Te Israel Tobolu Bidi Dabe 3:3 - Godigo dwagi yai po buku

³ Te e tama hani we bidi, te Godigo augwali bidimainu yali: te Filistia dabe a naga hanu, tama tigidali hanu te Kenan dabego me, te Saidon me, te Hivi dabego me, te bulu du Lebanonde bidali, tama te bulu du Balhermon te pelama, te Hamat Sunumi tulu mage si teba usu nigi pali.

Te Israel Tobolu Bidi Dabe 3:3 Referans Kwoze

Josua 13:3

te tǫ te dwasianu wę Sihor te Isip tǫ sesede elalubo, tedu gagalasa, te palio olama, te Eklon tǫ bogo baduba dąį igi pelama, hasia bolo te Kenan dabe bidaluai madi. Te Filistia dabe tonalubo bidi dabe te bulu Gasade me, te Asdot, me te Askelon, me Gat, me Eklon, me tama te Av dabego moni tǫ te giliga dega sabo bogo badu elalubao.

Josua 13:5

Te Gebal bulu bidi hani dabego tǫ, te tigidali Lebanon tedu pelama, te sia ge pedalubo badu dąį igi pali, te Balgat sesegede te Hermon bulu du pąde, tedu te bulu du baguali madiba pelama, usu nigi pali, te bulu augwaligo Hamat nogi yai,” wali.

1 Samuel 29:2

Te Filistia a naga king dabego te augwa ami dabe te 100 bidi me 1,000 bidi hani bubugulu pelama, tama te ami bidi dabe te hwįbo pesageba sela painu yali. Te Filistia dabe augwa ami polasa pobadi, tama Devit aga ami bidi dabe dali te king Akis tudi badu nosali pali.

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

1 Samuel 6:18

Tama augwaligo te bolo dabego piksa noma me tolali, deli deli te bomai obo banis elalubo tigidali taun hanu usu nama tolali, tama Filistia king a naga bidigo tonalubo dwasianu bulu me te piksa noma tolali. Tama megi te genuai masigi te Genuai Bidigo halobage augwaligo muani te Josuago wit gide me elalubao, te hanu Betsemes bulu bidi. Tama te bulude pedelali sę te dąį tiwai ilali, te masigi elalubo dao.

Te Israel Tobolu Bidi Dabe 18:7

Tama tialima, te a naga bidi dabego te bulu tagalama, tama augwali pelama, te hanu Laisba sabolali. Augwali pelama suali, te bidi dabe bugagia bidaluali, te Saidon bidi dabe tiwai bugagia bidali. Augwali te dua digi bugagia mu bidali, tama augwaligo te gasa bidiba wado po me wasiąwai. Tama augwaligo hwįabo homu me isiąwai. Augwali te nai me deli me sǫą pabeo. Tama augwaligo te gasa hani bage dali te bisnis sę me isiąwai. Tama augwali te Saidon dabe pąde me bidibeo.

Te Israel Tobolu Bidi Dabe 14:4

Te aga aya dali ida sigo te Genuai Bidigo te Samson ola mayu, te tiwai sę ebo te konesiąwani, magi baso meni, Genuai Bidigo te Filistia dabe dali hwįabo sunumi gegebo sę yali. Te sogo te Filistia dabego te Israel dabe tonaluali.

Te Israel Tobolu Bidi Dabe 10:12

te Saidon dabe me, te Amalek me, te Maon dabe, te hani augwaligo dage elaluama, tama dageba dwai sę mu ilai. Tama dagego enaba i obaso, tama eno dage te augwaligo nogode ma dobola sai dao.

Te Israel Tobolu Bidi Dabe 10:7

Tama tibaso, Genuai Bidigo te Israel dabe dali haliga sębę elama, tama agai te Filistia dabe me te Amon dabe aselama, te augwali dali boi hwįagaselama, te augwali aiyaba elalumainu ilali.

Te Israel Tobolu Bidi Dabe 4:2

Tama tibaso, Genuai Bidigo te Kenan gavman tuni bidi Jabingo te augwali aiyaba elalumainu ilali. Te tuni bidigo te Hasor hanu tonaluali. Tama aga sę tonalubo te polalubo bidi Sisera te aga ami bidi dabego ofisa bidi dao. Aga te bulu Hasoret Hagoim tede bidali.

Josua 19:28

tama Ebron, me Rehop, me Hamon, me Kana tama pali, te genuai hanu Saidonba sabolali.

Josua 11:3

Tama agai te Jordan wę pąde bidaluali te Kenan dabebolo me po ola tolobadi, tama te bulu du bagede bidaluali hani, augwalibolo me wai. Te augwali Amor dabe, me te Hit dabe, me te Peres dabe, me te Jebus dabe, te augwalibolo po tolai. Tama agai te Hivi dabe augwali te Hermon bulu du pąde, te Mispa dabego tǫde bidalubo bage augwalibolo me te po ola tolai dao.

