Te Israel Tobolu Bidi Dabe 21:3 - Godigo dwagi yai po buku

³ Tama augwaligo tama po wali, “God, te da Israel hanigo Genuai Bidi, magi baso te sę daba pedalubawe? Tama magi baso dago hani me deli hagawainu ebowe?” Augwaligo te po hanalu wali.

Te Israel Tobolu Bidi Dabe 21:3 Referans Kwoze

Jeremaia 12:1

Genuai Bidio, nago doloba pai kolesaga sesemane sogo ebao, te eno nage dali po konila eyu wabeo. Tialima, te meba kolesaga eno konesiąwani, tama eno te nagebolo hanalu obao. Magi baso te dwai kolesaga ebo bidi dabe, te augwa sesemane sogo bugagia bidibo dawe? Magi baso te gagamu selibo bidi, me tibo po wabo bidi dabe, te augwa ebo sę bugagia mu ela pidubo dawe?

Aisaia 63:17

Genuai Bidi, magi baso nago da te besela palama, bilalumainu eyu, te dago nago doloba pai sunumi wali pisąmainogo ebawe? Magi baso nago dago haliga me homu kolesaga dąų weyu, te dago nageba wi isąma, te nago dologode bidisąmainu ebawe? Nago naga sę bidi dabe da homugo koneama, te nage ma aselama, da dali bidagasao, te naga digi nago sa muai hani dabe dao.

Bugagia Bidibo Kolesagade Po Asęai Buku 19:3

Te meba hani bagego te esela pabo bidigo kolesaga eyu, tama augwa digi dolama, tama nosali te sęgę Genuai Bidiba munama, tama agaba wado ilibo dao.

Godigo Nogi Ugwaba Sabo Tęąbi Po Wabo Buku Dabe 80:12

Tiali goli, magi baso nago te wain gi bagulali obo dabe alualiwe? Megi da, te sunumidu soabo we bidi dabe augwaligo te wain gi du dabe wi saibao.

Godigo Nogi Ugwaba Sabo Tęąbi Po Wabo Buku Dabe 74:1

God, magi baso nago da tudiba mubawe? Te nago wado po sesemane te naga we bidi daba ududa, agawe?

Bomai Po 29:24

Tama te tigidali bulu tǫ we bidi dabego hanalua paibao, ‘Magi baso Godigo te Israel dabe augwaligo bulude te tama tialiwe?’ te po weyu, ‘Magi baso agai augwali dali sębę dwai mu yaliwe?’ te po waibao.

Te Israel Tobolu Bidi Dabe 21:2

Tama te bage dabe te Betelba aselama, tama augwali te God gedude dualalubadi te giliga degegi palio. Tama augwa dwai gela mu wali.

Te Israel Tobolu Bidi Dabe 21:4

Tama do te kigamu mu te we bidi hogodama, tama te pesagede te alta me deli nigai. Tama augwa te tigidali ulama siago domainu ebo ofa me te homu deliba mubo ofa yali.