Te Israel Tobolu Bidi Dabe 3:9 - Godigo dwagi yai po buku

⁹ Tama te Israel dabe augwaligo Genuai Bidiba gela obaso, tama Genuai Bidigo te bidi me deli sa munama, te augwali te gavman tuni bidigo bomo dologode bidibo tagalumainu yali. Te bidi aga te Otniel aga te hwįbo madiba pelama, tama Genuai Bidigo te bidigo te Mesopotemia gavman tuni bidi aiyaba elalumainu ilali.

Te Israel Tobolu Bidi Dabe 3:9 Referans Kwoze

Te Israel Tobolu Bidi Dabe 3:15

Tialima, te Israel dabe augwaligo Genuai Bidiba gela obaso, tama agai bidi me deli augwali te boi bidigo nogode bidibo tagalumainu sa muani. Te bidi aga nogi te Ehut, aga te pobase nogo yai bidi, tama te Benjamingo hanide te Gerago ogwa dao. Tama te Israel dabego te gavman tuni bidi Eklon te wiegi yai homu ilibo nai tolali, te Moap gavman bidi bidai, tama te nai te Ehutgo sela pali.

Te Israel Tobolu Bidi Dabe 1:13

Tama Otniel, te Kenasgo ogwa, te Kenas da te Kalepgo dwasianu amanu, agai te hanu sigi pali. Tama tibaso, Kalepgo aga wegi Aksa te Otniel menama, tama agai sali.

Te Israel Tobolu Bidi Dabe 10:10

Tialima, te Israel dabego Genuai Bidiba i weyu, tama augwaligo te po wali, “Dago dwai sę nagebolo yali, magi baso meni, dago nage tagalali, te dago God nage dago tagalama, tama dago te Balba lotu wali.” Augwaligo te po wali.

Te Israel Tobolu Bidi Dabe 6:7

Te Midian dabego te Israel dabe augwali dolali sogo, teda te Israel dabego te augwa Genuai Bidiba gela weyu, te augwali tau sao wali.

Godigo Nogi Ugwaba Sabo Tęąbi Po Wabo Buku Dabe 22:5

Augwaligo nageba i weyu, gedu haluasa po obaso, tama nago augwali te boi bidi dabego nogode ma dobola sai. Awe, augwaligo konealubo homu nageba dąų wali, tama augwa te konealubo homu dąų wali te odolali me hagagobeo.

Te Israel Tobolu Bidi Dabe 4:3

Jabin agai hwįbo nai te bidi sese hauwa 900 te karis ain elaluai. Tama agai te Israel dabe dodolama mu tolaluali, tama augwali subigila eliyu, tama doliyu idubadi, te kibu be bidi sese deli bidai. Tama te Israel dabe augwali tau somainu te Genuai Bidiba gela wali.

Te Israel Tobolu Bidi Dabe 2:16

Megi da, Genuai Bidigo te Israel dabebolo te bomo yai tobolu bidi meba mani. Te tobolu bidi dabego te Israel dabe tau selama, tama te hwįbo boi bidi dabe, me te doado bage wi sagasobo bidi dabego nogode ma dobola sali.

Godigo Nogi Ugwaba Sabo Tęąbi Po Wabo Buku Dabe 78:34

Te Godigo meba ela mubo sogo, te gasa bage ge neyu, augwa homu begelama, tama agaba ma begasa aselama, tama agaba gedu haluasa po bomonama walio.

Nehemia 9:27

Tama tibaso, nago augwali gogolama sula tagaliyu, te boi bidi dabego augwaliba boi hwįagasomainu elama, tama augwali aiyaba elaluama, tama augwaliba dwai sę ilali. Tiali goli, nosali te bulali wąį nǫų dabego nageba hanalu, te augwali tau sao olama, i wali. Tama nage te dagalude bidiyu, tama augwaligo gela wabo nago odali, tama nago te olo tau sabo wiegi yai kolesaga augwaliba umabo mu elama, tama nago te bidi meba augwaliba tagala palama, te boi bidi dabe sela sąmainogo yai dao.”

1 Samuel 12:10

Tama tiyu, te nǫų wąį dabego te Genuai Bidiba gedu haluasa po wabo bomonama weyu, te augwali tau somainu yali. Augwaligo agabolo te tiwai po wali, ‘Genuai Bidio, dago nage tudiba munama, tama dago te tibo god Balba me te Astarte dabeba lotu po weyu yali. Tama tiyu, dago sęgę salio. Megi dago nageba hanalu obao, te nago da te boi bidi dabego nogode ma dobola sobaso da, te dago nageba lotu weyu, tama nage deli naga wali asaibao,’ augwaligo te po wali.

Josua 15:17

Tama Otniel, te Kenasgo ogwa, te Kalepgo amago ogwa, te hanuba hwįgi pelama, te bulu bidi dabe aiyaba elaluama, te hanu sali, tama Kalepgo wegi Aksa te agaba menama, tama agai sali.

Te Israel Tobolu Bidi Dabe 3:8

Tama Genuai Bidigo te Israel dabe dali wado po olama, tama agai te gavman tuni bidi Kusan Risataim te Mesopotemia bulu bidi asomainu elama, te augwali aiyaba elaluali. Te Israel dabe augwali te gavman tuni bidi Kusan Risataim tego bomo dologode bididubadi, te kibu be a naga olama, me badu sela bidai.

Te Israel Tobolu Bidi Dabe 2:18

Tigidali sogo Genuai Bidigo te Israel dabego tobolu bidi me deli sa muani, te agai tonalua pidubadi, te aga isiboba usu niyu yali. Tama te tobolu bidi dabego te Israel dabe tau siyu, te boi bidi dabe aiyaba elaluali. Genuai Bidigo te augwali homu dene eyu, tau sali, magi baso meni, augwali te augwa yali sęde dene me sęgę te boi bidigo nogode siyu, gela weyu yali.