Te Israel Tobolu Bidi Dabe 4:17 - Godigo dwagi yai po buku

¹⁷ Sisera wi peyu, te Hebergo we Jaelgo ugwa beba wi duala sigi pali, te Kengo haniba, magi baso meni, Jabin, te Hasor gavman tuni bidi, agai te Hebergo hani dabe dali abagi olama bidali.

Te Israel Tobolu Bidi Dabe 4:17 Referans Kwoze

Aisaia 57:21

Eno Godigo te tama po wali, “Te dwai kolesaga ebo we bidi dabe, te augwa bugagia bidabo wiegi yai sogo me elalugobeo,” wali.

Godigo Nogi Ugwaba Sabo Tęąbi Po Wabo Buku Dabe 69:22

Tialima, nosali augwali te genuai nai tuboba sisinani sogo, eno homugo tego augwali dolomainu yao. Tama augwaligo te ofa me nai dabe sesebaso da, teda tego te augwali tulaluama, hagamainu emainao.

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

Godigo Nogi Ugwaba Sabo Tęąbi Po Wabo Buku Dabe 107:40

Genuai Bidigo te boi bidi dabego tobolu bidi dabe te olo nai tiwai naga pedalumainu elama, tama agai augwali te wa pai bulude te sunumi meni yai madi bilalumainu yalio.

Te Israel Tobolu Bidi Dabe 5:24

“Jael, te Hebergo we, te Kengo hanide, te wiegi yai homu pemene emainao. Te agai wiegi yai homu pemene ebogo te gasa te ugwa bede bidalubo we dabego ebo homu pemene te aiyaba elalumainao.

Te Israel Tobolu Bidi Dabe 5:6

“Te Samgar, te Anatgo ogwa bidali sogo me, tama te Jael bidali sogo te bisnis sę ebo bidi dabe te genuai sunumidu me bilibeo. Te iba soyu, obaba soyu ebo bidi dabe, augwali te dwasianu sunumidu naga bilaluali.

Te Israel Tobolu Bidi Dabe 4:16

Barakgo te karis dabe me te ami bidi dabe dali pobeasa pidubadi, te Haroset Hagoim teba tagaligi pali. Tama Barakgo ami bidi dabego te Siserago ami bidi dabe tigidali ela silali. Te deli digi me bidibeo.

Te Israel Tobolu Bidi Dabe 4:18

Tama Jael pelama, Sisera subaso, tama agai Siserabolo te po wai, “Genuai bidi, be tomoba asao,” wali. “Nage eno ugwa be tomoba asao,” wali. “Nage wi me elamuo.” Tama Sisera te ugwa be tomoba pelama, tama Jaelgo aga te ugwa blanket ugwa me deligo geme dologoba dualali.

Amos 2:16

Tama te eno po tų ebo side, te wi munu me isąwani ami bidi dabe me, te augwa boi hwįbo doado bage kidilama, olo tama wi paibao. Ena Genuai Bidigo eno te po wai dao.”