Te Israel Tobolu Bidi Dabe 20:3 - Godigo dwagi yai po buku

³ Tama te Benjamingo hani dabego te tiwai po wabo odali, te gasa Israel hani dabe te Mispaba sisinigi pali po walio. Tama te Israel dabego te Livai bidiba hanalu wali, “Nago dabolo pusao. Te dwai kolesaga mena tama pedelaliwe?”

Te Israel Tobolu Bidi Dabe 20:3 Referans Kwoze

Matyu 5:25

“Tama bidi me deligo nage po tų ilainogo ebaso da, tama te po tų yabo sogo dage si tųdu pidubadi, tama polo nago po duga si te po dola sao. Te sogo nago aga dali dodola sisąwani da, te po tų yabo bidigo nage te po tų dodolobo bidi jasgo nogoba muaibao, tama jasgo nage enesigi bidigo nogoba munama, tama enesigi bidigo nage kalabusiba muaibao.

Bugagia Bidibo Kolesagade Po Asęai Buku 22:3

Te wiegi yai homu elalubo bidi, agai te tiwai koneyu, te sęgę agaba pedalubo si, te agai ela soaibao homu yai. Tiali goli, te wiegi yai homu elalusiąbo bidigo, agai suali, te dwai sęgę te agai sunumide elalubaso, tama aga peyu, tama gesabidi deliba unulama, tama te sęgę tolobo dao.

Te Israel Tobolu Bidi Dabe 20:2

Tama te tigidali Israel hanigo polalubo bidi dabe te tigidali bage te Godiba sisinama po mibo madiba sabolali. Te bainatgo hwįbo ami bidi dabe te bidi sese umabo te 400,000 ami bidi dabe elaluali.

Te Israel Tobolu Bidi Dabe 20:4

Tama te Gibeade bidali Benjamin hani bagego te dolali we aga bidi agai te po wali, “Ena eno we dali, da si te Gibeaba pali, te Benjamingo hani dabego tǫba pali, tama da si te bulude hulide bidainu yali.

Bomai Po 13:15

teda te hanude we bidi augwa kau kibu dabe dali sese tama ela silao. Te hanu mu tama dolama, tagalao.

Te Israel Tobolu Bidi Dabe 20:12

Tialima, tigidali Israel hanigo te bidi dabe tagala palama, te Benjamingo hanibolo wagi pomainu yali, “Magi baso e te tiwai dwai kolesaga dagego yaliwe?