Te Israel Tobolu Bidi Dabe 20:40 - Godigo dwagi yai po buku

⁴⁰ Megi da te dąį ilaiba wali te pedelali. Te hanude te hano genuai ugwaba holali. Tama te Benjamin dabego te hanu begelama ma tonobadi, tama augwaligo te hanu tigidali siago dabo hano holobo sualio.

Te Israel Tobolu Bidi Dabe 20:40 Referans Kwoze

Josua 8:20

Te Ai bidi dabego te hanuba tonono pobadi, augwaligo te hano ugwaba holobo suai. Augwaligo koneani, te augwali geme duala sabo pesage meni isiąyu, te dolabo sęgo augwali me edeligobeo. Magi baso meni, te Israel dabego augwali tibo po olama, tama te masigi tǫ buluba wi pali, megi da te augwali ma begelama, tama augwali dali hwįai.

Kraisgo Geme Dualali Sę Pedelabo Po Jonbolo Ola Mani 19:3

Tama augwaligo i e tama ma wai, “Dago God nogi ugwaba sinao! Te genuai hanu sia dabo hano ebo, te sesemane sogo te hano ugwaba holobo dao!” te po wai.

Joel 2:30

Genuai Bidigo po ma weyu, te po wai, “Te eno te e side dąį ilali sogo bodolu te tǫde me dagalude mueibao,” wali. “Te tǫde genuai boi hwįabo si pedalubode, te bidi hauwago kaneme gelaibao. Te sia dabo augwa taunde pedelama, te hano genuai hano ugwaba holaibao,” wali.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Tigidali Nai Gagalama Nigali Side 19:28

Abrahamgo te Sodom me, Gomora me, te tigidali tǫ odogo maluba aba tonono bilalio. Tama agai te hano pedalubo suali, te genuai sia hano tiwai pedalubo sualio.

Te Israel Tobolu Bidi Dabe 19:16

Augwali tede duadalaludubadi, tama monu dabe bidi me deli asali. Te aga gide sę yali silama, tama aga ma asali. Te bidi te Efraimgo te bage bulude bidai bidi, tiali goli aga aselama, te Gibea buluba bidagasali. Tama te Gibeade te Benjamingo hani bage bidaluai.