Te Israel Tobolu Bidi Dabe 3:31 - Godigo dwagi yai po buku

³¹ Te Ehut tudi badu te gasa tobolu bidi me pedelali, te aga nogi Samgar da, te Anatgo ogwa dao. Agai te bidi sese bidi hauwa elali, te e tama bidi, 600 te Filistia bidi dabe te dwasianu te kibu bulmakau tonalubo ene sesemonego te bidi dabe ela silali. Tama te Israel dabe tau siyu, agai tama tiai dao.

Te Israel Tobolu Bidi Dabe 3:31 Referans Kwoze

Te Israel Tobolu Bidi Dabe 5:6

“Te Samgar, te Anatgo ogwa bidali sogo me, tama te Jael bidali sogo te bisnis sę ebo bidi dabe te genuai sunumidu me bilibeo. Te iba soyu, obaba soyu ebo bidi dabe, augwali te dwasianu sunumidu naga bilaluali.

1 Korin 1:17

Tama Kraisgo ena tagala palali te we bidi baptais emainogo tagala palobeo. Menio. Agai ena tagala palali eno te Godigo wiegi yai gesi po te we bidi augwalibolo pusumainogo tagala palali. Tama tiyu agai homugo eno te tǫde koneai bidi dabego wabo pogo agai gesi po page ola menamuo te homu yai. Te Krais aga te ni pedaide isibogo bomo eno dolidali weyu tama eno te tǫde koneai bidigo po pusubo kolesaga wali pabo meni.

1 Samuel 17:50

Tama tialima, Devitgo ugwaba ela holama, tama Goliat te masigi sąyabo nai dali masigi sigo naga ela muai dao. Aga te hwą bainat meni yai.

1 Samuel 17:47

Tama ede bidibo tigidali bidigo te tiwai ebo suyu, te Genuai Bidigo aga we bidi dabe te aga bomogo digi ma dobola sabo sueibao. Agai te hwįbo sesemone me bainat tolasa asobo bidigo bomogo te da ma dobola sogobeo. Mu menio. Genuai Bidigo digi te hwįbo aiyaba elaluama, tama agai dage tigidali te dago nogoba mawaibao,” te po wali.

Te Israel Tobolu Bidi Dabe 15:15

Tama agai te tamadi isali ogwa bidi donki me deligo penane dili sulama, tama te agai sali. Tama agai te penane diligo te bidi hauwa umabo te 1,000 bidi ela muai.

Te Israel Tobolu Bidi Dabe 5:8

Tama te Israel dabego te gesi god wali pabo sogo, te augwaliba boi hwįbo sę pedelali. Te Israel dabego boi hwįbo ami bidi dabe te bidi sese hauwa mu te 40,000 bidi dabe, tiali goli me deligo te boi hwįabo sabele me sesemone me me sela pabeo.

Te Israel Tobolu Bidi Dabe 2:16

Megi da, Genuai Bidigo te Israel dabebolo te bomo yai tobolu bidi meba mani. Te tobolu bidi dabego te Israel dabe tau selama, tama te hwįbo boi bidi dabe, me te doado bage wi sagasobo bidi dabego nogode ma dobola sali.

1 Samuel 4:1

Tama Samuelgo te Israel dabebolo te tigidali e sę ebo po obaso, augwaligo agai poba olo bugagia muani. Te sogo te Filistia dabego te Israel dabe dali boi hwįagasu asobaso, tama te Israel dabe hogodama, augwali dali te boi hwįgi pai. Tama te Israel dabe bidabo pesage te bulu Ebeneser te pąde nigilama bidali, tama te Filistia dabe bidabo pesage te hanu Afek pąde nigilama bidai.

Te Israel Tobolu Bidi Dabe 10:17

Nosali te Amon dabego ami bidi dabe sisinagaselama, tama augwa bidabo pesage te Gileatde nigali. Tama te Israel bidi dabe me sisinagaselama, tama augwa bidabo pesage te Mispa bulude nigalio.

Te Israel Tobolu Bidi Dabe 10:7

Tama tibaso, Genuai Bidigo te Israel dabe dali haliga sębę elama, tama agai te Filistia dabe me te Amon dabe aselama, te augwali dali boi hwįagaselama, te augwali aiyaba elalumainu ilali.

Te Israel Tobolu Bidi Dabe 4:1

Ehut isai madi tama Israel dabego te Genuai Bidi Godigo gedude dwai sę ma ilali.

Te Israel Tobolu Bidi Dabe 3:30

Tama te Israel dabego te sogo te Moap dabe aiyaba elaluai. Tama te tǫde te boi me hwįsiąbadi, te kibu be bidi sese me si me si, te 80 yia bidai.

1 Samuel 12:9

“Tiali goli, te we bidi augwaligo te dago Genuai Bidi te homugo gegeda palali. Tama tibaso, agai te Moap hani king bidi asomainu ilama, tama augwaliba te boi hwįagaselama, tama augwali aiyaba elaluali. Tama gasa sogo me agai te Sisera, te Hasor genuai taun ami bidi dabego polalubo kepten bidi asomainu ilali. Tama me sogo te Filistia dabe asali.

Te Israel Tobolu Bidi Dabe 10:11

Tama Genuai Bidigo te Israel dabebolo te tama po wali, “Polobadu te Isip dabe me, te Amor dabe, me te Amon dabe, me te Filistia dabe me,