, tama augwali aiyaba dulai.

Te Israel Tobolu Bidi Dabe 5:11 Referans Kwoze

Maika 6:5

Eno we bidi dabeo, te dwai sę te polobadu Balak te Moap kingo te dageba dwai sę yainu yali, te homugo koneao,” wali. “Te Balam, te Beorgo ogwago wali po, te Balakbolo wei ponani po, te homu kone ma palao. Tama eno yali genuai sę tigidali me te homu koneao, te bulu Sitim dagego tagalama, te bulu Gilgalba sobadi, te sę yali. Dagego te eno sę yali dabe koneao, tialima, te eno dage tau siyu yali sę dabe, te dagego ma koneao,” God Genuai Bidigo te po megi obao.

1 Samuel 12:7

Tialima, dagego olo bugagia munama odalubadi, tama eno dage te Genuai Bidi gedude po tų ilaibao. Eno dagebolo te po obao, te Genuai Bidigo bomai sę elama, te dage me ma siyu, te duga wąį nǫų dabe me ma sai dao.

Te Israel Tobolu Bidi Dabe 5:8

Tama te Israel dabego te gesi god wali pabo sogo, te augwaliba boi hwįbo sę pedelali. Te Israel dabego boi hwįbo ami bidi dabe te bidi sese hauwa mu te 40,000 bidi dabe, tiali goli me deligo te boi hwįabo sabele me sesemone me me sela pabeo.

Te We Bidi Dabego Jerusalem Hagede Gela Wali 5:9

Da dolabo bidi dabe, augwali dago kantride bida bida pobao. Tama da nai gegegi painu pabode da, augwaligo da ela muainu tonalubo dao.

Te We Bidi Dabego Jerusalem Hagede Gela Wali 5:4

Polobadu da, te isi dabe me te ąį dabe te dena nai dabe elalualio. Tiali goli, megi da, dago te ąį me isi sainogo da, teda dago abeliyu naga ebao.

Jeremaia 7:2

“Nage pelama, ena Genuai Bidigo tempel be sunumiba doligi pelama, tama eno po te enaba lotu wagi soyu tomoba soabo te Juda dabeba pusao. Nago augwaliba te po weyu, ena Genuai Bidigo poba olo bugagia muao po wao. Eno po e tiwai dao.

Aisaia 28:6

Genuai Bidigo te po tų odobo bidi dabebolo wiegi yai kolesaga menama, tama augwaligo po tų bugagia osola sueibao. Tama agai te hanude ami bidi dabe bomo mawaibao. Tama augwaligo te boi bidi dabe te hanu tomoba we bidi dabe dali hwįagasomainu sula tagalogobeo.

Aisaia 12:3

Tǫ dedagede wę sia sabo menio. Agai te wę te nai dabebolo mabo dao. Tama augwali bugagia bidibo dao. Genuai Bidi te sia sisąbo wę tiwai dao. Tigidali sogo agai dage tau sabode dage bugagia dąų olama, bidimainu ebo dao. Tama tibaso, dage agaba wiegi yai homu dali pelama, tama Genuai Bidibolo dage tau somainu hanalugi paibao.

Jopgo Po Asęani Elalubo Buku 29:7

“Awe, te sogo polobadu ena te genuai hanude genuai bidi bidiyu, tama ena te hanu tomoba tola pabo sunumide genuai tobolu bidi dabe dali genuai pesageba sisinigi pelama, po tų odai dao.

Bomai Po 22:24

teda dagego augwali si te hanu bulu badu odasa pelama, masigigo elama, isilao, te augwali si isimainao. Te we aga te hanu pąde te gela wabo odabo pąde goli, tama agai augwaligo aga tau somainogo hae wasiąama ebaso da, teda aga isimainao. Te bidi me isimainao. Magi baso meni, agai te aga abagi mebolo odolai we penani yai baso. Te tama tiyu da, dagego te dage Israel tomode elaluali dwai kolesaga ebo sela sąwaibao,” wali.

Godigo Nogi Ugwaba Sabo Tęąbi Po Wabo Buku Dabe 145:7

Te augwaligo nago wiegi yai kolesaga hauwa ebo po pusuyu, tama nago olo mu tau sabo kolesaga po olama, wiegi yai homu pemene eyu, balia po waibao.

Tigidali Nai Gagalama Nigali Side 24:11

Aga digibulu pelama, teba sabolama, tama agai te kamel dabe te wę ulu pąde te bulu sesege badu pila mumainu yalio. Agai tama tiali, te we dabe augwaligo te wę tuagasobo sogo te be pio ebadi dao.

Tigidali Nai Gagalama Nigali Side 29:2

Aga doligi pelama, tonono bilibadi, tama te nosai elalubo moni tǫde agai te kibu sipsip hani sela te wę ulu me deli tubo madi pąde pila mubo hania suali. Te sipsip kibu hani augwaligo te ulu wę tubo da, tama te ulu wę dedage palibo genuai masigi elaluali.

Tigidali Nai Gagalama Nigali Side 29:3

Tama te tigidali kibu sipsip hani sisinagasa silai madi, tama te kibu tonalubo bidi dabego te ulu wę panialuali genuai masigi dagala sąnama, tama augwaligo te sipsip dabe wę mayu yai. Tama te kibu sipsip dabego wę tula silibo si, tama te kibu sipsip tonalubo bidi dabego te wę ulu palibo madi teba ma paliyu yai.

Bomai Po 33:21

Te Israel hani tobolu bidi dabego tǫ dobola sainogo sisinibo sogo, te Gat hani augwa digi augwa sabo tǫ genuai bage wiegi yai me dąį elama sali. Te wiegi yai tǫ dage me deli te Gat hanigo sali. Tama augwaligo Genuai Bidigo po me bomai po bugagia wali pali,” Mosesgo te po wali.

Te Israel Tobolu Bidi Dabe 11:40

Augwaligo te tama tiwai kolesaga ebo dao: te Israel wegi ogwa we dabe te augwa pesage taga solama, tama te Jeptago wegi isaide te gela wagisu diligi pabo dao, te Gileat bidi, te tigidali kibu be usu nama, te tomode te me si me si tama sogo te tiwai sę ebo dao.

Godigo Nogi Ugwaba Sabo Tęąbi Po Wabo Buku Dabe 71:15

Te eno te we bidi augwaliba te nago doloba pai kolesaga ebo po te pusaibao. Eno te nago ebo sę page tigidali te bugagia konesiąbadi digi, tiali goli tagalao, te tigidali side eno te augwaliba weyu, te nago ena ma sali po waibao.