Te Israel Tobolu Bidi Dabe 3:4 - Godigo dwagi yai po buku

⁴ Genuai Bidigo te hani dabe augwali bidalumainu elama, te Israel dabe dali te hwįbo usu somainu yali, te augwaligo agai bomai po wali pabowe naga koneainu yalio. Te bomai po dabe te Godigo te augwa wąį dabebolo mani, te Mosesgo nogode mawai dao.

Te Israel Tobolu Bidi Dabe 3:4 Referans Kwoze

1 Korin 11:19

Awe, eno koneani, te dage tomode te Godigo pode homu mu kęą pai we bidi augwali hania hanilama pedalomainogo eyu, te dage bidi mebago pode dwasianu tedela pabo kolesaga te me sogo pedalaibao. Te eno koneani.

Te Israel Tobolu Bidi Dabe 3:1

Genuai Bidigo te Israel hani tomode te gasa we bidi hani meba te Israel we bidi dabe tomode bidimainogo tagalali, te Kenan tǫde, magi baso meni, agai homugo te Kenan dabe dali moni boi hwįani sogo te boi hwįsiąwani Israel bage te augwaligo bomo te sogo usu sela suainu, te Genuai Bidigo tama tiali.

Te Israel Tobolu Bidi Dabe 2:22

Tama eno te boi bidigo te Israel dabe usu siyu, tama eno augwali suainogo te augwaligo eno po wali pabo te augwa wąį dabego yali kolesaga tiwai ebowe naga suainogo tiaibao,” wali.

Bomai Po 33:8

Tama agai Livai hani dabe kone palama, agai te po wali, “Genuai Bidi, te Livai dabe te augwali nago wiegi yai sę ebo bidi dabe dao. Tama nago augwali te masigi si mani, te nago homu kolesaga tiwai dabolo ola maiabo masigi si. Nago augwali te bulu Masade me Meribade nago augwaligo kolesaga usu selama, suai dao, tama augwaligo kolesaga doloba pai mu elalubo suai dao.

Bomai Po 8:2

Dagego bugagia mu kone paliąo, God dago Genuai Bidi aga polasa peyu, tama agai dage te bobobage sunumidu asali tau sai dao. Dage te nai meni yai kemi sane bulude dage te kibu be bidi sese si 40, te tama te bulude bilai dao. Tama Godigo haniani sęgę taga palai dao, te dage usu sela suyu, te dagego te tigidali bomai po wali pogowe ma meniwe elama suainogo tiai dao.

Ma Dobola Sali 15:25

Tama tibaso, Mosesgo gedu haluasa po bomonama, Genuai Bidibolo wali, tama Genuai Bidigo aga ni me deli ola mani. Tama Mosesgo selama, te węba sąwai, tama te wę wiegi yai pedelai, tama augwaligo tuabo usu yai. Te bulude Godigo te Israel bagebolo bomo yai po meba augwaligo te po wali pomainogo mawai, tama me agai augwali usu sela suali, te augwaligo aga wali asobowe naga suainogo yai.