Te Israel Tobolu Bidi Dabe 3:8 - Godigo dwagi yai po buku

⁸ Tama Genuai Bidigo te Israel dabe dali wado po olama, tama agai te gavman tuni bidi Kusan Risataim te Mesopotemia bulu bidi asomainu elama, te augwali aiyaba elaluali. Te Israel dabe augwali te gavman tuni bidi Kusan Risataim tego bomo dologode bididubadi, te kibu be a naga olama, me badu sela bidai.

Te Israel Tobolu Bidi Dabe 3:8 Referans Kwoze

Te Israel Tobolu Bidi Dabe 2:14

Tama Genuai Bidigo sębę eyu, tama dwai homu mu elama, tama agai te hwįbo boi bidi dabe me, te nai wi sabo bidi me te aselama, te Israel dabe dali hwįagasomainu ilali, tama augwaligo doado bage dabe me wi sagasomainu yali. Tama Genuai Bidigo te bidalubo boi bidi dabego te augwali aiyaba elalumainu ilali. Tama te Israel dabe augwali bomo elama, dolalu hwįaiyu ebo usu me isiąwai dao.

Habakuk 3:7

Te tǫ kantri Kusan name ugwa be dabe eno suali, te mu dolai elaluali. Te Midian dabego ugwa be dabe te degasa pai elalua palio.

Te Israel Tobolu Bidi Dabe 4:9

Tama Deborago po wei ponoyu, te tiwai po wali, “Tialima, te ena nage dali pelama, tama nago te wąbi hwįbo bomogo te aiyaba elaluaibao. Tiali goli, te nago naga genuai nogi ugwaba me sogobeo, magi baso meni, Genuai Bidigo te hwįbo tobolu bidi Sisera te we me deligo nogoba mawaibao,” wali. Tialima, Debora hogodama, tama Barak dali te bulu Kedesba pali.

Polgo Po Pas Rom Dabeba Asęani 7:14

Dago koneani, te bomai pode te Godigo Tedali Mobo Bidigo te Godigo homu kolesaga dabolo ola mabo dao. Tiali goli ena, eno poloba homu me elaluyu tama te homu ena wali pabo dao. Te dwai sę ebogo ena kalabus ilama tama eno agade sę iduai dao.

Aisaia 50:1

Genuai Bidigo te Israel we bidi dabeba te tiwai po wali, “Taun Jerusalem te duga ida tiwai elalubao. Dagego homugo eno aga tudiba mubao homu eyu, te bidigo we sabo kolesaga bolama, te sai we mu sela sąbo tiwai homu eba, agawe? Te dagego tama homu ebaso da, teda te tama po wali pepa mena elalubawe, eno aga mu sela sąwaniwe? Tama me, te eno bidi me delide negeli sali me elalubeo. Te tama homu dagego magi baso ebawe, eno wai dabe eno dage te gasa bidi dabeba te olo sę ebo bidi tiwai ilama, tagala paliyu, eno te negeli sali dodolabo mone saliwe? Mu menio. Te dagego dwai sę hauwa ena haliga sębę ilibaso, eno te Jerusalem tudiba munama, tama eno dage te gasa bidi dabego nogoba muai dao.”

Godigo Nogi Ugwaba Sabo Tęąbi Po Wabo Buku Dabe 85:3

Polobadu nago daba wado yali, tiali goli, megi nago wado po ma wabeo. Mu tama, nago daba haliga sębę yali, tiali goli megi da, menio wali.

Godigo Nogi Ugwaba Sabo Tęąbi Po Wabo Buku Dabe 6:1

Genuai Bidi, nago wado yabo homu elalubao, tiali goli nago enaba wado po me wagio. Nago haliga sębę yali, tiali goli nago enaba dene me magio.

1 Samuel 12:9

“Tiali goli, te we bidi augwaligo te dago Genuai Bidi te homugo gegeda palali. Tama tibaso, agai te Moap hani king bidi asomainu ilama, tama augwaliba te boi hwįagaselama, tama augwali aiyaba elaluali. Tama gasa sogo me agai te Sisera, te Hasor genuai taun ami bidi dabego polalubo kepten bidi asomainu ilali. Tama me sogo te Filistia dabe asali.

