Te Israel Tobolu Bidi Dabe 3:7 - Godigo dwagi yai po buku

⁷ Te Israel dabego te augwa Genuai Bidi, te God te augwaligo homugo konesiąyu gegeda palali. Augwaligo dwai sę eyu, tama augwaligo te god Bal dali, te god we Astarte, te god dabe siba lotu wali.

Te Israel Tobolu Bidi Dabe 3:7 Referans Kwoze

Ma Dobola Sali 34:13

Menio. Dagego augwaligo te lotu wabo nai dabe dolao. Te alta dabe, me te pos masigi dabe te pepedelama, tama augwaligo tibo god we Asera piksa te ni dagede elalubo, te togolama sąyao.”

Te Israel me Juda Hani Sigo Tuni Bidigo Po Elalubo Buku Si 23:6

Tama agai te augwaligo te tibo god we Asera noma nigilama, te Genuai Bidigo tempel bede munaluali piksa noma me sela sąyani, tama augwaligo te Jerusalem bulu tagalama, tama te bulu me odogo te wę Kidron elalubo odogoba selasa pai. Tama te augwaligo siaba ulali. Tama te nosali augwaligo te sisi selama, tama augwaligo haluama, te pauda mu dolo nigali. Tama tilama, augwaligo te pauda selasa pelama, te taun Jerusalem bulude te olo we bidi dabe isali te pubulali gų pageba sąsą biligi pali. Magi baso meni, te Aseraba lotu po wabo nai te dwai dwai nai mu da, te ola momainogo tama tiali.

Tuni Bidi Dabego Po Elalubo Buku Si 33:19

Tama king Manasego meba po dabe te gasa buku mede elalubao. Augwaligo te Profet Dabego Po Bukude elalubao. Te bukude agai dwai dwai sę dabe yali te po dabe me pusuyu, me agai Genuai Bidibolo tudi ola mani po dabe me pusa elalubao, tama te bukude te lotu wali pesage po, me te tibo godiba lotu wali pesage, me god we Asera piksa noma, me agai nogogo nigali tibo god piksa dabe po me tede elalubao. Te aga digi tibo god nigilama lotu weyu yali po me te Profet Dabego Po Bukude te elalubao. Tama te bukugo agai homu begelama, tama aga digi aga aiyaba elaluali po me tede te bukude pusai dao. Tama me agai Godibolo gedu haluasa po obaso tama Godigo agai gedu haluasa po odali po dabe pusali po me te elalubao.

Tuni Bidi Dabego Po Elalubo Buku Si 33:3

Manasego e tiwai dwai kolesaga yali. Agai te tibo godigo lotu wabo pesage ma geselali, te polobadu aga aya Hesekiago dolai. Tama me agai te tibo god Balba lotu wabo alta me geselali. Tama me agai god we Aserago piksa noma geselali. Me ma agai ogwa dagalude hǫ dabeba lotu wayu yali.

Tuni Bidi Dabego Po Elalubo Buku Si 24:18

Tama king dali te Juda we bidi me Jerusalem we bidi augwaligo Genuai Bidi augwa wąįgo God tudi ola mani. Tama augwali Genuai Bidigo bede lotu po me wayu ebeo. Menio. Augwaligo tibo god dabeba lotu weyu, me god we Aserago piksaba lotu po weyu yali. Augwaligo te dwai sę Godigo gedude yali. Tama tibaso Godigo augwali dali sębę yali.

Tuni Bidi Dabego Po Elalubo Buku Si 15:16

Asago aga aua mosi Maka aga kingo ida sęde namba elaluali sela sąyani. Magi baso meni. Makago te tibo god we Asera piksa noma me deli nigai dao. Asago pode augwaligo te damua pai dwai piksa noma togolama, tama miminama, tama augwaligo sela pelama augwaligo te wę Kidrongo odogo malu buluba isi ulugi pali.

