Te Israel Tobolu Bidi Dabe 21:13 - Godigo dwagi yai po buku

¹³ Te bidi dabe sisinagaselama, tama te Benjamingo hani me badu pedai te Rimon ola be masigide bidalubo madiba po ola tolu, tama augwaligo te tiwai po wali, “Megi da, te dago dage dali ma hwįabo homu ebeo. Tama dago homugo te boi pimainao,” wali.

Te Israel Tobolu Bidi Dabe 21:13 Referans Kwoze

Te Israel Tobolu Bidi Dabe 20:47

Tiali goli, te 600 bidi begasa pelama, te wi peyu, te ola be masigi elalubo madi te Rimonba wi pai. Tama augwali tede bidaludubadi, te polua me si me si bidai dao.

Bomai Po 20:10

“Dage te genuai obo me yai hanuba me hwįgi pabo si da, tama dage te hanu pąba saboligi peyu da, teda hasia dagego te po waiąo, te hanu page we bidibolo te po waiąo, ‘Dagego da dali hwįgio. Dagego te hanu dabolo olo maiąo,’ te po walao.”

Efesus 2:17

Tama Krais aga asama, tama agai te wiegi yai gesi po, te boi piabo po agai da tigidalibolo pusagasali. Te dage God digibulu bidali Juda hani isiąwai bage dali, te da God pąde bidali Juda bidi hani dali si, te da tigidalibolo agai te boi piabo po ola magasali.

Dwagi Yai Gesi Po Lukgo Asęani 10:5

Te dage be me deli tomoba pabo sogo, te dagego hasia bolo te po waiąo, ‘E bede bidibo we bidi bugagia bidiąo.’ Te tiwai homu nagame ilibo po wao.

Aisaia 57:19

te eno augwa te homu dene ebo tagalomainu elama, te augwa enaba usu da olama, wiegi yai pemene ebo po mimainogo ilaibao. Ena Genuai Bidi, eno te po obao, te eno nagame yai haliga ebo homu te pąde bidibo we bidi dali, me te digibulu bidalubo hani dabe dali me ebao. Te augwali eno usu ma ilama, te augwaliba wiegi yai sogo mawaibao wai dao.

Josua 15:32

Lebaot, Silhim, Ain, Rimon. Te bidi sese deli olama, te nogo a naga me si me si, te 29, te tama hanu dabe badi, tama te hanu dabe pąde te dwasianu bulu dabe, te Juda hani sibigo elaluali.

Te Israel Tobolu Bidi Dabe 20:45

Te Benjamin dabego gasa bidi dabe begelama, tama wi peyu, te Rimon tǫ wa pai bulu te ola beba palio. Tama te Israel dabego te bidi meba te umabo te 5,000 bidi dabe te sunumide elala pali. Tama gasa bidi dabe te augwaligo pobeasa pelama, te Gidom hanuba te augwaligo siligi paboba mu usu nigi pali. Augwaligo te umabo bidi sese meba ma elali, te 2,000 bidi ela muani.

Te Israel Tobolu Bidi Dabe 21:12

Tialima augwali pelama, te tiwai elama, tama augwaligo te Jabes hanu tomode te gesi wegi ogwa we te bidi sese hauwa te 400 gegalio. Te wegi ogwa we dabe te bidi dali pagela pisiąwai wegi dabe dao. Tama augwaligo te wegi ogwa we dabe sela asu, te bidibo pesage Silo te Kenan tǫ pedaiba ma asai.

Te Israel Tobolu Bidi Dabe 21:14

Tialima, te Benjamingo hani te ma aselawali. Tama te gasa Israel hanigo te wegi ogwa we augwaliba menama, tama augwaligo sali. Augwaligo te wegi ogwa we dabe augwali te Jabes Gileat hanuba hwįgi pali sogo sai. Tiali goli te gesi we dabego te Benjamingo hani me badu te usu isiąwai.