Te Israel Tobolu Bidi Dabe 2:20

Tama tibaso, Genuai Bidigo te dwai sębę mu te Israel dabe dali eyu, tama wado yali, tama agai te po wali, “Te we bidi augwaligo te augwa wąį dabebolo wali pao wali te dau wali po bolali. Te augwaligo eno po wali me pisąbaso,

Bomai Po 32:30

Magi baso mu boi bidi dabe deli deligo te 1,000 Israel dabe dolama tagalaliwe? Tama ma, magi baso te boi bidi sigo te 10,000 Israel dabe aiyaba elalualiwe? Te po page da e tama dao. Te augwa Genuai Bidi Godigo augwali hagela polo yali. Augwa bomai Godigo augwali tudi ola mani.

Bomai Po 29:20

Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.

Ma Dobola Sali 22:24

Tama eno sębę eyu, tama te boi bidi dabego dage dali hwįmainogo ilama, tama dage elemainogo yaibao. Tama dagego we dabe te bidi meni eyu, tama te dagego wai dabe augwaligo aya meni yaibao.”

Te Israel Tobolu Bidi Dabe 3:7

Te Israel dabego te augwa Genuai Bidi, te God te augwaligo homugo konesiąyu gegeda palali. Augwaligo dwai sę eyu, tama augwaligo te god Bal dali, te god we Astarte, te god dabe siba lotu wali.

Te Israel Tobolu Bidi Dabe 3:9

Tama te Israel dabe augwaligo Genuai Bidiba gela obaso, tama Genuai Bidigo te bidi me deli sa munama, te augwali te gavman tuni bidigo bomo dologode bidibo tagalumainu yali. Te bidi aga te Otniel aga te hwįbo madiba pelama, tama Genuai Bidigo te bidigo te Mesopotemia gavman tuni bidi aiyaba elalumainu ilali.

Te Israel Tobolu Bidi Dabe 3:10

Tama Genuai Bidigo Mobo Bidi te Otnielba asama, tama aga te Israel dabego tobolu bidi pedelali. Tama Otnielgo te Mesopotemia gavman tuni bidi dali hwįgi pelama, tama Genuai Bidigo aga tau selama, tama agai augwali aiyaba elaluali.

Godigo Nogi Ugwaba Sabo Tęąbi Po Wabo Buku Dabe 44:12

Nago te naga we bidi te gasa haniba tagala palama, tama nago augwalide dwasianu mone mu sai. Nago te augwalide gasa ugwadu daganobo profit mone me sabeo.

Godigo Nogi Ugwaba Sabo Tęąbi Po Wabo Buku Dabe 129:1

Israel, nago dabolo te boi bidi dabego nage dwai mu ilibo sę ebo po pusali, te nage gesi bidide gagalasa, megiba te usu nagasobao.

Tigidali Nai Gagalama Nigali Side 24:10

Tama sę ebo bidigo te Abrahamgo te nogo si kibu kamel me te maiabo wiegi yai nai hauwa sali. Tama agai te tigidali doado bage sisi ilama, tama te Nahor bidibo bulu te Mesopotemia teba palio.

Pris Sę Ebo Bomai Po 26:17

Te ena digi eno dageba boi bidi yaibao, tama eno te gasa bidi dabego dageba boi hwįagasomainogo elama, te dage aiyaba elalumainogo ilaibao. Tama te bidi dabego dage dali dwai homu mu eyu, augwaligo dage tonalubo sę yaibao. Te boi bidi dabego dage pobeasa asisąbadi goli tagalao, te duga digi odolali wi elama, te wi paibao,” wali.

Godigo Nogi Ugwaba Sabo Tęąbi Po Wabo Buku Dabe 106:41

Tama agai augwali tagalama, te gasa hanigo augwali tonalumainu yali. Tama tiyu, augwali te boi bidi dabego dologode bidiyu, tama te boi bidi dabego nogode bidai dao.