Te Israel me Juda Hani Sigo Tuni Bidigo Po Elalubo Buku Si 23:14

Tama te king Josaia agai te masigigo te pos nigali me, me te nigo pos nigilama te te tibo god we Asera noma piksa nigilama daganani pos ni dabe togolama, sąyani. Tama agai te isai bidi dili dabe selama, tama lotu po wabo pesagede subigila sąsą pali.

Te Israel me Juda Hani Sigo Tuni Bidigo Po Elalubo Buku Deli 18:19

Tialima, megi da, nago te Israel we bidi tigidaliba po ola tolama, te augwaligo ena te Karmel bulu duba tede da gesabidi sisinaibao. Tama nago te tibo god Balgo profet dabe 450 me, te tibo god we Aserago profet dabe 400 me sesao,” wali, “te tigidali te kwin we Jesebelgo augwali tonalu nai ula maduai dao,” Elaijago te po wai.

Te Israel me Juda Hani Sigo Tuni Bidigo Po Elalubo Buku Deli 16:33

Tama me te agai te tibo god we Asera piksa noma nigibo sę yai. Tama agai te tama tiali sęgęgo God, Israel hanigo Genuai Bidi, agai aga dali sębę mu yai. Te bidi Ahapgo sęgę umabo mu siyu, tama agai te sęgęgo te hasia pedali king dabego yali sęgę aiyaba elaluai.

Te Israel Tobolu Bidi Dabe 6:25

Te sogo hulide Genuai Bidigo Gideonbolo te po wai, “Nago te naga ayago bulmakau omai me deli sobadi, tama gasa bulmakau te kibu be 7 yai, te bulmakau me sao. Tama nago te naga ayago te tibo god Balba lotu wainu nigali te alta aluama dolao. Tama te pąde dolaluali, te tibo god we Asera aga noma piksa elalubo pos ni me te gelama, tama isi bagayao,” wali.

Te Israel Tobolu Bidi Dabe 3:12

Te Israel dabe augwaligo dwai sę Genuai Bidi dali ma yali. Tama tibaso, Genuai Bidigo te genuai bomo te Moap gavman tuni bidi Eklonbolo menama, tama agai te Israel dabe aiyaba elaluali.

Bomai Po 16:21

“Te dagego Genuai Bidi dago God agai alta nigibo sogo, dagego haniani ni pos togolama, tama te we god Aseraba lotu wabo pos dabe me tede bulamuo.

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Tuni Bidi Dabego Po Elalubo Buku Si 34:7

Aga te Israel dabego tigidali buluba biligi pelama, tama te alta dabe doliyu, me tibo god we Aserago piksa doliyu elama, tama meba tibo god dabe doliyu elama, tama te nai dabe haluama, mia sąnama, tama pauda gagalali. Tama me agai te wiegi yai denami hano holobo pauda ulubo alta aluama tagalali. Agai te sę silama, tama aga Jerusalemba ma pali.

Tuni Bidi Dabego Po Elalubo Buku Si 34:3

Te Josaia aga king bidibadi kibu be te 8 kibu be wabode, agai kibu be 15 elaluali, agai aga wąį king Devitgo Godiba lotu po wabo gagalali. Tama aga king bidibadi 12 kibu be ebode, agai tigidali sę bidi dabebolo olama, tigidali Juda me Jerusalem buluba pelama, augwali bolo tibo godiba lotu po wabo pesage, me god we Aserago piksa noma, me gasa tibo god piksa augwaligo nogogo nigai ni god, me aingo nigai god doligi pao po wali.

Te Israel Tobolu Bidi Dabe 3:8

Tama Genuai Bidigo te Israel dabe dali wado po olama, tama agai te gavman tuni bidi Kusan Risataim te Mesopotemia bulu bidi asomainu elama, te augwali aiyaba elaluali. Te Israel dabe augwali te gavman tuni bidi Kusan Risataim tego bomo dologode bididubadi, te kibu be a naga olama, me badu sela bidai.

