Te Israel Tobolu Bidi Dabe 21:19 - Godigo dwagi yai po buku

¹⁹ Tama teyu, te polalubo bidi dabego te po wali, “Te Godiba genuai nai ulubo nai daa tubo sogo te megi da pąba yagasalio. Te ulubo nai daa tubo sę te tigidali kibu bede pedalubo, te megi te Silo hanude pedalubao,” wali. Silo te Betel pedai badu te notde elaluali, te Lebona bulu pąde te saut badu, tama te giliga pedalubo badu te bulu Betel me Sekem si pabo sunumi tomode dao.

Te Israel Tobolu Bidi Dabe 21:19 Referans Kwoze

Dwagi Yai Gesi Po Jongo Asęani 7:2

Tama Juda bage olo bidibo side, te augwaligo nogi te nami ugwa bede bidabo side, te olo bidibo si te pąba yagasai.

Dwagi Yai Gesi Po Jongo Asęani 5:1

Te nosali te Juda bagego olo bidiyu lotu po wabo si te pedalai. Tama tebo side Jisas Jerusalem hanuba holai.

Godigo Nogi Ugwaba Sabo Tęąbi Po Wabo Buku Dabe 81:3

Te biugel bu wabo te genuai side te gesi polua nanama, tama te polua genuai pedalubo sogode, te biugel bu waiyąo.

1 Samuel 1:3

Te tigidali kibu be te deli sogo naga te Elkana te aga bidibo hanu tagalama, tama te Silo buluba pelama, te Tigidali Bomo Elalubo Genuai Bidibolo te lotu po wainu, te ofa dabe igi pali. Hopni dali Finias si, te Eligo ogwa si, te Genuai Bidiba pris sę ebo bidi si te bulude bidali.

Te Israel Tobolu Bidi Dabe 18:31

Tama te Maikago tibo god dabe tede elalubadi, te Godigo ugwa be te Silo bulude elaluai dao.

Josua 18:1

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Bomai Po 16:13

Tama Mosesgo po geninama weyu, te po wali, “Dagego te wit bo sela sąyu, me dagego te wain du agalama, silama, nosali da, teda te osogo bidabo yano be, te bede olo bidibo genuai sogo dao. Tama te 7 dei wabode,

Bomai Po 16:10

Tama dagego te namba 7 wikde sabi simanobo sogo deli ma magi yao, te Genuai Bidi dago God agaba wiegi yai homu pemene yabo sogo. Tama dagego homugo tiao, Godigo dabolo te nai dabe hauwa mu mani dao homu yao. Tama tialima, duga homugo digi te nai meba bugulama, tama Genuai Bidibolo ofa tiwai mao.

Bomai Po 16:1

Tama Mosesgo po geninama weyu, te po wali, “Te tigidali sogo kibu bede, te polua Abipde, teda dagego te Genuai Bidi Godigo dage Isipde bugagia bidimainogo sula tagalali te side sa muyu, nai ulama tuiąo. Tama dagego Genuai Bidi dago God agai nogi ugwaba siąo. Magi baso meni, polobadu me sogo hulide, te polua Abipde, agai dage Isip bulude oda sai dao.

Israel Hanigo Namba 29:12

Tialima, Genuai Bidigo Mosesbolo te we bidibolo te po walao po wali, “‘Dage te dei 15, te 7 poluade sisinama, lotu po omainu yao. Dagego a naga olama, me badu nogo si sogo te Genuai Bidiba genuai lotu wabo sogo bodolu muao. Tama dagego te sogo dabe dage sę me elamuo.

Israel Hanigo Namba 28:26

Tama Genuai Bidigo Mosesbolo te we bidibolo e tama po wao po wali, “‘Te gide nai siyu, wiegi yai homu ebo genuai sogo da, teda dagego te nai hasia inayali te selama, Genuai Bidibolo mao. Tama dage sisinama, lotu po wao. Tama te tedali gasagi yai sogo dagego sę me elamu dao.

Israel Hanigo Namba 28:16

Tama Genuai Bidigo Mosesbolo te we bidi dabebolo te po wao wali, “‘Dagego te namba wan poluago dei 14 te e tiwai sogo, te Pasova sogo sa muao. Tama te sogo dagego genuai nogi Genuai Bidibolo mao.

Israel Hanigo Namba 10:10

Tama me ma, te lotu wabo genuai sogo me, te gesi noma poluade me, ma gasa lotu wabo genuai sogo me, te biugel eliyu yao. Dagego te biugel te isigo ulama, sese dela silibo ofa ulubode, me homu deliba yainu ebo ofa ebode, te biugel eliyu yao. Tama eno dage koneama, eno dage tau saibao. Ena God, dagego Genuai Bidi, eno polo wali.” Te po wai.

Pris Sę Ebo Bomai Po 23:34

Agai te tiwai po wali, “Te 7 polua 15 dei wabode, te namba 1 dei te genuai side te we bidi augwaligo te dwasianu be te ni nologo selama sę ebo side elalubao, te bede bididubadi te a naga si sogo Sarere deliba usu nama, ena homu kone palao.

Pris Sę Ebo Bomai Po 23:10

“Te Israel we bidi augwaliba te tiwai ma wao. Te dage eno mawainogo ebo tǫba bidigi pabo sogo, te nosali dagego duga gide te wit tau inawai sabo sogo da, teda te tigidali kibu bede te polasa duani wit selama, dagego te pris dabeba selasa pao.

Pris Sę Ebo Bomai Po 23:6

Te polua dei 15 wabode, te Bo Disąwai Bret Tubo Genuai Side elalubao. Tama dagego te bo disąwai yis meni yai bret tudubadi, te Sarere deliba usu nao.

Pris Sę Ebo Bomai Po 23:4

Megi da, eno dagebolo te genuai sogo dąį ilali po walainogo ebao. Te tigidali kibu bede dage te sogo sisinama lotu wao,” wali.

Pris Sę Ebo Bomai Po 23:2

“Te Israel we bidi dabebolo te genuai lotu wabo side eno augwaliba bodolu muyu dąį ilai dao po walao. Dage sisinama, e tama side lotu waiyąo.

Te Israel Tobolu Bidi Dabe 21:20

Tama augwaligo te Benjamingo hani dabebolo weyu, te po wali, “Dage pelama, tama te wain gi tomoba geme duala sigi pelama,