Bomai Po 3:9

Tiali goli, te Saidon bidi dabego te Hermon wabo dao, te Amor dabego te Senir wabo dao.

Bomai Po 1:7

Dage te pesage tagalama, tama pelama, tama dage te Amor dabego bulu du buluba piąo, tama me te bulu pąde elalubo bulu dabeba me. Te da, te Jordan wę odogode elalubo bulu dao, tama te malu bulu me, bulu du bulu me, tama te tǫ dage me te saut badu elaluyu me, te genuai tamu wę Mediterenian pąbadu elalubo nambis tǫ me. Tama dage Kenan dabego tǫba piąo, tama me te bulu du Lebanon tǫ u badu me pelama, te genuai wę Yufretisba usu nigi pao.

Israel Hanigo Namba 34:8

Tama te bulu du Hor tagalama, odogo bulu Hamatba tagaligi paibao. Tama te magi pelama, bulu Sedatba sabolama,

Israel Hanigo Namba 13:29

Te Amalek dabe te saut badu bidibo, te Negevde. Tama te Hit dabe me, Jebus hani dabe me, Amor hani dabe me, augwali te bulu du badu bidibo suali. Tama te Kenan dabe te genuai tamu ąį Mediterenian pąde bidibo, tama me badu te wę Jordan sesegede bidibo,” augwaligo te po wai.

Tigidali Nai Gagalama Nigali Side 49:13

“Sebulun te tamu ąį pąde bidaibao. Te aga bidibo tama wę saneba te sip dabe tuagasobo madi elaluaibao. Te agai tǫ sesege badu te dąį igi pabo te Saidon buluba usu nugi paibao.”

Josua 9:7

Tiali goli, te Israel dabego te Gibeondu asali Hivi dabebolo te po wai, “Magi baso dago te po me deli dage dali bomai po dąų omainogowe? Te dage pąde naga bidibo homu ebao,” wali.

Josua 11:19

Te hanu me deligo te Israel dabe augwali dali nogo menama, tama augwali dali me bidibeo. Gibeon te Hivi dabego page bulu, te bulu deligo te Israel dabe dali nogo mawai. Tigidali te gasa hanu dabe te hwįanigo dolai dao.

Te Israel Tobolu Bidi Dabe 3:2

Genuai Bidigo tama tiwai kolesaga yali, te gesi hani Israel dabe deli deli te wąbi hwįbo kolesaga ola mayu tama tiali.

1 Samuel 6:4

Tama te bidi dabego te po wali, “Te dago magi ofa te Godiba tolaibawe?” Tama te pris dabego me, te po page konebo bidi dabe daligo te po wai, “Te gol selama, te dage tigide yali dili keni piksa noma a naga, me te bolo piksa noma a naga badi nigilama, tama te halobage dali tolao. Te dili keni yali namba me te bolo te Filistia dabe dago king a naga te usu nama tiao. Magi baso meni, te tobage genuai gasi te dageba, me te dago king a naga bidiba te gasi pedelali.

1 Samuel 6:16

Te Filistia king bidi dabe a naga bidigo augwaligo te sę dabe ebo sulama, tama te sogo naga augwali te taun tǫ Ekronba ma geasa pai dao.

2 Samuel 24:7

Tama augwali te saut tǫ pedai badu ma begasa aselama, tama te Tair hanuba pedelagasali, te hanu te bobegelali masigi obo te bomai mu elaluali. Tama nosali augwa te Tair hanu tagalama, tama augwa hogodama, te Hivi dabego me Kenan dabego hanu tigidaliba pali. Tama nosali mu augwali te Juda tǫ pedai saut badu te Berseba buluba sabolali.

Te Israel me Juda Hani Sigo Tuni Bidigo Po Elalubo Buku Deli 8:65

Te sogo Solomon dali, te tigidali Israel dabe me, te Jerusalemba sisinama, te osogo bidabo bede bidibo bodolu muani te genuai side sisinama bidali. Augwali te Genuai Bidi dago Godigo gedude sisinama bidali te a naga olama, me si sogo te sisinama bidali, tama nosali augwali te a naga olama, me si te tama sogo ma sisinani, te tigidali deliba taluama, te 14 sogo bidai. Te genuai hani we bidi te tigidali tǫ pedai badu asali, te Hamat hanuba pabo sunumi tulumage side gagalasa pali, te not pedai badu teba usu nigi pelama, te Isip tǫ pedai te saut badu dąį igi pai.

Esekiel 47:20

“Tama giliga dega sabo badu tǫ dąį te not badu pelama, tama genuai tamu ąį Mediterenian kemi sanedu pelama, tama u not badu te dąį gagalali pesageba usu nigi pali,” wali.

Te Israel me Juda Hani Sigo Tuni Bidigo Po Elalubo Buku Deli 9:20

Te Israel bulu tǫde te gasa hani we bidi meba augwali bidali. Te augwali te Amor, me Hit, me Peres, me Hivi, me Jebus, te hani augwali bidali.