Te Israel Tobolu Bidi Dabe 21:7 - Godigo dwagi yai po buku

⁷ “Te dago magi elama te bidalubo bidi hani dabe we magowe? Magi baso meni, te dago bomai po te Genuai Bidiba dąų walu wai, te dago dena wegi dabe te augwaliba me magobe po wai dao.” Te po wai.

Te Israel Tobolu Bidi Dabe 21:7 Referans Kwoze

Te Israel Tobolu Bidi Dabe 21:1

Te Israel bidi dabego te Genuai Bidiba te bomai dąų wabo po te Mispa bulude wali. Augwaligo te tama tiwai po wali, “Dago te dena wegi mani te Benjamingo hani dabeba munu me bidi pomainu magobeo,” wai.

1 Samuel 14:45

Tiali goli, te we bidi dabego te po Solbolo wai, “Odiąo. Jonatango da Israel dabe tau selama, tama agai te genuai wąbi hwįagasali bage te augwali aiyaba elaluai. Te aga elimainu obawe? Mu menio! Dago te sesemane sogo bidada pabo Genuai Bidigo nogide mu po obao, nago dwai sę me deli agaba munu me elamuo. Magi baso meni, Godigo e sogo side aga tau selama, tama agai te sę yai,” wali. Tama tibaso, te we bidigo te Jonatan ma dobola sali, tama Solgo aga me ela mubeo.

Te Israel Tobolu Bidi Dabe 21:18

“Tiali goli dago te bidi dabe me deligo te dago wegi mani somainu me elamuo.” Augwaligo te tiwai po wali, magi baso meni, te po augwa polobadu wai, “Te bidi me deligo aga wegi te Benjamin hani bidi me delibolo mobaso da, te aga dolomainao,” wai dao.

Te Israel Tobolu Bidi Dabe 21:6

Tiali goli, augwaligo te augwa ama dabede homu dene mu yali, te Benjamingo hani. Tama augwa te po wali, “Te megi e sogode te Israel hani me deli hagawainu ebao,” po wai.

Te Israel Tobolu Bidi Dabe 21:8

Tialima augwaligo hanalu wali, “Te dago hani mena bage, te Genuai Bidiba te Mispa buluba asobewe?” Tama augwaligo gegali te tiwai, te Jabes Gileat ami hwįbo bidi dabe te sisinani madiba me asisąwai.

Te Israel Tobolu Bidi Dabe 21:22

Nosali augwa aya dabe me, ma te augwa abe dabe asu, tama dageba wado po wagasobaso da, teda dagego augwaliba te po waiąo, ‘Te augwali da dali bidimainu yao, magi baso meni, te da deli deligo te hwįani sogo te we me sisąwai. Tama duga digi dabolo me mabe, tama tibaso te duga dąų wali po te me dagego togobeo,’ te tiwai po augwalibolo waiąo.” Te polalubo bidi dabego te po wai.