Te Israel Tobolu Bidi Dabe 8:34

Augwaligo te God, te augwa Genuai Bidi, te homu kone munu ma palubeo, te augwali boi bidi dabego bagua selama tomode bidibadi te augwali tau selama, te boi bidi dabe aiyaba elaluali, te homu augwaligo ma kone palubeo.

1 Samuel 12:9

“Tiali goli, te we bidi augwaligo te dago Genuai Bidi te homugo gegeda palali. Tama tibaso, agai te Moap hani king bidi asomainu ilama, tama augwaliba te boi hwįagaselama, tama augwali aiyaba elaluali. Tama gasa sogo me agai te Sisera, te Hasor genuai taun ami bidi dabego polalubo kepten bidi asomainu ilali. Tama me sogo te Filistia dabe asali.

1 Samuel 12:10

Tama tiyu, te nǫų wąį dabego te Genuai Bidiba gedu haluasa po wabo bomonama weyu, te augwali tau somainu yali. Augwaligo agabolo te tiwai po wali, ‘Genuai Bidio, dago nage tudiba munama, tama dago te tibo god Balba me te Astarte dabeba lotu po weyu yali. Tama tiyu, dago sęgę salio. Megi dago nageba hanalu obao, te nago da te boi bidi dabego nogode ma dobola sobaso da, te dago nageba lotu weyu, tama nage deli naga wali asaibao,’ augwaligo te po wali.

Godigo Nogi Ugwaba Sabo Tęąbi Po Wabo Buku Dabe 106:7

Te Isipde te wąį nǫų dabego te nago yali genuai sę dabe te bugagia me konesiąwai. Nago augwali hauwa sogo tau sali, te nago augwali wei mu ebo homu te augwaligo koneai. Tiali goli, augwa te homu tagalu, tama augwali te nosa elaluali tamu ąįba sabolali sogo, augwa te nage Tigidali Bomo Elalubo Godiba hagoma yai dao.

Jeremaia 23:27

Augwaligo te augwaba digi te na yali po pusuyu, te augwaligo homugo te tebogo te eno we bidigo te enaba homu kone ebo kegeda paloba homu ebao, te polobadu augwa wąį nǫų dabego te tibo god Balba lotu weyu, te enaba homu konesiąwai tiwai yaibao homu ebo dao.

Bomai Po 8:11

Mosesgo po geninama weyu, te po wali, “Dagego bugagia tonaluiąwe, tiyu dagego God dago Genuai Bidi gegeda pidali weyu. Tiyu dagego Genuai Bidigo haniani bomai po eno dage megi mabo, te bomai po gegeda pidalio.

Bomai Po 8:14

teda dage dila pelama, tama hagoma homu elama, tama God dago Genuai Bidi gegeda pelamuo. Agai dage Isip bulude oda sai dao, te dage te olo sę ebo bidi bididuali pesagede.

Bomai Po 8:18

God dago Genuai Bidigo dage te nai dabe hauwa somainogo te bomo mabo dao. Dagego te sę me gegeda pelamo dao. Agai te tama tibo da, magi baso meni, agai dagego wąį dali te dąų wali te po wali peyu, tama tibo dao.

Te Israel Tobolu Bidi Dabe 8:33

Gideon isai madigi tama te Israel dabego Godiba lotu munu ma wabeo. Augwaligo te tibo god Balba naga lotu wali. Tama augwaligo te Balberit te augwa god elaluali.

Godigo Nogi Ugwaba Sabo Tęąbi Po Wabo Buku Dabe 106:35

Te Israel dabego te Godigo po odisąwani hani bagede we sali, tama augwaligo ebo dwai kolesaga wali palio.

Godigo Nogi Ugwaba Sabo Tęąbi Po Wabo Buku Dabe 106:36

Tama augwa te tibo godiba lotu obaso, tama tego te Godigo augwa dolomainu ilai dao.