Te Israel Tobolu Bidi Dabe 21:4 - Godigo dwagi yai po buku

⁴ Tama do te kigamu mu te we bidi hogodama, tama te pesagede te alta me deli nigai. Tama augwa te tigidali ulama siago domainu ebo ofa me te homu deliba mubo ofa yali.

Te Israel Tobolu Bidi Dabe 21:4 Referans Kwoze

2 Samuel 24:25

Tama Devitgo te Genuai Bidigo alta me deli te pesagede nigilama, tama te siago tigidali dabo ofa me, te God dali deli homu pedalubo ofa me, yalio. Tama nosali, Genuai Bidigo te bidi dabego augwa bulu tǫ pedai te bugagia wiegi yai emainu, te gedu haluasa po wabo odali. Tama agai te Israelde elaluali te gasi silalio.

Hibru 13:10

Dago ofa ebo alta sai tiwai elalubao, tama tede dago Godigo nogi ugwaba sabo po wabogo te ofa tiwai agabolo mabo dao. Tama te Juda dabego pris bidi dabe augwaligo augwa lotu wabo te ugwa bede sę eyu, augwaligo te dago ofa tiwai ebo kolesagade sę meni.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.

Te Israel me Juda Hani Sigo Tuni Bidigo Po Elalubo Buku Deli 8:64

Te sogo me, king Solomongo te sisinani pesage tomode te Genuai Bidigo tempel be gesabidide elaluali tǫ pedaide te sa muani, tama te tǫ te Genuai Bidigo tǫ mu pedelali. Tama te tǫ pedaide te siago tigidali domainu ulubo ofa me, te wit ofa ebo me, tama agai te kibu dabego ili me te deli homu pedelainu ebo ofa dabe yabo tǫ nigilali. Augwa te ofa dabe te tǫ pedaide te siaba ulali, magi baso meni, te pesagede te genuai elaluali, tama te alta bras te dwasianu ebaso, tama augwa te ofa dabe te altade naga yabo te usu meni yani.

2 Samuel 24:18

Tama te sogode naga te profet Gatgo te Devit sugi pelama, tama agaba te tama po wai, “Tama nage te Jebus hani bidi Araunago te nai wit sabo madi, te pesage te bulu duba ugwa holama, tama nago te Genuai Bidigo alta me deli nigao,” te po wai.

Te Israel Tobolu Bidi Dabe 6:26

“Tama nago te Genuai Bidigo alta wiegi yai me deli te dwasianu bulu du daide nigao. Nosali nago te si wali bulmakau selama, tama nago te togali te habu selali ni pos dali te ofa tiwai elama ulao.” Genuai Bidigo te po wai.

Bomai Po 12:5

Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.

Te Israel Tobolu Bidi Dabe 21:3

Tama augwaligo tama po wali, “God, te da Israel hanigo Genuai Bidi, magi baso te sę daba pedalubawe? Tama magi baso dago hani me deli hagawainu ebowe?” Augwaligo te po hanalu wali.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

Te Israel Tobolu Bidi Dabe 6:24

Tama tibaso, Gideongo Genuai Bidigo alta me deli te bulude nigilama, tama agai te alta nogi weyu, “Te Genuai Bidi aga te homu nagame dua ebo bidi da,” wali. Te nigali alta te Abiesergo hani bagego tǫ pedai badu e po asębo sogode me elalubao, augwaligo te bulu nogi Ofra wai dao.

Te Israel Tobolu Bidi Dabe 20:26

Tama te Israel bage dabe tigidali te Betelba ma pelama, tama augwaligo te Genuai Bidiba gela wagi pai. Augwali te Genuai Bidigo gedude dualaludubadi, te giliga dega sigulama, tama augwaligo te nai me wę me munu me tusiąwai. Tama augwaligo te siago domainu te tigidali siaba ulubo ofa te Genuai Bidiba homu deli elama, te tama ofa yalio.